ആദ്യ സ്വകാര്യ ബഹിരാകാശ നടത്ത ദൗത്യം മാറ്റിവെച്ച് സ്‌പേസ് എക്സ്

ഹീലിയം ചോര്‍ച്ച കണ്ടെത്തിയതിനെ തുടര്‍ന്ന് സ്‌പേസ് എക്‌സ് നടത്താനിരുന്ന ആദ്യ സ്വകാര്യ ബഹിരാകാശ നടത്ത ദൗത്യമായ 'പൊളാരിസ് ഡോണ്‍' വിക്ഷേപണം മാറ്റിവെച്ചു. അടുത്ത ദൗത്യം ബുധനാഴ്ച നടക്കുമെന്നും അധികൃതര്‍ അറിയിച്ചിട്ടുണ്ട്. സാങ്കേതിക വിദഗ്ധര്‍ പ്രശ്‌നം പരിഹരിക്കാനുള്ള നടപടികള്‍ സ്വീകരിച്ചിട്ടുണ്ടെന്നും സ്‌പേസ് എക്‌സ് അധികൃതര്‍ വ്യക്തമാക്കി. ഫ്‌ളോറിഡയിലെ നാസയുടെ കെന്നഡി ബഹിരാകാശ കേന്ദ്രത്തില്‍ നിന്ന് പ്രാദേശിക സമയം ചൊവാഴ്ച പുലര്‍ച്ചെയോടെയായിരുന്നു വിക്ഷേപണം നടത്താന്‍ തീരുമാനിച്ചിരുന്നത്.

Science118 days ago

സ്‌പേസ് എക്‌സിന്റെ വിക്ഷേപണം വീണ്ടും മാറ്റി

സ്‌പേസ് എക്‌സിന്റെ ആദ്യ സ്വകാര്യ ബഹിരാകാശ നടത്ത ദൗത്യമായ പൊളാരിസ് ഡോണിന്റെ വിക്ഷേപണം വീണ്ടും മാറ്റിവെച്ചു. ഫ്‌ലോറിഡ തീരത്തെ സ്പ്ലാഷ്ഡൗണ്‍ പ്രദേശങ്ങളിലെ പ്രതികൂല കാലാവസ്ഥയെ തുടര്‍ന്നാണ് ദൗത്യം മാറ്റിവെച്ചത്. ഫ്‌ലോറിഡയിലെ കെന്നഡി വിക്ഷേപണ കേന്ദ്രത്തില്‍ നിന്ന് ചൊവ്വാഴ്ച വിക്ഷേപിക്കാനിരുന്ന ദൗത്യം ഹീലിയം ചോര്‍ച്ചയെ തുടര്‍ന്ന് ബുധനാഴ്ചത്തേക്ക് മാറ്റിവെക്കുകയായിരുന്നു. സ്‌പേസ് എക്‌സ് പുതിയ ലോഞ്ച് തീയതി പ്രഖ്യാപിച്ചിട്ടില്ല.

Science116 days ago

SSLV-D3 വിക്ഷേപണം വിജയകരമെന്ന് ISRO

ഭൗമ നിരീക്ഷണ കൃത്രിമ ഉപഗ്രഹവുമായി പറന്നുയര്‍ന്ന ISROയുടെ SSLV-D3 വിക്ഷേപണം വിജയകരം. ഭൗമ നിരീക്ഷണ ഉപഗ്രഹമായ EOS-08നെ കൃത്യമായി ഭ്രമണപഥത്തിലെത്തിച്ചു. വിക്ഷേപണത്തിന്റെ മൂന്ന് ഘട്ടവും വിജയകരമാണെന്ന് ISRO അറിയിച്ചു. 500 കിലോഗ്രാം ഭാരമുള്ള ചെറിയ ഉപഗ്രഹങ്ങള്‍ ഭൂമിയുടെ താഴ്ന്ന ഭ്രമണപഥത്തില്‍ എത്തിക്കുന്ന, അതിവേഗം വളരുന്ന വിപണിയെ തൃപ്തിപ്പെടുത്തുന്നതിനായാണ് വിക്ഷേപണ വാഹനമായ SSLV വികസിപ്പിച്ചത്. കുറഞ്ഞ സമയത്തിനുള്ളില്‍ ദൗത്യം പൂര്‍ത്തിയാക്കാന്‍ കഴിയുന്ന 34 മീറ്റര്‍ നീളമുള്ള റോക്കറ്റാണ് വികസിപ്പിച്ചെടുത്തത്.

Science129 days ago

ചൈനീസ് ബഹിരാകാശ റോക്കറ്റായ ലോങ് മാര്‍ച്ച് 6A തകര്‍ന്നു

ലോ എര്‍ത്ത് ഓര്‍ബിറ്റില്‍ വെച്ചാണ് ചൈനയുടെ ഉപഗ്രഹ ഇന്റര്‍നെറ്റ് പദ്ധതിയുടെ ഭാഗമായി വിക്ഷേപിച്ച ലോങ് മാര്‍ച്ച് 6A തകര്‍ന്നത്. ഉപഗ്രഹങ്ങള്‍ ഭ്രമണപഥത്തില്‍ വിന്യസിച്ചതിന് ശേഷമാണ് ഭൗമോപരിതലത്തിന് മുകളില്‍ 810 കി.മീ ഉയരത്തില്‍ വെച്ച് റോക്കറ്റ് തകര്‍ന്നതെന്നാണ് വിവരം. റോക്കറ്റ് തകര്‍ന്നതിന്റെ ഫലമായി ഭ്രമണ പഥത്തിലെ മറ്റു രാജ്യങ്ങളുടെ ഉപഗ്രഹങ്ങള്‍ക്ക് ഭീഷണിയായി നൂറുകണക്കിന് അവശിഷ്ടങ്ങള്‍ രൂപപ്പെട്ടതായാണ് വിവരം. തകര്‍ച്ചയുടെ കാരണം ഇതുവരെ വ്യക്തമായിട്ടില്ല.

Science135 days ago

ഫാല്‍ക്കണ്‍ 9ല്‍ നിന്ന് പുറപ്പെട്ട 20 ഉപഗ്രഹങ്ങള്‍ ഭൂമിയിലേക്ക് തിരികെ പതിച്ചേക്കും

USലെ കാലിഫോര്‍ണിയയില്‍ നിന്ന് വിക്ഷേപിച്ച ഫാല്‍ക്കണ്‍ 9 റോക്കറ്റില്‍ നിന്ന് പുറപ്പെട്ട 20 ഉപഗ്രഹങ്ങള്‍ ഭൂമിയിലേക്ക് തിരികെ പതിക്കുമെന്ന് സ്പേസ് എക്സ് അറിയിച്ചു. ഫാല്‍ക്കണ്‍ 9ന്റെ രണ്ടാം ഘട്ടത്തില്‍ ദ്രാവക ഓക്‌സിജന്‍ ചോര്‍ച്ച വര്‍ധിക്കുകയും ഭ്രമണപഥം ഉയര്‍ത്തുന്ന രണ്ടാമത്തെ ജ്വലനം പരാജയപ്പെടുകയും ചെയ്തതായി കമ്പനി അറിയിച്ചു. ഭൂമിയില്‍ നിന്ന് 135 കിലോമീറ്റര്‍ മാത്രം മുകളിലുള്ള ദീര്‍ഘ വൃത്താകൃതിയിലുള്ള ഭ്രമണപഥത്തിന്റെ ഏറ്റവും താഴ്ന്ന പോയിന്റിലാണ് ഉപഗ്രഹങ്ങള്‍.

Science162 days ago

മിനി ഉപഗ്രഹ ഇന്റര്‍നെറ്റ് ഡിഷ് ആന്റിന അവതരിപ്പിച്ച് സ്പേസ് എക്സ്

ഒരു ബാഗില്‍ കൊണ്ടു നടക്കാന്‍ സാധിക്കുന്ന വലിപ്പത്തിലുള്ള 'സ്റ്റാര്‍ലിങ്ക് മിനി' ഡിഷ് ആന്റിനയാണ് കമ്പനി അവതരിപ്പിച്ചിരിക്കുന്നത്. 100 Mbspലേറെ ഡാറ്റാ വേഗം ഇതില്‍ ലഭിക്കുമെന്നാണ് പറയുന്നത്. ഡിഷിനൊപ്പം ഒരു വൈഫൈ റൂട്ടറും ലഭിക്കും. സ്റ്റാര്‍ലിങ്ക് മിനി കിറ്റിന് 599 ഡോളര്‍ ആണ് വില. ഇതിന് പുറമെ മിനി റോം സേവനം ലഭിക്കണമെങ്കില്‍ 120 രൂപയുടെ നിലവിലുള്ള റെസിഡന്‍ഷ്യല്‍ പ്ലാനിനൊപ്പം 30 ഡോളര്‍ കൂടി അധികമായി നല്‍കേണ്ടി വരും.

Technology183 days ago

സ്റ്റാര്‍ഷിപ്പ് റോക്കറ്റിന്റെ നാലാം പരീക്ഷണം വിജയം

സൂപ്പര്‍ഹെവി ബൂസ്റ്റര്‍, സ്റ്റാര്‍ഷിപ്പ് പേടകം എന്നീ രണ്ട് ഘട്ടങ്ങളും ആദ്യമായി വിജയകരമായി. കുതിച്ചുയര്‍ന്ന് മിനിറ്റുകള്‍ക്കകം ഈ രണ്ടുഭാഗങ്ങളും വിച്ഛേദിക്കപ്പെടുകയും ഏഴ് മിനിറ്റിനകം സൂപ്പര്‍ഹെവി ബൂസ്റ്റര്‍ മെക്സിക്കന്‍ ഉള്‍ക്കടലില്‍ തിരിച്ചിറങ്ങുകയും ചെയ്തു. 200 കിലോമീറ്റര്‍ ഉയരത്തില്‍ സഞ്ചരിച്ചശേഷം സ്റ്റാര്‍ഷിപ്പ് പേടകം ആസൂത്രണം ചെയ്തപോലെ ഇന്ത്യന്‍ മഹാസമുദ്രത്തിലും തിരിച്ചിറങ്ങി. വ്യാഴാഴ്ച പ്രാദേശിക സമയം രാവിലെ 7.50ന് ടെക്സസിലെ ബോകാചികയിലുള്ള സ്പെയ്സ് എക്സിന്റെ സ്റ്റാര്‍ബേസ് ബഹിരാകാശകേന്ദ്രത്തില്‍ നിന്നായിരുന്നു വിക്ഷേപണം.

Science199 days ago

ഭൗമ നിരീക്ഷണ ഉപഗ്രഹം വിജയകരമായി വിക്ഷേപിച്ച് ടാറ്റ അഡ്വാന്‍സ്ഡ് സിസ്റ്റംസ്

സാറ്റലോജിക്കുമായി സഹകരിച്ചാണ് ഭൗമ നിരീക്ഷണ ഉപഗ്രഹമായ ടിസാറ്റ്-1Aയെ കമ്പനി ഭ്രമണപഥത്തിലേക്ക് എത്തിച്ചത്. ഭൂമിയില്‍ നിന്ന് 400 കിലോമീറ്റര്‍ ഉയരത്തിലുള്ള ലോ എര്‍ത്ത് ഓര്‍ബിറ്റിലാണ് ഉപഗ്രഹത്തെ ഉറപ്പിച്ചത്. ഭൂമിയുടെ ഉയര്‍ന്ന റെസല്യൂഷനിലുള്ള ഒപ്റ്റിക്കല്‍ സാറ്റലൈറ്റ് ചിത്രങ്ങള്‍ നല്‍കാന്‍ ശേഷിയുള്ളതാണ് ടിസാറ്റ്-1A. ഇന്ത്യയിലെ സ്വകാര്യ മേഖലയുടെ ആദ്യ ഭൗമ നിരീക്ഷണ ഉപഗ്രഹമാണിത്.

Science258 days ago

രണ്ടാമത്തെ സൈനിക ചാര ഉപഗ്രഹം വിക്ഷേപിച്ച് സൗത്ത് കൊറിയ

ഫ്‌ളോറിഡയിലെ കെന്നഡി ബഹിരാകാശ കേന്ദ്രത്തില്‍ നിന്ന് ഞായറാഴ്ച വൈകുന്നേരത്തോടെയാണ് ഉപഗ്രഹം വിക്ഷേപിച്ചത്. റോക്കറ്റില്‍ നിന്ന് സൈനിക ചാര ഉപഗ്രഹം വിജയകരമായി വേര്‍പ്പെടുത്തിയതായി സൗത്ത് കൊറിയന്‍ പ്രതിരോധ മന്ത്രാലയം അറിയിച്ചു. ഈ വര്‍ഷം ഒന്നിലധികം രഹസ്യാന്വേഷണ ഉപഗ്രഹങ്ങള്‍ വിക്ഷേപിക്കുമെന്ന് ഉത്തര കൊറിയ വ്യക്തമാക്കിയതിന് പിന്നാലെയാണ് സൗത്ത് കൊറിയയുടെ ഈ നീക്കം. ഇലോണ്‍ മസ്‌കിന്റെ സ്പേസ് എക്സുമായുള്ള കരാരിന്റെ അടിസ്ഥാനത്തില്‍ 2025ഓടെ അഞ്ച് ചാര ഉപഗ്രഹങ്ങള്‍ ദക്ഷിണ കൊറിയ വിക്ഷേപിക്കുമെന്നാണ് റിപ്പോര്‍ട്ട്.

World258 days ago

സ്റ്റാര്‍ഷിപ്പ് നാലാം വിക്ഷേപണം അടുത്തമാസം നടത്താന്‍ സ്‌പേസ് എക്‌സ് ഒരുങ്ങുന്നു

ലോകത്തില്‍ ഇതുവരെ വികസിപ്പിച്ചതില്‍ ഏറ്റവും വലിയ ബഹിരാകാശ വിക്ഷേപണ വാഹനമാണ് ഇലോണ്‍‌ മസ്കിന്‍റെ നേതൃത്വത്തിലുളള സ്‌പേസ് എക്‌സിന്റെ സ്റ്റാര്‍ഷിപ്പ് റോക്കറ്റ്. ഭാവിയില്‍ ചാന്ദ്ര ദൗത്യങ്ങള്‍ക്കും ചൊവ്വാ ദൗത്യങ്ങള്‍ക്കും ഉപയോഗിക്കാന്‍ സാധിക്കുന്ന രീതിയിലാണ് സ്റ്റാര്‍ഷിപ്പ് രൂപകല്‍പ്പന ചെയ്തിരിക്കുന്നത്. ആദ്യ രണ്ട് പരീക്ഷണ വിക്ഷേപണങ്ങളില്‍ പരാജയം ഉണ്ടായി എങ്കിലും മൂന്നാം തവണ കൂടുതല്‍ ദൂരം സഞ്ചരിക്കാന്‍ റോക്കറ്റിന് സാധിച്ചിരുന്നു. 121 മീറ്റര്‍ ഉയരമാണ് ഈ ഭീമന്‍ റോക്കറ്റിനുളളത്.

Technology262 days ago

US രഹസ്യാന്വേഷണ ഏജന്‍സിക്ക് ചാര ഉപഗ്രഹങ്ങള്‍ നിര്‍മ്മിക്കാനൊരുങ്ങി മസ്‌കിന്റെ സ്‌പേസ് എക്‌സ്

1.8 ബില്യണ്‍ ഡോളറിന്റെ രഹസ്യ കരാറിന് കീഴിലാണ് USന് വേണ്ടി ഇലോണ്‍ മസ്‌കിന്റെ സ്പേസ് എക്സ് നൂറുകണക്കിന് ചാര ഉപഗ്രഹങ്ങള്‍ വികസിപ്പിക്കുന്നത്. 2021-ല്‍ ഒപ്പുവച്ച കരാറിന്റെ അടിസ്ഥാനത്തിലാണ് ചാര ഉപഗ്രഹങ്ങള്‍ വികസിപ്പിക്കാന്‍ ലക്ഷ്യമിടുന്നതെന്ന് റോയിട്ടേഴ്‌സിന്റെ റിപ്പോര്‍ട്ടില്‍ പറയുന്നു. സ്‌പേസ് എക്‌സിന്റെ സ്റ്റാര്‍ഷീല്‍ഡ് ബിസിനസാണ് സ്‌പൈ സാറ്റലൈറ്റ് നെറ്റ്‌വര്‍ക്ക് നിര്‍മിക്കുന്നത്.

World281 days ago