ഗൾഫ് രാജ്യങ്ങളിൽ ചെറിയ പെരുന്നാൾ ബുധനാഴ്ച

ഒമാൻ ഒഴികെയുള്ള ഗൾഫ് രാജ്യങ്ങളിൽ ചെറിയ പെരുന്നാൾ ബുധനാഴ്ച. ഗൾഫിൽ ഒരിടത്തും മാസപ്പിറവി കാണാത്ത സാഹചര്യത്തിൽ റമദാൻ 30 പൂർത്തിയാക്കിയാണ് പെരുന്നാൾ ആഘോഷം. ഒമാനിൽ ഒരു ദിവസം വൈകിയാണ് റമദാൻ വ്രതാരംഭം ആരംഭിച്ചത്. അതിനാൽ മാസപ്പിറവി നിരീക്ഷണത്തിന്റെ അടിസ്ഥാനത്തിൽ നാളെയാകും ഒമാനിൽ ചെറിയ പെരുന്നാൾ പ്രഖ്യാപനമുണ്ടാകുക.

World374 days ago

വിമാന കമ്പനികൾ ഗൾഫിലേക്കുള്ള ടിക്കറ്റ് നിരക്ക് കുത്തനെ കൂട്ടി

അവധി കഴിഞ്ഞ് ഗൾഫിലെ സ്കൂളുകൾ തുറക്കുന്ന സമയം നോക്കി പതിനായിരക്കണക്കിന് പ്രവാസികൾ മടങ്ങി പോകാൻ തയ്യാറെടുക്കുമ്പോഴാണ് ഗൾഫ് രാജ്യങ്ങളിലേക്കുള്ള ടിക്കറ്റ് നിരക്ക് വിമാന കമ്പനികൾ മൂന്നു മുതൽ 5 ഇരട്ടി വരെ ഉയർത്തിയത്. സാധാരണ സമയങ്ങളിൽ പതിനായിരം മുതൽ 15,000 വരെ നിരക്കൽ കിട്ടുന്ന ടിക്കറ്റിനിപ്പോൾ 30,000 രൂപ മുതൽ ഒരു ലക്ഷം രൂപ വരെ കൊടുക്കണം. ഡിമാൻഡ് കൂടിയതിന് അനുസരിച്ച് കമ്പനികൾ തോന്നിയപോലെ ടിക്കറ്റ് നിരക്ക് വർധിപ്പിക്കുകയാണെന്ന് ട്രാവൽ ഏജൻസികൾ പറഞ്ഞു.

Travel236 days ago

വിശ്വാസികള്‍ ചെറിയ പെരുന്നാള്‍ ആഘോഷിക്കുന്നു

ഒരുമാസം നീണ്ടു നിന്ന വ്രതാനുഷ്ഠാനങ്ങള്‍ക്ക് സമാപ്തി കുറിച്ചുകൊണ്ട് ശവ്വാല്‍ മാസപ്പിറവി കണ്ടതിനാല്‍ ബുധനാഴ്ച വിശ്വാസികള്‍ ഈദുല്‍ ഫിത്തര്‍ ആഘോഷിക്കുന്നു. രാവിലെ വിശ്വാസികള്‍ പള്ളികളിലും ഈദ് ഗാഹുകളിലും പെരുന്നാള്‍ നമസ്‌കാരത്തിനായി ഒത്തുചേര്‍ന്നു. പള്ളി മിനാരങ്ങളിൽ തക്ബീർ ധ്വനികളാലും വ്രതത്തിന്റെ അനുബന്ധമായ ദാനധർമങ്ങളാലും ഭക്തി നിര്‍ഭരമായ അന്തരീക്ഷത്തില്‍ മുഴുകുകയാണ് വിശ്വാസികള്‍.

Kerala373 days ago

ഇന്ന് ഗള്‍ഫ് രാജ്യങ്ങളിലും ചെറിയ പെരുന്നാള്‍

വ്രതശുദ്ധിയുടെ ദിനരാത്രങ്ങള്‍ക്ക് ശേഷം ഗള്‍ഫ് രാജ്യങ്ങള്‍ ഇന്ന് ചെറിയ പെരുന്നാള്‍ ആഘോഷിക്കുന്നു. തിങ്കളാഴ്ച മാസപ്പിറവി കാണാത്ത സാഹചര്യത്തിലാണ് ഗള്‍ഫ് രാജ്യങ്ങളില്‍ ഇന്ന് ചെറിയ പെരുന്നാള്‍ പ്രഖ്യാപിച്ചത്. റമദാനിലെ 30 നോമ്പും പൂര്‍ത്തിയാക്കിയാണ് ഇത്തവണ ചെറിയ പെരുന്നാള്‍ വന്നുചേര്‍ന്നിരിക്കുന്നത്. പെരുന്നാളിനോട് അനുബന്ധിച്ച് ഗള്‍ഫ് രാജ്യങ്ങളിലെ പൊതു, സ്വകാര്യ മേഖലാ ജീവനക്കാര്‍ക്ക് അവധിയും ലഭിക്കുന്നതാണ്.

World373 days ago

ഒമാനിലും നാളെ ചെറിയ പെരുന്നാൾ

മാസപ്പിറവി ദൃശ്യമായതോടെ ഒമാനിലും നാളെ ചെറിയ പെരുന്നാൾ ആണെന്ന് ഒമാൻ മതകാര്യ മന്ത്രാലയം അറിയിച്ചു. മറ്റു ഗൾഫ് രാജ്യങ്ങളിലും നാളെ തന്നെയാണ് ചെറിയ പെരുന്നാൾ. ഇതോടെ എല്ലാ ഗൾഫ് രാജ്യങ്ങളും ഇപ്രാവശ്യം ഒന്നിച്ച് പെരുന്നാൾ ആഘോഷിക്കും. ഈദുൽ ഫിത്തറിനോട് അനുബന്ധിച്ച് ഒമാൻ സുൽത്താൻ 152 തടവുകാർക്ക് മാപ്പ് നൽകി. വിവിധ കേസുകളിൽ ജയിൽ ശിക്ഷ അനുഭവിച്ചിരുന്ന വിദേശികളടക്കമുള്ള തടവുകാർക്കാണ് മാപ്പ് നൽകിയത്.

World374 days ago

കേരളത്തിൽ ചെറിയ പെരുന്നാൾ നാളെ

മാസപ്പിറവി ദൃശ്യമായതോടെ കേരളത്തിൽ നാളെ ചെറിയ പെരുന്നാൾ ആണെന്ന് പാണക്കാട് സയ്യിദ് സാദിഖലി ശിഹാബ് തങ്ങൾ, കാന്തപുരം എ.പി. അബൂബക്കർ മുസ്ലിയാർ തുടങ്ങിയ ഖാസിമാർ അറിയിച്ചു. പൊന്നാനിയിൽ ആണ് ശവ്വാൽ മാസപ്പിറവി കണ്ടത്. ഒമാൻ ഒഴികെയുള്ള ഗൾഫ് രാജ്യങ്ങളിലും നാളെയാണ് ചെറിയ പെരുന്നാൾ. ഒമാനിലും വൈകാതെ പ്രഖ്യാപനമുണ്ടാകും.

Kerala374 days ago

റമദാന്‍ മാസത്തില്‍ ഒരാള്‍ക്ക് ഒരു ഉംറയ്ക്ക് മാത്രമെ അനുമതിയുള്ളു: ഉംറ മന്ത്രാലയം

റമദാന്‍ മാസത്തില്‍ ഒന്നിലധികം തവണ ഉംറ നിര്‍വഹിക്കാന്‍ അനുമതി നല്‍കാനാവില്ലെന്ന് ഹജ്ജ്-ഉംറ മന്ത്രാലയം അറിയിച്ചിരിക്കുന്നത്. തിരക്ക് കുറയ്ക്കാനും മറ്റുള്ളവര്‍ക്ക് അവസരം നല്‍കാനും ലക്ഷ്യമിട്ടാണ് നടപടിയെന്നും മന്ത്രാലയം വ്യക്തമാക്കി. 'നുസ്‌ക്' പ്ലാറ്റ്‌ഫോമിലൂടെ ഒറ്റത്തവണ മാത്രമെ ഉംറ്ക്കുള്ള പെര്‍മിറ്റ് ലഭിക്കുകയുള്ളു. റമദാന്‍ മാസത്തില്‍ ഉംറക്കെത്തുന്ന തീര്‍ത്ഥാടകര്‍ക്ക് മികച്ച സൗകര്യമൊരുക്കുന്നതിന് ഈ തീരുമാനം സഹായകമാകുമെന്നും മന്ത്രാലയം പറഞ്ഞു.

World398 days ago

മാസപ്പിറവി കണ്ടു: കേരളത്തിൽ നാളെ റമദാൻ വ്രതാരംഭം

കോഴിക്കോട് കാപ്പാടും പൊന്നാനിയിലും മാസപ്പിറവി ദൃശ്യമായതോടെ കേരളത്തിൽ നാളെ റമദാൻ ഒന്നായിരിക്കുമെന്ന് വിവിധ ഖാദിമാരും മുസ്‌ലിം സമുദായ നേതാക്കളും അറിയിച്ചു. പാണക്കാട് സാദിഖലി ശിഹാബ് തങ്ങൾ, സമസ്ത ജനറൽ സെക്രട്ടറി പ്രൊഫ. കെ. ആലിക്കുട്ടി മുസ്‌ലിയാർ തുടങ്ങിയവർ റമദാൻ പിറവി കണ്ടത് സ്ഥിരീകരിച്ചു. ഒമാൻ ഒഴികെയുള്ള ഗൾഫ് രാജ്യങ്ങളിൽ ഇന്ന് റമദാൻ വ്രതം ആരംഭിച്ചിരുന്നു.

Kerala403 days ago

കേരളത്തില്‍ റംസാന്‍ വ്രതാരംഭം ചൊവ്വാഴ്ച

മാസപ്പിറവി കാണാത്തതിനാലാണ് റംസാന്‍ വ്രതാരംഭം ചൊവ്വാഴ്ചയായത്. ശഅ്ബാന്‍ മുപ്പത് പൂര്‍ത്തിയാക്കി നോമ്പ് മാര്‍ച്ച് 12 ന് ആരംഭിക്കുമെന്ന് ഹിലാല്‍ കമ്മിറ്റി വ്യക്തമാക്കി. അതേസമയം മാസപ്പിറവി കണ്ടതിനാല്‍ സൗദിയില്‍ നാളെ റംസാന്‍ വ്രതം ആരംഭിക്കും. ഭക്ഷണപാനീയങ്ങള്‍ ഉപേക്ഷിച്ചും പ്രാര്‍ഥനകളില്‍ മുഴുകിയുമായിരിക്കും ഇനിയുള്ള ഒരുമാസക്കാലം ഇസ്ലാം മതവിശ്വാസികള്‍ കഴിയുക.

Kerala404 days ago

റമദാന്‍ വ്രതം: ഭക്ഷണക്രമത്തില്‍ മാര്‍ഗനിര്‍ദേശങ്ങളുമായി WHO

റമദാന്‍ സമയത്ത് സമീകൃതാഹാരം കഴിക്കാന്‍ ശ്രമിക്കണമെന്ന് WHO പറയുന്നു. നോമ്പ് തുറക്കുന്നതിന് മുമ്പോ ശേഷമോ അധികം വറുത്തതോ എണ്ണമയമുള്ളതോ ആയ ഭക്ഷണം കഴിക്കുന്നത് ഒഴിവാക്കണമെന്നും WHO നിര്‍ദേശിച്ചു. ഭക്ഷണത്തില്‍ ഉപ്പ് ചേര്‍ക്കുന്നതില്‍ നിയന്ത്രണം ഉണ്ടാകണമെന്നും ഭക്ഷണത്തിന് പലതരം ഹെര്‍ബ്സ് ഉപയോഗിക്കണമെന്നും പറയുന്നു. നോമ്പ് കാലത്ത് വ്യായാമം ചെയ്യേണ്ടതിന്റെ പ്രാധാന്യത്തെ കുറിച്ചും WHO വ്യക്തമാക്കി.

World406 days ago

ഗള്‍ഫ് രാജ്യങ്ങളിലേക്കും ലക്ഷദ്വീപിലേക്കും കൂടുതല്‍ വിമാന സര്‍വീസുകളുമായി സിയാല്‍

ലക്ഷദ്വീപിലേക്കുള്ള അലയന്‍സ് എയറിന്റെ സര്‍വീസ് ഏഴില്‍ നിന്ന് ഒമ്പതാക്കി ഉയര്‍ത്തുമെന്നും ഗള്‍ഫ് രാജ്യങ്ങളിലെ പല നഗരങ്ങളിലേക്കായി അധിക സര്‍വീസുകള്‍ നടത്തും എന്നുമാണ് സിയാല്‍ അറിയിച്ചിരിക്കുന്നത്. ബാംഗ്ലൂരിലേക്ക് എയര്‍ ഇന്ത്യാ എക്‌സ്പ്രസ്സും ഇന്‍ഡിഗോയും ആകാശ എയറും 14 പ്രതിവാര സര്‍വീസുകളും അധികമായി നടത്തും. യാത്രാ നിരക്ക് കുറയുമെന്നും ഇക്കൊല്ലം യാത്രക്കാരുടെ എണ്ണത്തില്‍ 17 ശതമാനം വളര്‍ച്ചയാണ് പ്രതീക്ഷിക്കുന്നതെന്നും സിയാല്‍ വ്യക്തമാക്കി.

Kerala439 days ago