ഒഡീഷയില്‍ ഏറ്റുമുട്ടല്‍; രണ്ട് മാവോയിസ്റ്റുകള്‍ കൊല്ലപ്പെട്ടു

ഒഡീഷയിലെ ബൗധ് ജില്ലയില്‍ ഇന്ന് പുലര്‍ച്ചെയാണ് ഏറ്റുമുട്ടലുണ്ടായത്. കാന്തമാല്‍ പോലീസ് സ്റ്റേഷന്‍ പരിധിയിലെ പര്‍ഹെല്‍ റിസര്‍വ് വനത്തിലാണ് ഒഡീഷയുടെ എലൈറ്റ് സ്പെഷ്യല്‍ ഓപ്പറേഷന്‍ ഗ്രൂപ്പിലെ ഉദ്യോഗസ്ഥരും മാവോയിസ്റ്റുകളും തമ്മില്‍ വെടിവെയ്പ്പുണ്ടായത്. ഏറ്റുമുട്ടലില്‍ രണ്ട് മാവോയിസ്റ്റുകള്‍ കൊല്ലപ്പെട്ടതായും ആയുധങ്ങള്‍, ഗ്രനേഡുകള്‍ തുടങ്ങിയ വസ്തുക്കള്‍ കണ്ടെടുത്തതായും ഉദ്യോഗസ്ഥര്‍ അറിയിച്ചു.

National245 days ago

ജമ്മുകശ്മീരില്‍ ഏറ്റുമുട്ടല്‍; 5 തീവ്രവാദികളെ വധിച്ചു

നിയമസഭാ തിരഞ്ഞെടുപ്പ് അടുത്തിരിക്കെ ജമ്മുകശ്മീരില്‍ ഏറ്റുമുട്ടല്‍ പരമ്പര. ബാരാമുള്ള ജില്ലയില്‍ സുരക്ഷാ സേനയുമായുണ്ടായ ഏറ്റുമുട്ടലില്‍ മൂന്ന് ഭീകരരെ വധിച്ചു. പ്രത്യേക രഹസ്യാന്വേഷണ റിപ്പോര്‍ട്ടിന്റെ അടിസ്ഥാനത്തില്‍ ഇന്ത്യന്‍ സൈന്യവും ജമ്മുകശ്മീര്‍ പോലീസും നടത്തിയ സംയുക്ത ഓപ്പറേഷനിലാണ് ഭീകരരെ വധിച്ചത്. കത്വയില്‍ നടന്ന മറ്റൊരു ഏറ്റുമുട്ടലില്‍ കരസേനയുടെ റൈസിങ് സ്റ്റാര്‍ കോര്‍പ്‌സ് യൂണിറ്റിലെ സൈനികര്‍ രണ്ട് ഭീകരരെ വെടിവെച്ചു കൊന്നു.

National103 days ago

ജമ്മുകശ്മീരില്‍ ഏറ്റുമുട്ടല്‍; 2 സൈനികര്‍ക്ക് വീരമൃത്യു

കിഷ്ത്വാര്‍ ജില്ലയില്‍ ഭീകരരുമായുള്ള ഏറ്റുമുട്ടലില്‍ ഒരു ജൂനിയര്‍ കമ്മീഷന്‍ഡ് ഓഫീസര്‍ ഉള്‍പ്പെടെ രണ്ട് സൈനികര്‍ കൊല്ലപ്പെടുകയും രണ്ട് പേര്‍ക്ക് പരിക്കേല്‍ക്കുകയും ചെയ്തു. രഹസ്യ വിവരത്തിന്റെ അടിസ്ഥാനത്തില്‍ സംയുക്ത സൈന്യവും പോലീസും ചേര്‍ന്ന് കിഷ്ത്വറില്‍ തിരച്ചില്‍ ആരംഭിച്ചിരുന്നു. ഇതിനിടെയാണ് പ്രദേശത്ത് വെടിവെയ്പ്പുണ്ടായത്. ബാരാമുള്ളയില്‍ നടന്ന മറ്റൊരു ഏറ്റുമുട്ടലില്‍ ചാക് താപ്പര്‍ മേഖലയിലെ ഒരു കെട്ടിടത്തില്‍ ഒളിച്ചിരുന്ന മൂന്ന് ഭീകരരെ സുരക്ഷാസേന വധിച്ചു. നിയമസഭാ തിരഞ്ഞെടുപ്പിന് ദിവസങ്ങള്‍ മാത്രം ബാക്കി നില്‍ക്കെയാണ് ജമ്മുകശ്മീരില്‍ ഏറ്റുമുട്ടലുകളുണ്ടായിരിക്കുന്നത്.

National103 days ago

ജമ്മുകശ്മീരില്‍ ഏറ്റുമുട്ടല്‍; മൂന്ന് ഭീകരരെ വധിച്ചു

ജമ്മുകശ്മീരിലെ കുപ്‌വാര ജില്ലയിലെ നിയന്ത്രണ രേഖയിലാണ് ഏറ്റുമുട്ടലുണ്ടായത്. കുപ്‌വാരയിലെ മച്ചില്‍ സെക്ടറിലും താങ്ധര്‍ സെക്ടറിലുമായി നടന്ന ഏറ്റുമുട്ടലില്‍ മൂന്ന് ഭീകരരെ വധിച്ചു. ഭീകരര്‍ ഒളിച്ചിരിക്കുന്നതായി സംശയിക്കുന്ന രജൗരി ജില്ലയിലെ ലാത്തി ഗ്രാമത്തില്‍ സുരക്ഷാ സേനയും ഭീകരരും തമ്മില്‍ ഏറ്റുമുട്ടല്‍ തുടരുകയാണ്. സെപ്തംബര്‍ 18, 25, ഒക്ടോബര്‍ 1 തീയതികളിലായി ജമ്മുകശ്മീരില്‍ നിയമസഭാ തിരഞ്ഞെടുപ്പ് നടക്കാനിരിക്കെയാണ് മേഖലയില്‍ ഏറ്റമുട്ടലുണ്ടായിരിക്കുന്നത്.

National119 days ago

ജമ്മുകശ്മീരില്‍ രണ്ട് സൈനികര്‍ക്ക് വീരമൃത്യു

ജമ്മുകശ്മീരിലെ അനന്ത്‌നാഗ് ജില്ലയില്‍ ഭീകരരുമായുണ്ടായ ഏറ്റുമുട്ടലില്‍ രണ്ട് സൈനികര്‍ക്ക് വിരമൃത്യു. മൂന്ന് പേര്‍ക്ക് പരിക്കേറ്റു. കൊക്കര്‍നാഗ് മേഖലയിലെ അഹ്ലന്‍ ഗഗര്‍മണ്ഡു വനത്തിലാണ് ഏറ്റുമുട്ടല്‍ നടന്നത്. സുരക്ഷാസേന പ്രദേശത്ത് തിരച്ചില്‍ നടത്തുന്നതിനിടെ വനത്തിനുള്ളില്‍ ഒളിച്ചിരുന്ന ഭീകരര്‍ സൈന്യത്തിന് നേരെ വെടിയുതിര്‍ക്കുകയായിരുന്നു. മേഖലയില്‍ ഏറ്റുമുട്ടല്‍ തുടരുകയാണ്.

National137 days ago

ജമ്മുകശ്മീരില്‍ ഏറ്റുമുട്ടല്‍; 2 സൈനികര്‍ക്ക് പരിക്കേറ്റു

ജമ്മുകശ്മീരിലെ അനന്ത്‌നാഗ് ജില്ലയിലാണ് സുരക്ഷാസേനയും ഭീകരരും തമ്മില്‍ ഏറ്റുമുട്ടലുണ്ടായത്. വെടിവെയ്പ്പില്‍ രണ്ട് സൈനികര്‍ക്ക് പരിക്കേറ്റു. അനന്ത്നാഗ് ജില്ലയിലെ കോക്കര്‍നാഗ് സബ്ഡിവിഷനിലെ വനത്തില്‍ ഭീകരവിരുദ്ധ ഓപ്പറേഷന്‍ നടത്തുന്നതിനിടെയാണ് പട്രോളിംഗ് സംഘത്തിന് നേരെ ആക്രമണം ഉണ്ടായത്. പ്രദേശത്ത് ഏറ്റുമുട്ടല്‍ തുടരുകയാണ്.

National138 days ago

ബംഗ്ലാദേശ് സംഘര്‍ഷം; ഒഡീഷ തീരത്ത് സുരക്ഷ ശക്തമാക്കി

ബംഗ്ലാദേശ് പൗരന്മാരുടെ അനധികൃത പ്രവേശനം തടയാന്‍ 480 കിലോമീറ്റര്‍ തീരപ്രദേശത്ത് സുരക്ഷ ശക്തമാക്കി ഒഡീഷ സര്‍ക്കാര്‍. ബംഗ്ലാദേശില്‍ ആഭ്യന്തര സംഘര്‍ഷം രൂക്ഷമായ സാഹചര്യത്തിലാണ് നടപടി. ബംഗ്ലാദേശ് തീരത്ത് നിന്ന് 200 കിലോമീറ്റര്‍ അകലെയാണ് സംസ്ഥാനം സ്ഥിതി ചെയ്യുന്നത്. ബംഗ്ലാദേശില്‍ നിന്നുള്ള ആളുകള്‍ നിയമവിരുദ്ധമായി ചെറിയ ബോട്ടുകള്‍ ഉപയോഗിച്ച് ഒഡീഷയിലേക്ക് പ്രവേശിക്കുന്നുണ്ട്. നിരവധി ക്രിമിനല്‍ സംഘങ്ങളും ജയിലില്‍ നിന്ന് പുറത്തിറങ്ങിയതായി അറിയുന്നു. ഇക്കൂട്ടരുടെ പ്രവേശനം തടയുകയാണ് മുന്‍ഗണനയെന്നും അധികൃതര്‍ അറിയിച്ചു.

National140 days ago

ഏറ്റുമുട്ടല്‍; ജമ്മുകശ്മീരില്‍ സെനികന് വീരമൃത്യു

ജമ്മുകശ്മീരിലെ കുപ്‌വാര ജില്ലയിലെ നിയന്ത്രണരേഖയിലുണ്ടായ ഏറ്റുമുട്ടലില്‍ സെനികന് വീരമൃത്യു. വെടിവെയ്പ്പില്‍ മേജര്‍ ഉള്‍പ്പെടെ നാല് പേര്‍ക്ക് പരിക്കേറ്റു. പുലര്‍ച്ചെ 2:30 ഓടെ നിയന്ത്രണരേഖയിലെ കുംകാടി സൈനിക പോസ്റ്റിന് നേരെയാണ് ആക്രമണമുണ്ടായത്. ഏറ്റുമുട്ടലില്‍ ഒരു പാക് ഭീകരനും കൊല്ലപ്പെട്ടതായി അധികൃതര്‍ അറിയിച്ചു. കഴിഞ്ഞ ഒരു മാസത്തിനിടെ കുപ്‌വാരയില്‍ നടക്കുന്ന നാലാമത്തെ ഏറ്റുമുട്ടലാണിത്.

National152 days ago

ജമ്മുകശ്മീരില്‍ വീണ്ടും ഏറ്റുമുട്ടല്‍; ഭീകരനെ വധിച്ചു

ജമ്മുകശ്മീരിലെ കുപ്‌വാര ജില്ലയിലെ നിയന്ത്രണരേഖയിലുണ്ടായ വെടിവെയ്പില്‍ ഭീകരനെ വധിച്ചു. മൂന്ന് സൈനികര്‍ക്ക് പരിക്കേറ്റു. ത്രേഗാം സെക്ടറിലെ കുംകാടി പോസ്റ്റിന് സമീപമാണ് വെടിവെയ്പുണ്ടായത്. കഴിഞ്ഞ ഒരു മാസത്തിനിടെ കുപ്‌വാരയില്‍ നടക്കുന്ന നാലാമത്തെ ഏറ്റുമുട്ടലാണിത്. ജൂലൈ 24ന് കുപ്‌വാരയിലെ ലോലാബ് മേഖലയില്‍ നടന്ന ഏറ്റുമുട്ടലില്‍ സുരക്ഷാസേന ഭീകരനെ വധിച്ചിരുന്നു.

National152 days ago

തിരഞ്ഞെടുപ്പ് തോൽവി: ഒഡിഷ PCC പിരിച്ചുവിട്ടു

ലോക്സഭാ, നിയമസഭാ തിരഞ്ഞെടുപ്പുകളിലെ മോശം പ്രകടനത്തെ തുടർന്നാണ് ഹൈക്കമാൻഡ് ഒഡിഷ കോൺഗ്രസ് പ്രദേശ് കമ്മിറ്റി പിരിച്ചുവിട്ടത്. PCC പ്രസിഡന്റ് മുതൽ മണ്ഡലം തലത്തിലുള്ള ഭാരവാഹികളെ വരെ ഒഴിവാക്കി. പുതിയ DCC അധ്യക്ഷന്മാരെ നിയമിക്കുന്നത് വരെ പഴയ DCC അധ്യക്ഷന്മാർ ആക്ടിങ് പ്രസിഡന്റുമാരായി തുടരുമെന്ന് AICC വ്യക്തമാക്കി.

National158 days ago

മഹാരാഷ്ട്രയില്‍ ഏറ്റുമുട്ടല്‍; 12 മാവോയിസ്റ്റുകളെ വധിച്ചു

മഹാരാഷ്ട്രയിലെ ഗഡ്ചിരോളി ജില്ലയിലാണ് ആറ് മണിക്കൂറോളം നീണ്ടുനിന്ന ഏറ്റുമുട്ടലുണ്ടായത്. ഛത്തീസ്ഗഢ് അതിര്‍ത്തിയോട് ചേര്‍ന്ന വന്ദോലി ഗ്രാമത്തിന് സമീപം പതിനഞ്ചോളം മാവോയിസ്റ്റുകള്‍ ക്യാമ്പ് ചെയ്യുന്നതായി വിവരം ലഭിച്ചതിനെ തുടര്‍ന്നാണ് മഹാരാഷ്ട്ര പോലീസ് രാവിലെ മുതല്‍ തിരച്ചില്‍ നടത്തിയത്. തുടര്‍ന്ന് നടന്ന ഏറ്റുമുട്ടലില്‍ 12 മാവോയിസ്റ്റുകളെ വധിക്കുകയും നിരവധി ആയുധങ്ങള്‍ കണ്ടെടുക്കുകയും ചെയ്തു. വെടിവെയ്പില്‍ രണ്ട് ഉദ്യോഗസ്ഥര്‍ക്കും പരിക്കേറ്റിട്ടുണ്ട്.

National161 days ago