ഉത്തരകൊറിയ ബാലിസ്റ്റിക് മിസൈല്‍ വിക്ഷേപിച്ചതായി ദക്ഷിണകൊറിയ

ജപ്പാന്‍ കടലിലേക്കാണ് ഉത്തരകൊറിയ മിസൈല്‍ വിക്ഷേപിച്ചതെന്ന് ദക്ഷിണകൊറിന്‍ സൈന്യത്തിന്റെ ജോയിന്റ് ചീഫ് ഓഫ് സ്റ്റാഫ് അറിയിച്ചു. ഖര-ഇന്ധന എഞ്ചിനുള്ള പുതിയ തരം ഇന്റര്‍മീഡിയറ്റ് റേഞ്ച് ഹൈപ്പര്‍സോണിക് മിസൈലാണ് വിക്ഷേപിച്ചതെന്നാണ് റിപ്പോര്‍ട്ട്. ഉത്തരകൊറിയ ഈ വര്‍ഷം ഇതുവരെ നടത്തിയ മൂന്നാമത്തെ ബാലിസ്റ്റിക് മിസൈല്‍ പരീക്ഷണമായിരുന്നു ഇത്. ഉത്തര കൊറിയ മിസൈല്‍ വിക്ഷേപിച്ചതായി ജപ്പാനും സ്ഥിരീകരിച്ചു.

World265 days ago

സൂപ്പര്‍-ലാര്‍ജ് ആയുധമായ ക്രൂയിസ് മിസൈല്‍ പരീക്ഷിച്ചതായി ഉത്തര കൊറിയ

ഉത്തരകൊറിയന്‍ ഭരണാധികാരി കിം ജോങ് ഉന്നിന്റെ മേല്‍നോട്ടത്തിലാണ് മിസൈലുകള്‍ വിക്ഷേപിച്ചതെന്നാണ് റിപ്പോര്‍ട്ട്. രണ്ട് തരം തന്ത്രപരമായ മിസൈലുകളുടെ വിജയകരമായ പരീക്ഷണങ്ങളാണ് നടത്തിയത്. ഉത്തരകൊറിയയുടെ സുരക്ഷയ്ക്ക് പുറത്തു നിന്നുള്ള ശക്തികള്‍ ഉയര്‍ത്തുന്ന ഗുരുതരമായ ഭീഷണിക്കുള്ള മറുപടിയാണ് ഈ പരീക്ഷണങ്ങളെന്ന് കിം പറഞ്ഞതായി സര്‍ക്കാര്‍ മാധ്യമമായ KCNA റിപ്പോര്‍ട്ട് ചെയ്തു.

World95 days ago

റഷ്യയിലേക്ക് ഡ്രോണാക്രമണം നടത്തി യുക്രൈന്‍; ഒരു മരണം

ഒറ്റരാത്രി കൊണ്ട് 140 ഡ്രോണുകള്‍ യുക്രൈന്‍ റഷ്യയിലേക്ക് തൊടുത്തതായി റിപ്പോര്‍ട്ട്. ആക്രമണത്തില്‍ മോസ്‌കോക്ക് സമീപം 46 വയസ്സുള്ള ഒരു സ്ത്രീ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തു. ഡ്രോണുകള്‍ എല്ലാം വെടിവെച്ചിട്ടതായി റഷ്യന്‍ പ്രതിരോധ മന്ത്രാലയം പ്രസ്താവനയിലൂടെ അറിയിച്ചു.

World104 days ago

വെള്ളപ്പൊക്കം തടയുന്നതില്‍ പരാജയപ്പട്ടു; 30 ഉദ്യോഗസ്ഥര്‍ക്ക് വധശിക്ഷ വിധിച്ച് ഉത്തരകൊറിയ

ഉത്തരകൊറിയയിലുണ്ടായ വെള്ളപ്പൊക്കം തടയുന്നതില്‍ പരാജയപ്പെട്ട 30 ഉദ്യോഗസ്ഥര്‍ക്ക് ഉത്തരകൊറിയന്‍ ഏകാധിപതി കിം ജോങ് ഉന്‍ വധശിക്ഷ വിധിച്ചതായി റിപ്പോര്‍ട്ട്. ഉദ്യോഗസ്ഥര്‍ക്കെതിരെ അഴിമതി, ഡ്യൂട്ടിയില്‍ വീഴ്ചവരുത്തുക തുടങ്ങിയ കുറ്റങ്ങളാണ് ചുമത്തിയിരിക്കുന്നത്. പ്രളയത്തില്‍ ആയിരത്തോളം പേര്‍ മരിച്ചിരുന്നു. കനത്ത മഴയും ഉരുള്‍പ്പൊട്ടലും ചാങ്ഗാങ് പ്രവശ്യയില്‍ കനത്ത നാശം വിതച്ചിരുന്നു. ഇതിന് പിന്നാലെയാണ് കിം ജോങ് ഉന്നിന്റെ കടുത്ത നടപടിയെന്നാണ് പുറത്തു വരുന്ന റിപ്പോര്‍ട്ടുകള്‍.

World110 days ago

വേതന വര്‍ധനവ് ആവശ്യപ്പെട്ട് സാംസങ്ങില്‍ അനിശ്ചിതകാല തൊഴിലാളിസമരം

ദക്ഷിണകൊറിയയിലെ സാംസങ് ഇലക്ട്രോണിക്സിലാണ് തൊഴിലാളികള്‍ വേതന വര്‍ധനവ് ആവശ്യപ്പെട്ട് തിങ്കളാഴ്ച മുതല്‍ അനിശ്ചിതകാല സമരം തുടങ്ങിയത്. മൂന്ന് ദിവസത്തേക്ക് പ്രഖ്യാപിച്ച മരമാണ് അനിശ്ചിതകാലത്തേക്ക് മാറ്റിയിരിക്കുന്നത്. വേതന വര്‍ധനവ്, ജോലിയിലെ കാര്യക്ഷമതയ്ക്ക് അനുസൃതമായ ബോണസ്, യൂണിയന്റെ സ്ഥാപകദിനത്തില്‍ അവധി തുടങ്ങിയവയാണ് സമരം ചെയ്യുന്നവരുടെ ആവശ്യങ്ങള്‍. കമ്പനിയുടെ രണ്ടാംപാദ പ്രവര്‍ത്തന ലാഭത്തില്‍ വലിയ വര്‍ധനവുണ്ടാകുമെന്ന് പ്രവചിക്കപ്പെട്ടതിന് പിന്നാലെയാണ് സമരം പ്രഖ്യാപിച്ചത്.

World165 days ago

യുക്രൈനിലെ കുട്ടികളുടെ ആശുപത്രിക്ക് നേരെ റഷ്യയുടെ മിസൈലാക്രമണം

യുക്രൈന്റെ തലസ്ഥാനമായ കീവിലെ കുട്ടികളുടെ ആശുപത്രിക്ക് നേരെയാണ് മിസൈലാക്രമണം നടന്നത്. ആക്രമണത്തില്‍ മൂന്ന് പേര്‍ കൊല്ലപ്പെട്ടു. കീവിലെ മധ്യഭാഗത്തുള്ള മറ്റൊരു കെട്ടിടത്തില്‍ നടത്തിയ ആക്രമണത്തില്‍ 10 പേര്‍ കൊല്ലപ്പെട്ടു. ആക്രമണത്തെ തുടര്‍ന്ന് നഗരത്തിലെ നിരവധി കെട്ടിടങ്ങള്‍ക്ക് കേടുപാടുകള്‍ സംഭവിച്ചു. റഷ്യയുടെ അത്യാധുനിക മിസൈലുകളില്‍ ഒന്നായ കിന്‍സാല്‍ ഹൈപ്പര്‍ സോണിക് മിസൈലാണ് പ്രയോഗിച്ചത്.

World168 days ago

ഇസ്രായേലില്‍ മിസൈലാക്രമണം; ബസും വീടുകളും കത്തി നശിച്ചു

ലെബനാനില്‍ നിന്ന് തൊടുത്തവിട്ട മിസൈലുകളാണ് ഇസ്രായേലില്‍ പതിച്ചതെന്നാണ് റിപ്പോര്‍ട്ട്. മിസൈലുകള്‍ പതിച്ച് മെതുലയില്‍ രണ്ടു വീടുകള്‍ക്കും ബസിനും തീപിടിച്ചു. ഇസ്രായേലി സൈനികര്‍ക്ക് നേരെയും കര്‍ഷകര്‍ക്കും നേരെയാണ് ആറ് ടാങ്ക് വേധ മിസൈലുകള്‍ തൊടുത്തുവിട്ടതെന്നാണ് റിപ്പോര്‍ട്ട്. അതേസമയം ആളപായത്തെ കുറിച്ച് ഇതുവരെ സ്ഥിരീകരണം വന്നിട്ടില്ല.

World192 days ago

ഒഡേസയില്‍ റഷ്യന്‍ മിസൈല്‍ ആക്രമണം; അഞ്ച് പേര്‍ കൊല്ലപ്പെട്ടു

യുക്രൈനിലെ ഒഡേസ നഗരത്തിലെ ലോ അക്കാദമിയിലാണ് ആക്രമണം നടന്നത്. 30 ലധികം പേര്‍ക്ക് പരിക്കേല്‍ക്കുകയും ചെയ്തു. ഇതില്‍ എട്ട് പേരുടെ നില ഗുരുതരമാണെന്നാണ് റിപ്പോര്‍ട്ട്. ക്ലസ്റ്റര്‍ യുദ്ധോപകരണങ്ങള്‍ക്കൊപ്പം ഇസ്‌കന്ദര്‍ ബാലിസ്റ്റിക് മിസൈല്‍ ഉപയോഗിച്ചാണ് ആക്രമണം നടത്തിയത്. 20 ഓളം റെസിഡന്‍ഷ്യല്‍ കെട്ടിടങ്ങള്‍ക്കും നാശനഷ്ടം ഉണ്ടായി.

World236 days ago

രണ്ടാമത്തെ സൈനിക ചാര ഉപഗ്രഹം വിക്ഷേപിച്ച് സൗത്ത് കൊറിയ

ഫ്‌ളോറിഡയിലെ കെന്നഡി ബഹിരാകാശ കേന്ദ്രത്തില്‍ നിന്ന് ഞായറാഴ്ച വൈകുന്നേരത്തോടെയാണ് ഉപഗ്രഹം വിക്ഷേപിച്ചത്. റോക്കറ്റില്‍ നിന്ന് സൈനിക ചാര ഉപഗ്രഹം വിജയകരമായി വേര്‍പ്പെടുത്തിയതായി സൗത്ത് കൊറിയന്‍ പ്രതിരോധ മന്ത്രാലയം അറിയിച്ചു. ഈ വര്‍ഷം ഒന്നിലധികം രഹസ്യാന്വേഷണ ഉപഗ്രഹങ്ങള്‍ വിക്ഷേപിക്കുമെന്ന് ഉത്തര കൊറിയ വ്യക്തമാക്കിയതിന് പിന്നാലെയാണ് സൗത്ത് കൊറിയയുടെ ഈ നീക്കം. ഇലോണ്‍ മസ്‌കിന്റെ സ്പേസ് എക്സുമായുള്ള കരാരിന്റെ അടിസ്ഥാനത്തില്‍ 2025ഓടെ അഞ്ച് ചാര ഉപഗ്രഹങ്ങള്‍ ദക്ഷിണ കൊറിയ വിക്ഷേപിക്കുമെന്നാണ് റിപ്പോര്‍ട്ട്.

World258 days ago

യുക്രൈന്‍ വിക്ഷേപിച്ച മിസൈലുകള്‍ തകര്‍ത്തതായി റഷ്യ; രണ്ട് പേര്‍ക്ക് പരിക്കേറ്റു

ക്രിമിയയിലെ സെവാസ്റ്റോപോള്‍ നഗരത്തെ ലക്ഷ്യമാക്കി യുക്രൈന്‍ വിക്ഷേപിച്ച 10ലധികം മിസൈലുകള്‍ തകര്‍ത്തതായി സെവാസ്റ്റോപോള്‍ ഗവര്‍ണര്‍ മിഖായേല്‍ റസ്വോഷയേവ് അറിയിച്ചു. മിസൈലുകളുടെ അവശിഷ്ടങ്ങള്‍ വീണ് നിരവധി കെട്ടിടങ്ങള്‍ക്ക് കേടുപാടുകള്‍ സംഭവിക്കുകയും ചെയ്തു. ക്രിമിയക്കെതിരായ ആക്രമണം ശക്തമാക്കുമെന്ന് യുക്രൈന്‍ മിലിട്ടറി ഇന്റലിജന്‍സ് മേധാവി നേരത്തെ വ്യക്തമാക്കിയിരുന്നു.

World274 days ago

സൗത്ത് കൊറിയയില്‍ തിരഞ്ഞെടുപ്പിന് മുന്നോടിയായി AI നിര്‍മിത ഡീപ്പ് ഫേക്ക് വീഡിയോകള്‍ വ്യാപിക്കുന്നു

തിരഞ്ഞെടുപ്പ് പ്രചാരണ ആവശ്യങ്ങള്‍ക്കായി AI നിര്‍മിത ഡീപ്പ് ഫേക്ക് വീഡിയോകളും ചിത്രങ്ങളും രാജ്യത്ത് പ്രചരിക്കുന്നത് ആശങ്ക ഉയര്‍ത്തുകയാണ്. തിരഞ്ഞെടുപ്പ് പ്രചാരണ ആവശ്യങ്ങള്‍ക്കായി ഡീപ്പ് ഫേക്കുകള്‍ ഉപയോഗിക്കാന്‍ പാടില്ലെന്ന പുതിയ തിരഞ്ഞെടുപ്പ് നിയമത്തിന്റെ ലംഘനമാണ് ഇത്. ജനുവരി 29 മുതല്‍ കഴിഞ്ഞയാഴ്ച വരെ 129 AI നിര്‍മിത ഉള്ളടക്കങ്ങള്‍ കണ്ടെത്തിയതായി നാഷണല്‍ ഇലക്ഷന്‍ കമ്മീഷന്‍ അറിയിച്ചു.

World308 days ago