ഗുജറാത്തില്‍ ആയിരക്കണക്കിന് വര്‍ഷങ്ങള്‍ക്ക് മുമ്പ് സൃഷ്ടിക്കപ്പെട്ട ഗര്‍ത്തം കണ്ടെത്തി നാസ

നാസയുടെ ലാന്റ്സാറ്റ് 8 ഉപഗ്രഹമാണ് ബന്നി സമതലത്തില്‍ ആയിരക്കണക്കിന് വര്‍ഷങ്ങള്‍ക്ക് മുമ്പ് സൃഷ്ടിക്കപ്പെട്ട ഗര്‍ത്തം കണ്ടെത്തിയത്. ഉപഗ്രഹ ചിത്രത്തിന്റെ സഹായത്തോടെ പ്രദേശത്തിന്റെ ഘടന വിശകലനം ചെയ്യുകയും ഗര്‍ത്തം ഉല്‍ക്കാപതനത്തെ തുടര്‍ന്ന് ഉണ്ടായതാണെന്ന് സ്ഥിരീകരിക്കുകയും ചെയ്തു. ഏകദേശം 1.8 കിലോമീറ്റര്‍ വ്യാസമുള്ള 20 അടി താഴ്ചയുള്ള ഈ ഗര്‍ത്തത്തിന് ലുണ ഇംപാക്ട് ക്രേറ്റര്‍ എന്നാണ് പേര് നല്‍കിയിരിക്കുന്നത്.

Science354 days ago

ഭൂമിയെ ലക്ഷ്യമാക്കി അതിവേഗത്തില്‍ രണ്ട് ഉല്‍ക്കകള്‍ നീങ്ങുന്നതായി നാസ

അതിവേഗത്തില്‍ നീങ്ങുന്ന രണ്ട് ഉല്‍ക്കകള്‍ യാതൊരുവിധ ഭീഷണിയുമില്ലാതെ ഭൂമിക്ക് അരികിലൂടെ ഇന്ന് കടന്നു പോകുമെന്ന് അമേരിക്കന്‍ ബഹിരാകാശ ഏജന്‍സിയായ നാസ. ആശങ്കപ്പെടേണ്ട സാഹചര്യമില്ലെന്നും നാസ അറിയിച്ചു. ഭൂമിയില്‍ നിന്ന് 4,580,000 മൈലുകള്‍ക്ക് അപ്പുറത്തുകൂടിയാണ് ഇത് കടന്നുപോകുക. 2024 RO11 എന്ന് പേരിട്ടിരിക്കുന്ന ഉല്‍ക്കയ്ക്ക് 120 അടി നീളം വരും. അതായത് ഒരു ഉല്‍ക്കയ്ക്ക് വാണിജ്യ വിമാനത്തിന്റെ അത്ര വലിപ്പമുണ്ട്.Read More

Science206 days ago

മഴക്കെടുതി: ഗുജറാത്തിൽ മരണം 36 കടന്നു

ഗുജറാത്തിൽ മഴക്കെടുതി രൂക്ഷം. ദിവസങ്ങളായി തുടരുന്ന മഴക്കെടുതിയിൽ സംസ്ഥാനത്ത് വിവിധ അപകടങ്ങളില്‍പ്പെട്ട് മരിച്ചവരുടെ എണ്ണം 36 കടന്നു. കനത്ത മഴയില്‍ പ്രധാന നഗരങ്ങളെല്ലാം വെള്ളത്തിനടിയിലായി. ദുരന്ത ബാധിത മേഖലയില്‍ നിന്നുള്ള ആളുകള്‍ ദുരിതാശ്വാസ ക്യാമ്പുകളിൽ തുടരുകയാണ്. അടുത്ത 5 ദിവസം കൂടി ഗുജറാത്തിൽ ശക്തമായ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽയിരിക്കുന്നത്. മഴ ശക്തമാകുന്ന സഹാചര്യത്തില്‍ ജനങ്ങളോട് ജാഗ്രത പാലിക്കാന്‍ സംസ്ഥാന സര്‍ക്കാര്‍ ആവശ്യപ്പെട്ടു.

National229 days ago

ഗുജറാത്തില്‍ കനത്ത മഴ; മരണസംഖ്യ 28 ആയി

ഗുജറാത്തില്‍ കനത്തമഴ തുടരുന്നു. മഴക്കെടുതിയില്‍ കഴിഞ്ഞ മൂന്ന് ദിവസത്തിനിടെ സംസ്ഥാനത്ത് 28 പേര്‍ മരണപ്പെട്ടു. വെള്ളപ്പൊക്ക ബാധിത പ്രദേശങ്ങളില്‍ നിന്ന് 18,000ത്തോളം ആളുകളെ മാറ്റിപ്പാര്‍പ്പിച്ചു. ശക്തമായ മഴ സാധ്യത കണക്കിലെടുത്ത് കാലാവസ്ഥാ വകുപ്പ് ഗുജറാത്തിലെ 11 ജില്ലകളില്‍ റെഡ് അലര്‍ട്ടും 22 ജില്ലകളില്‍ യെല്ലോ അലര്‍ട്ടും പുറപ്പെടുവിച്ചിട്ടുണ്ട്. പ്രധാനമന്ത്രി നരേന്ദ്ര മോദി ഗുജറാത്ത് മുഖ്യമന്ത്രി ഭൂപേന്ദ്ര പട്ടേലിനെ വിളിച്ച് സ്ഥിതിഗതികള്‍ വിലയിരുത്തുകയും കേന്ദ്രത്തിന്റെ പിന്തുണ ഉറപ്പ് നല്‍കുകയും ചെയ്തു.

National232 days ago

കനത്തമഴ, വെള്ളപ്പൊക്കം; ഗുജറാത്തില്‍ 15 മരണം

ഗുജറാത്തില്‍ കനത്തമഴയെ തുടര്‍ന്നുണ്ടായ വെള്ളപ്പൊക്കത്തില്‍ 15 പേര്‍ മരണപ്പെടുകയും 23,000ത്തിലധികം ആളുകളെ മാറ്റിപ്പാര്‍പ്പിക്കുകയും ചെയ്തു. ദുരന്തനിവാരണ പ്രവര്‍ത്തനങ്ങള്‍ക്കായി 14 NDRF സംഘങ്ങളും 22 SDRF സംഘങ്ങളും സംസ്ഥാനത്ത് വിന്യസിച്ചിട്ടുണ്ട്. കരകവിഞ്ഞൊഴുകുന്ന നദികളിലും കായലുകളിലും ആരും ഇറങ്ങരുതെന്നും മത്സ്യത്തൊഴിലാളികള്‍ കടലില്‍ പോകരുതെന്നും മുന്നറിയിപ്പ് നല്‍കിയിട്ടുണ്ട്. ഗുജറാത്തിലെ മഴക്കെടുതി സംബന്ധിച്ച് പ്രധാനമന്ത്രി നരേന്ദ്ര മോദി മുഖ്യമന്ത്രി ഭൂപേന്ദ്ര പട്ടേലുമായി സംസാരിക്കുകയും രക്ഷാപ്രവര്‍ത്തനങ്ങളുടെ വിശദാംശങ്ങള്‍ തേടുകയും ചെയ്തിട്ടുണ്ട്.

National233 days ago

ഗുജറാത്തില്‍ കനത്ത മഴ; ആളുകളെ മാറ്റിപാര്‍പ്പിക്കുന്നു

ദക്ഷിണ ഗുജറാത്തിലെ വല്‍സാദ്, താപി, നവസാരി, സൂറത്ത്, നര്‍മദ, പഞ്ച്മഹല്‍ ജില്ലകളില്‍ മഴക്കെടുതി അതിരൂക്ഷമാണ്. സംസ്ഥാനത്ത് റെഡ് അലര്‍ട്ട് പ്രഖ്യാപിച്ചിരിക്കുകയാണ്. ഈ സാഹചര്യത്തില്‍ താഴ്ന്ന പ്രദേശങ്ങളില്‍ താമസിക്കുന്ന ആളുകളെ സുരക്ഷിത സ്ഥലങ്ങളിലേക്ക് മാറ്റിപാര്‍പ്പിക്കുകയാണെന്ന് മുഖ്യമന്ത്രി ഭൂപേന്ദ്ര പട്ടേല്‍ വ്യക്തമാക്കി. ഇന്ന് മാത്രമായി രാവിലെ 6 മുതല്‍ 8 വരെ നര്‍മ്മദ ജില്ലയിലെ സാഗബറ താലൂക്കില്‍ 64 മില്ലിമീറ്റര്‍ മഴയാണ് ലഭിച്ചത്.

National236 days ago

അത്യപൂര്‍വമായി ഒന്നിച്ചുവരുന്ന ‘സൂപ്പര്‍മൂണ്‍ ബ്ലൂമൂണ്‍’ ഇന്ന്

ഈ വര്‍ഷത്തെ ആദ്യത്തെ സൂപ്പര്‍മൂണാണ് ഇന്ന് ആകാശത്ത് തെളിയുക. ഇന്ത്യയില്‍ തിങ്കളാഴ്ച 11.56 മുതലാകും സൂപ്പര്‍മൂണ്‍ ബ്ലൂമൂണ്‍ ദൃശ്യമാവുക. അടുത്ത മൂന്ന് ദിവസം ഈ ആകാശക്കാഴ്ച തുടരും എന്നാണ് നാസയുടെ പ്രവചനം. ഈ വര്‍ഷം വരാനിരിക്കുന്നതില്‍ നാല് സൂപ്പര്‍മൂണുകളില്‍ ആദ്യത്തേതാണിത്. ഭൂമിയുടെ ഭ്രമണപഥത്തോട് ചന്ദ്രന്‍ ഏറ്റവും അടുത്തു നല്‍ക്കുന്ന സമയത്തെ പൂര്‍ണ ചന്ദ്രനെയാണ് സൂപ്പര്‍മൂണ്‍ എന്ന് പറയുന്നത്. ഈ വര്‍ഷത്തെ ഏറ്റവും വലുപ്പവും തിളക്കമുള്ളതുമായ പൂര്‍ണചന്ദ്രനാണ് ഇന്ന് ദൃശ്യമാവുക.Read More

Science242 days ago

അന്താരാഷ്ട്ര ബഹിരാകാശ നിലയത്തിലേക്ക് മലയാളിയുള്‍പ്പടെ രണ്ട് ഇന്ത്യക്കാര്‍

ഇന്ത്യയുടെ പ്രഥമ ബഹിരാകാശ യാത്രാ പദ്ധതിയായ ഗഗന്‍യാനിലെ യാത്രികരായ ഗ്രൂപ്പ് ക്യാപ്റ്റന്‍ ശുഭാന്‍ശു ശുക്ല, ഗ്രൂപ്പ് ക്യാപ്റ്റന്‍ പ്രശാന്ത് ബാലകൃഷ്ണന്‍ നായര്‍ എന്നിവരാണ് അമേരിക്കന്‍ ബഹിരാകാശ ഏജന്‍സിയായ നാസയുടെ നേതൃത്വത്തില്‍ ഈ ആഴ്ച പരിശീലനം നേടുന്നത്. ശുഭാന്‍ശുവിനെയാണു ഒക്ടോബറിനുശേഷമുള്ള ആക്സിയം-4 ദൗത്യത്തിനായി തിരഞ്ഞെടുത്തിരിക്കുന്നത്.

Science259 days ago

ചാന്ദിപുര വൈറസ് ബാധ: ചികിത്സ തേടി എത്തുന്നവരുടെ എണ്ണം വർധിക്കുന്നു

ഗുജറാത്തിൽ ചാന്ദിപുര വൈറസ് രോഗ ലക്ഷണങ്ങളുമായി ആശുപത്രിയിൽ ചികിത്സ തേടി എത്തുന്നവരുടെ എണ്ണം വർധിക്കുന്നു. ഇന്ന് ഉച്ചവരെയുള്ള കണക്ക് പ്രകാരം 117 പേരാണ് നിലവിൽ രോഗം ബാധിച്ച് ചികിത്സയിലുള്ളത്. ചികിത്സയിലുള്ളവരില്‍ കൂടുതലും 8നും 16നും ഇടയില്‍ പ്രായമുള്ള കുട്ടികളാണ്. ഇതുവരെ 38 പേരാണ് രോഗം ബാധിച്ച് മരിച്ചത്.

National268 days ago

ചാന്ദിപുര വൈറസ്: രോഗം ബാധിച്ച് മരിക്കുന്നവരുടെ എണ്ണം ഉയരുന്നു

ഗുജറാത്തില്‍ രോഗം ബാധിച്ച് മരിച്ചവരുടെ എണ്ണം 16 ആയി ഉയര്‍ന്നു. 50 ഓളം ചാന്ദിപുര വൈറസ് കേസുകള്‍ റിപ്പോര്‍ട്ട് ചെയ്തിട്ടുണ്ടെന്നും ഗുജറാത്ത് ആരോഗ്യമന്ത്രി ഋഷികേശ് പട്ടേല്‍ പറഞ്ഞു. 12 ജില്ലകളില്‍ നിലവില്‍ രോഗബാധയുണ്ടെന്ന് സര്‍ക്കാര്‍ അറിയിച്ചു. ഏഴ് കേസുകള്‍ ലാബ് പരിശോധനയ്ക്കായി പൂനൈയിലേക്ക് അയച്ചിട്ടുണ്ട്. പൂനൈയിലെ നാഷണല്‍ വൈറോളജി ഇന്‍സ്റ്റിറ്റ്യൂട്ട് വൈറസ് ബാധിച്ച ഒരു കുട്ടിയുടെ മരണം സ്ഥിരീകരിച്ചതിന് പിന്നാലെയാണ് കൂടുതല്‍ പേര്‍ സമാന രോഗലക്ഷണങ്ങളോടെ മരിച്ചുവെന്ന് റിപ്പോര്‍ട്ടുകള്‍ പുറത്ത് വരുന്നത്.

National271 days ago

ഗുജറാത്തില്‍ ക്ലാസ് റൂമിന്റെ ഭിത്തി തകര്‍ന്നുവീണ് വിദ്യാര്‍ത്ഥിയ്ക്ക് പരിക്ക്

ഗുജറാത്തിലെ വഡോദരയിലെ ശ്രീ നാരായണ്‍ ഗുരുകുല സ്‌കൂളിന്റെ ഭിത്തിയാണ് തകര്‍ന്ന് വീണത്. ഇന്നലെ ഉച്ചയ്ക്ക് 12.30ഓടെ ഉച്ചഭക്ഷണ ഇടവേളയ്ക്കിടെയായിരുന്നു സംഭവം. അപകടത്തില്‍ ഒരു വിദ്യാര്‍ത്ഥിക്ക് പരിക്കേറ്റു. മറ്റ് വിദ്യാര്‍ത്ഥികളെ ഉടന്‍ തന്നെ സുരക്ഷിത സ്ഥാനത്തേക്ക് മാറ്റിയതായി സ്‌കൂള്‍ പ്രിന്‍സിപ്പല്‍ രൂപാല്‍ ഷാ പറഞ്ഞു. വിദ്യാര്‍ത്ഥികളുടെ സൈക്കിള്‍ പാര്‍ക്ക് ചെയ്തിരുന്ന സ്ഥലത്തേക്കാണ് ഭിത്തി ഇടിഞ്ഞ് വീണതെന്നും 12 ഓളം സൈക്കിള്‍ പുറത്തെടുത്തെന്നും ഫയര്‍ഫോഴ്‌സ് ഉദ്യോഗസ്ഥന്‍ വിനോദ് മൊഹിതെ പറഞ്ഞു.

National272 days ago