രണ്ടാമത്തെ സൈനിക ചാര ഉപഗ്രഹം വിക്ഷേപിച്ച് സൗത്ത് കൊറിയ

ഫ്‌ളോറിഡയിലെ കെന്നഡി ബഹിരാകാശ കേന്ദ്രത്തില്‍ നിന്ന് ഞായറാഴ്ച വൈകുന്നേരത്തോടെയാണ് ഉപഗ്രഹം വിക്ഷേപിച്ചത്. റോക്കറ്റില്‍ നിന്ന് സൈനിക ചാര ഉപഗ്രഹം വിജയകരമായി വേര്‍പ്പെടുത്തിയതായി സൗത്ത് കൊറിയന്‍ പ്രതിരോധ മന്ത്രാലയം അറിയിച്ചു. ഈ വര്‍ഷം ഒന്നിലധികം രഹസ്യാന്വേഷണ ഉപഗ്രഹങ്ങള്‍ വിക്ഷേപിക്കുമെന്ന് ഉത്തര കൊറിയ വ്യക്തമാക്കിയതിന് പിന്നാലെയാണ് സൗത്ത് കൊറിയയുടെ ഈ നീക്കം. ഇലോണ്‍ മസ്‌കിന്റെ സ്പേസ് എക്സുമായുള്ള കരാരിന്റെ അടിസ്ഥാനത്തില്‍ 2025ഓടെ അഞ്ച് ചാര ഉപഗ്രഹങ്ങള്‍ ദക്ഷിണ കൊറിയ വിക്ഷേപിക്കുമെന്നാണ് റിപ്പോര്‍ട്ട്.

World258 days ago

ആദ്യ സ്വകാര്യ ബഹിരാകാശ നടത്ത ദൗത്യം മാറ്റിവെച്ച് സ്‌പേസ് എക്സ്

ഹീലിയം ചോര്‍ച്ച കണ്ടെത്തിയതിനെ തുടര്‍ന്ന് സ്‌പേസ് എക്‌സ് നടത്താനിരുന്ന ആദ്യ സ്വകാര്യ ബഹിരാകാശ നടത്ത ദൗത്യമായ 'പൊളാരിസ് ഡോണ്‍' വിക്ഷേപണം മാറ്റിവെച്ചു. അടുത്ത ദൗത്യം ബുധനാഴ്ച നടക്കുമെന്നും അധികൃതര്‍ അറിയിച്ചിട്ടുണ്ട്. സാങ്കേതിക വിദഗ്ധര്‍ പ്രശ്‌നം പരിഹരിക്കാനുള്ള നടപടികള്‍ സ്വീകരിച്ചിട്ടുണ്ടെന്നും സ്‌പേസ് എക്‌സ് അധികൃതര്‍ വ്യക്തമാക്കി. ഫ്‌ളോറിഡയിലെ നാസയുടെ കെന്നഡി ബഹിരാകാശ കേന്ദ്രത്തില്‍ നിന്ന് പ്രാദേശിക സമയം ചൊവാഴ്ച പുലര്‍ച്ചെയോടെയായിരുന്നു വിക്ഷേപണം നടത്താന്‍ തീരുമാനിച്ചിരുന്നത്.

Science118 days ago

SSLV-D3 വിക്ഷേപണം വിജയകരമെന്ന് ISRO

ഭൗമ നിരീക്ഷണ കൃത്രിമ ഉപഗ്രഹവുമായി പറന്നുയര്‍ന്ന ISROയുടെ SSLV-D3 വിക്ഷേപണം വിജയകരം. ഭൗമ നിരീക്ഷണ ഉപഗ്രഹമായ EOS-08നെ കൃത്യമായി ഭ്രമണപഥത്തിലെത്തിച്ചു. വിക്ഷേപണത്തിന്റെ മൂന്ന് ഘട്ടവും വിജയകരമാണെന്ന് ISRO അറിയിച്ചു. 500 കിലോഗ്രാം ഭാരമുള്ള ചെറിയ ഉപഗ്രഹങ്ങള്‍ ഭൂമിയുടെ താഴ്ന്ന ഭ്രമണപഥത്തില്‍ എത്തിക്കുന്ന, അതിവേഗം വളരുന്ന വിപണിയെ തൃപ്തിപ്പെടുത്തുന്നതിനായാണ് വിക്ഷേപണ വാഹനമായ SSLV വികസിപ്പിച്ചത്. കുറഞ്ഞ സമയത്തിനുള്ളില്‍ ദൗത്യം പൂര്‍ത്തിയാക്കാന്‍ കഴിയുന്ന 34 മീറ്റര്‍ നീളമുള്ള റോക്കറ്റാണ് വികസിപ്പിച്ചെടുത്തത്.

Science129 days ago

ചൈനീസ് ബഹിരാകാശ റോക്കറ്റായ ലോങ് മാര്‍ച്ച് 6A തകര്‍ന്നു

ലോ എര്‍ത്ത് ഓര്‍ബിറ്റില്‍ വെച്ചാണ് ചൈനയുടെ ഉപഗ്രഹ ഇന്റര്‍നെറ്റ് പദ്ധതിയുടെ ഭാഗമായി വിക്ഷേപിച്ച ലോങ് മാര്‍ച്ച് 6A തകര്‍ന്നത്. ഉപഗ്രഹങ്ങള്‍ ഭ്രമണപഥത്തില്‍ വിന്യസിച്ചതിന് ശേഷമാണ് ഭൗമോപരിതലത്തിന് മുകളില്‍ 810 കി.മീ ഉയരത്തില്‍ വെച്ച് റോക്കറ്റ് തകര്‍ന്നതെന്നാണ് വിവരം. റോക്കറ്റ് തകര്‍ന്നതിന്റെ ഫലമായി ഭ്രമണ പഥത്തിലെ മറ്റു രാജ്യങ്ങളുടെ ഉപഗ്രഹങ്ങള്‍ക്ക് ഭീഷണിയായി നൂറുകണക്കിന് അവശിഷ്ടങ്ങള്‍ രൂപപ്പെട്ടതായാണ് വിവരം. തകര്‍ച്ചയുടെ കാരണം ഇതുവരെ വ്യക്തമായിട്ടില്ല.

Science135 days ago

ഫാല്‍ക്കണ്‍ 9ല്‍ നിന്ന് പുറപ്പെട്ട 20 ഉപഗ്രഹങ്ങള്‍ ഭൂമിയിലേക്ക് തിരികെ പതിച്ചേക്കും

USലെ കാലിഫോര്‍ണിയയില്‍ നിന്ന് വിക്ഷേപിച്ച ഫാല്‍ക്കണ്‍ 9 റോക്കറ്റില്‍ നിന്ന് പുറപ്പെട്ട 20 ഉപഗ്രഹങ്ങള്‍ ഭൂമിയിലേക്ക് തിരികെ പതിക്കുമെന്ന് സ്പേസ് എക്സ് അറിയിച്ചു. ഫാല്‍ക്കണ്‍ 9ന്റെ രണ്ടാം ഘട്ടത്തില്‍ ദ്രാവക ഓക്‌സിജന്‍ ചോര്‍ച്ച വര്‍ധിക്കുകയും ഭ്രമണപഥം ഉയര്‍ത്തുന്ന രണ്ടാമത്തെ ജ്വലനം പരാജയപ്പെടുകയും ചെയ്തതായി കമ്പനി അറിയിച്ചു. ഭൂമിയില്‍ നിന്ന് 135 കിലോമീറ്റര്‍ മാത്രം മുകളിലുള്ള ദീര്‍ഘ വൃത്താകൃതിയിലുള്ള ഭ്രമണപഥത്തിന്റെ ഏറ്റവും താഴ്ന്ന പോയിന്റിലാണ് ഉപഗ്രഹങ്ങള്‍.

Science162 days ago

വേതന വര്‍ധനവ് ആവശ്യപ്പെട്ട് സാംസങ്ങില്‍ അനിശ്ചിതകാല തൊഴിലാളിസമരം

ദക്ഷിണകൊറിയയിലെ സാംസങ് ഇലക്ട്രോണിക്സിലാണ് തൊഴിലാളികള്‍ വേതന വര്‍ധനവ് ആവശ്യപ്പെട്ട് തിങ്കളാഴ്ച മുതല്‍ അനിശ്ചിതകാല സമരം തുടങ്ങിയത്. മൂന്ന് ദിവസത്തേക്ക് പ്രഖ്യാപിച്ച മരമാണ് അനിശ്ചിതകാലത്തേക്ക് മാറ്റിയിരിക്കുന്നത്. വേതന വര്‍ധനവ്, ജോലിയിലെ കാര്യക്ഷമതയ്ക്ക് അനുസൃതമായ ബോണസ്, യൂണിയന്റെ സ്ഥാപകദിനത്തില്‍ അവധി തുടങ്ങിയവയാണ് സമരം ചെയ്യുന്നവരുടെ ആവശ്യങ്ങള്‍. കമ്പനിയുടെ രണ്ടാംപാദ പ്രവര്‍ത്തന ലാഭത്തില്‍ വലിയ വര്‍ധനവുണ്ടാകുമെന്ന് പ്രവചിക്കപ്പെട്ടതിന് പിന്നാലെയാണ് സമരം പ്രഖ്യാപിച്ചത്.

World165 days ago

ഭൗമ നിരീക്ഷണ ഉപഗ്രഹം വിജയകരമായി വിക്ഷേപിച്ച് ടാറ്റ അഡ്വാന്‍സ്ഡ് സിസ്റ്റംസ്

സാറ്റലോജിക്കുമായി സഹകരിച്ചാണ് ഭൗമ നിരീക്ഷണ ഉപഗ്രഹമായ ടിസാറ്റ്-1Aയെ കമ്പനി ഭ്രമണപഥത്തിലേക്ക് എത്തിച്ചത്. ഭൂമിയില്‍ നിന്ന് 400 കിലോമീറ്റര്‍ ഉയരത്തിലുള്ള ലോ എര്‍ത്ത് ഓര്‍ബിറ്റിലാണ് ഉപഗ്രഹത്തെ ഉറപ്പിച്ചത്. ഭൂമിയുടെ ഉയര്‍ന്ന റെസല്യൂഷനിലുള്ള ഒപ്റ്റിക്കല്‍ സാറ്റലൈറ്റ് ചിത്രങ്ങള്‍ നല്‍കാന്‍ ശേഷിയുള്ളതാണ് ടിസാറ്റ്-1A. ഇന്ത്യയിലെ സ്വകാര്യ മേഖലയുടെ ആദ്യ ഭൗമ നിരീക്ഷണ ഉപഗ്രഹമാണിത്.

Science258 days ago

ഉത്തരകൊറിയ ബാലിസ്റ്റിക് മിസൈല്‍ വിക്ഷേപിച്ചതായി ദക്ഷിണകൊറിയ

ജപ്പാന്‍ കടലിലേക്കാണ് ഉത്തരകൊറിയ മിസൈല്‍ വിക്ഷേപിച്ചതെന്ന് ദക്ഷിണകൊറിന്‍ സൈന്യത്തിന്റെ ജോയിന്റ് ചീഫ് ഓഫ് സ്റ്റാഫ് അറിയിച്ചു. ഖര-ഇന്ധന എഞ്ചിനുള്ള പുതിയ തരം ഇന്റര്‍മീഡിയറ്റ് റേഞ്ച് ഹൈപ്പര്‍സോണിക് മിസൈലാണ് വിക്ഷേപിച്ചതെന്നാണ് റിപ്പോര്‍ട്ട്. ഉത്തരകൊറിയ ഈ വര്‍ഷം ഇതുവരെ നടത്തിയ മൂന്നാമത്തെ ബാലിസ്റ്റിക് മിസൈല്‍ പരീക്ഷണമായിരുന്നു ഇത്. ഉത്തര കൊറിയ മിസൈല്‍ വിക്ഷേപിച്ചതായി ജപ്പാനും സ്ഥിരീകരിച്ചു.

World265 days ago

സൗത്ത് കൊറിയയില്‍ തിരഞ്ഞെടുപ്പിന് മുന്നോടിയായി AI നിര്‍മിത ഡീപ്പ് ഫേക്ക് വീഡിയോകള്‍ വ്യാപിക്കുന്നു

തിരഞ്ഞെടുപ്പ് പ്രചാരണ ആവശ്യങ്ങള്‍ക്കായി AI നിര്‍മിത ഡീപ്പ് ഫേക്ക് വീഡിയോകളും ചിത്രങ്ങളും രാജ്യത്ത് പ്രചരിക്കുന്നത് ആശങ്ക ഉയര്‍ത്തുകയാണ്. തിരഞ്ഞെടുപ്പ് പ്രചാരണ ആവശ്യങ്ങള്‍ക്കായി ഡീപ്പ് ഫേക്കുകള്‍ ഉപയോഗിക്കാന്‍ പാടില്ലെന്ന പുതിയ തിരഞ്ഞെടുപ്പ് നിയമത്തിന്റെ ലംഘനമാണ് ഇത്. ജനുവരി 29 മുതല്‍ കഴിഞ്ഞയാഴ്ച വരെ 129 AI നിര്‍മിത ഉള്ളടക്കങ്ങള്‍ കണ്ടെത്തിയതായി നാഷണല്‍ ഇലക്ഷന്‍ കമ്മീഷന്‍ അറിയിച്ചു.

World308 days ago

ഏഷ്യന്‍ കപ്പ് ഫുട്‌ബോള്‍; സെമിഫൈനലില്‍ ഇന്ന് ദക്ഷിണ കൊറിയ ജോര്‍ദാനെ നേരിടും

ഇന്ന് വൈകിട്ട് ആറ് മണിക്ക് അഹ്‌മദ് ബിന്‍ അലി സ്റ്റേഡിയത്തിലാണ് മത്സരം നടക്കുക. ഏഷ്യന്‍ കപ്പിന്റെ ഗ്രൂപ്പ് ഘട്ടത്തില്‍ ദക്ഷിണ കൊറിയയും ജോര്‍ദാനും ഏറ്റുമുട്ടിയ മത്സരം സമനിലയിലാണ് പിരിഞ്ഞത്. ഇഞ്ചുറി ടൈമിലാണ് ദക്ഷിണ കൊറിയ സമനില ഗോള്‍ നേടിയത്. ഫിഫ റാങ്കിങ്ങില്‍ ജോര്‍ദാന്‍ 87ാം സ്ഥാനത്തും ദക്ഷിണ കൊറിയ 23ാം സ്ഥാനത്തുമാണ്.

Sports321 days ago

ദക്ഷിണ കൊറിയയില്‍ പട്ടിയിറച്ചി കഴിക്കുന്നത് നിരോധിക്കുന്ന ബില്‍ പാര്‍ലമെന്‍റ് പാസാക്കി

വേനല്‍ക്കാലത്ത് ശരീരത്തിന്‍റെ കരുത്ത് കൂട്ടുക എന്ന ലക്ഷ്യത്തോടെയാണ് കൊറിയക്കാര്‍ നൂറ്റാണ്ടുകളായി നായകളുടെ മാംസം കഴിക്കുന്നത്. പുതിയ തലമുറ മൃഗസംരക്ഷണത്തിന് കൂടുതല്‍ ഊന്നല്‍ നല്‍കുന്നതാണ് ബില്‍ കൊണ്ടുവരുന്നതിനുളള പ്രചോദനം. 2022ലെ കണക്കനുസരിച്ച് 1600 റസ്റ്റോറന്റുകളാണ് പട്ടിയിറച്ചി വില്‍ക്കുന്നത്.

World349 days ago