ഗസയിലെ നവജാത ശിശുക്കളുടെ മരണനിരക്ക് വര്‍ധിക്കുന്നതായി WHO

ഗസയില്‍ ജനിക്കുന്ന കുട്ടികളുടെ ഭാരം വളരെ കുറവാണെന്ന് ഗസ മുനമ്പിലെ ആശുപത്രികളില്‍ ജോലി ചെയ്യുന്ന ഡോക്ടര്‍മാര്‍ വ്യക്തമാക്കി. രൂക്ഷമായ പോഷകാഹാര കുറവ് കണ്ടെത്തുന്ന നവജാത ശിശുക്കളുടെ എണ്ണം ദിനംപ്രതി കൂടുകയാണ്. ഗര്‍ഭിണികളില്‍ ഭാരക്കുറവ്, പോഷകാഹാര കുറവ് എന്നിവ സാധാരണമായി കഴിഞ്ഞുവെന്ന് WHO വക്താവ് മാര്‍ഗരറ്റ് ഹാരിസ് പറഞ്ഞു. ഗസയിലേക്ക് ഭക്ഷണ സാമഗ്രഹികള്‍ എത്തിക്കാന്‍ ആവശ്യമായ സുരക്ഷയോ സാഹചര്യമോ ഇപ്പോള്‍ ലഭ്യമല്ലെന്നും അവര്‍ പറഞ്ഞു.

World396 days ago

ഗസയില്‍ അഭയാര്‍ത്ഥികള്‍ താമസിച്ചിരുന്ന സ്‌കൂളിന് നേരെ ആക്രമണം നടത്തി ഇസ്രായേല്‍

അഭയാര്‍ത്ഥികള്‍ താമസിച്ചിരുന്ന ജബാലിയയിലെ സ്‌കൂളിന് നേരെയാണ് ഇസ്രായേല്‍ വ്യോമാക്രമണം നടത്തിയത്. 15 പേര്‍ ആക്രമണത്തില്‍ കൊല്ലപ്പെട്ടുവെന്നാണ് റിപ്പോര്‍ട്ട്. നിരവധി പേര്‍ക്ക് പരിക്കേല്‍ക്കുകയും ചെയ്തിട്ടുണ്ട്. മരിച്ചവരില്‍ കൂടുതല്‍ പേരും സ്ത്രീകളും കുട്ടികളുമാണെന്നാണ് വിവരം. കഴിഞ്ഞ 24 മണിക്കൂറിനിടെ ഗസയില്‍ ഇസ്രായേല്‍ ആക്രമണങ്ങളില്‍ കൊല്ലപ്പെട്ടവരുടെ എണ്ണം 36 ആയി ഉയര്‍ന്നു.

World205 days ago

ഇന്ത്യയില്‍ ജീവിതശൈലി രോഗങ്ങളാണ് പ്രധാന മരണ കാരണമെന്ന് WHO

ഇന്ത്യ ഉള്‍പ്പെടെ 11 രാജ്യങ്ങളില്‍ അമിതഭാരവും ജീവിതശൈലി രോഗങ്ങളും വര്‍ധിക്കുന്നുവെന്ന് WHO വ്യക്തമാക്കി. ഇന്ത്യ, ഇന്തോനേഷ്യ, ബംഗ്ലാദേശ്, മാലദ്വീപ്, ഭൂട്ടാന്‍, മ്യാന്‍മര്‍, ശ്രീലങ്ക, തായ്ലന്‍ഡ്, എന്നിവിടങ്ങളില്‍ അഞ്ച് വയസിന് താഴെയുള്ള കുട്ടികളില്‍ 20 ലക്ഷം പേര്‍ അമിത ഭാരമുള്ളവരാണ്. 5 മുതല്‍ 19 വയസപവരെയുള്ളവരില്‍ 37.3 ദശലക്ഷം പേര്‍ക്ക് പൊണ്ണത്തടിയുണ്ടെന്നും WHOയുടെ റിപ്പോര്‍ട്ടില്‍ പറയുന്നു. പൊണ്ണത്തടിയും ജീവിതശൈലി രോഗങ്ങളും കാരണം ഹൃദ്രോഗം, പ്രമേഹം, അര്‍ബുദം തുടങ്ങിയവ പ്രതിരോധിക്കാന്‍ സര്‍ക്കാര്‍ ആരോഗ്യനയം പുനക്രമീകരിക്കണമെന്നും WHO ആവശ്യപ്പെട്ടു.

Health208 days ago

എംപോക്‌സ് വാക്‌സിന് അനുമതി നല്‍കി ലോകാരോഗ്യസംഘടന

ബവേറിയന്‍ നോര്‍ഡിക് കമ്പനി എംപോക്‌സിനെതിരെ പുറത്തിറക്കിയ വാക്‌സിനാണ് ലോകാരോഗ്യസംഘടന അനുമതി നല്‍കിയത്. ലോകത്തിന്റെ പലഭാഗങ്ങളിലും എംപോക്‌സ് വ്യാപിക്കുന്ന പശ്ചാത്തലത്തിലാണ് അനുമതി. പതിനെട്ട് വയസ്സും അതിനുമുകളിലും പ്രായമുള്ളവരിലാണ് വാക്‌സിന്‍ ഉപയോഗിക്കാന്‍ അനുമതിയുള്ളത്. രോഗവ്യാപനം അനിയന്ത്രിതമായാല്‍ പതിനെട്ടു വയസ്സിനു താഴെയുള്ളവരിലും ഉപയോഗിച്ചേക്കും.

Health218 days ago

ഗസയിലെ സ്‌കൂളിന് നേരെയുള്ള ഇസ്രായേല്‍ ആക്രമണം; അപലപിച്ച് UN മേധാവി

അന്താരാഷ്ട്ര മാനുഷിക നിയമത്തിന്റെ ലംഘനങ്ങള്‍ ഉടന്‍ അവസാനിപ്പിക്കണമെന്ന് UN മേധാവി അന്റോണിയോ ഗുട്ടെറസ് പറഞ്ഞു. കുടിയൊഴിപ്പിക്കപ്പെട്ടവര്‍ക്ക് അഭയം നല്‍കുന്ന UNന്റെ നിയന്ത്രണത്തിലുള്ള സ്‌കൂളിന് നേരെയുള്ള ആക്രമണം സ്വീകാര്യമല്ലെന്നും ഗസ്സയില്‍ സംഭവിക്കുന്നത് അംഗീകരിക്കാനാവില്ലെന്നും അദ്ദേഹം പറഞ്ഞു. മരിച്ചവരില്‍ ആറ് ഉനര്‍വ തൊഴിലാളികളും ഉള്‍പ്പെടുന്നുവെന്നും അദ്ദേഹം കൂട്ടിച്ചേര്‍ത്തു.

World220 days ago

ഗസയിലെ UN സ്‌കൂളിനും വീടുകള്‍ക്കും നേരെ ഇസ്രായേല്‍ വ്യോമാക്രമണം

ഇന്നലെ രാത്രിയില്‍ ഗസയില്‍ ഇസ്രായേല്‍ നടത്തിയ വ്യോമാക്രമണത്തില്‍ 19 സ്ത്രീകളും കുട്ടികളും ഉള്‍പ്പെടെ 34 പേര്‍ ആക്രമണത്തില്‍ കൊല്ലപ്പെട്ടതായാണ് റിപ്പോര്‍ട്ട്. മരിച്ചവരില്‍ ആറ് ജീവനക്കാരുണ്ടെന്ന് UN ഉദ്യോഗസ്ഥന്‍ പറഞ്ഞു. ആക്രമണത്തില്‍ പാലസ്തീന്‍ കുടുംബങ്ങള്‍ക്ക് അഭയം നല്‍കിയ രണ്ട് വീടുകള്‍ക്കും UN സ്‌കൂളിനും നാശനഷ്ടമുണ്ടായി. ഇസ്രായേല്‍-പാലസ്തീന്‍ യുദ്ധം ആരംഭിച്ചിട്ട് 11 മാസം പിന്നിട്ടിരിക്കുകയാണ്.

World220 days ago

കോവിഡ് പോലെയല്ല മങ്കിപോക്‌സിന്റെ വ്യാപനം നിയന്ത്രണവിധേയമാണെന്ന് WHO

മങ്കിപോക്‌സിന്റെ(എംപോക്‌സ്) പഴയതോ പുതിയതോ ആയ വകഭേദം കോവിഡുമായി താരതമ്യപ്പെടുത്താനാകില്ലെന്ന് ലോകാരോഗ്യ സംഘടനയുടെ യൂറോപ്പ് റീജിയണല്‍ ഡയറക്ടറായ ഹാന്‍സ് ക്ലൂഗ് വ്യക്തമാക്കി. എംപോക്‌സിന്റെ വ്യാപനം നിയന്ത്രണവിധേയമാണെന്നും എംപോക്‌സ് വ്യാപനം തടയാനുള്ള നടപടികളെ കുറിച്ച് അധികൃതര്‍ക്ക് അറിവുണ്ടെന്നും തീര്‍ച്ചയായും എംപോക്‌സിനെ ഒറ്റക്കെട്ടായി മറികടക്കാനാകുമെന്നും ഹാന്‍സ് പറഞ്ഞു. ആഫ്രിക്കന്‍ രാജ്യങ്ങളില്‍ വ്യാപകമാകുന്ന മങ്കിപോക്‌സിനെതിരെ ആഗോളതലത്തില്‍ ലോകാരോഗ്യ സംഘടന ആരോഗ്യ അടിയന്തരാവസ്ഥ പ്രഖ്യാപിച്ചിരുന്നു. ഇതേ തുടര്‍ന്ന് കോവിഡിന് സമാനമായ സാഹചര്യമുണ്ടാകുമോ എന്ന ആശങ്ക ഉയര്‍ന്നു വന്നിരുന്നു.

World242 days ago

ഗസ വെടിനിര്‍ത്തല്‍ കരാര്‍; ചര്‍ച്ചകള്‍ക്കായി US സ്‌റ്റേറ്റ് സെക്രട്ടറി ആന്റണി ബ്ലിങ്കന്‍ ഇസ്രായേലില്‍

ഗസയിലെ ശാശ്വതമായ വെടിനിര്‍ത്തല്‍ കരാര്‍ ഉറപ്പിക്കുന്നതിനുള്ള 11 മണിക്കൂര്‍ ചര്‍ച്ചകള്‍ക്കായി US സ്‌റ്റേറ്റ് സെക്രട്ടറി ആന്റണി ബ്ലിങ്കന്‍ ഇസ്രയേലിലെത്തി. ഖത്തര്‍, ഈജിപ്റ്റ്് എന്നീ രാജ്യങ്ങളുടെ പിന്തുണയോടെയാണ് ബ്ലിങ്കന്റെ ഒത്തുതീര്‍പ്പ് ശ്രമം. 10 മാസമായി തുടരുന്ന സംഘര്‍ഷത്തില്‍ വെടിനിര്‍ത്തല്‍ കരാര്‍ ഉണ്ടാക്കാനുള്ള അമേരിക്കയുടെ പുതിയ ശ്രമങ്ങളുടെ ഭാഗമായാണ് സന്ദര്‍ശനം. വെടിനിര്‍ത്തല്‍ കരാറില്‍ തീരുമാനമെടുക്കുമെന്നും ബന്ദികളെയും തടവുകാരെയും മോച്ചിപ്പിക്കാന്‍ ശ്രമിക്കുമെന്നും ബ്ലിങ്കന്‍ പറഞ്ഞു.

World244 days ago

ഗാസയില്‍ 25 വര്‍ഷത്തിനുശേഷം ആദ്യമായി പോളിയോബാധ സ്ഥിരീകരിച്ചു

ജോര്‍ദാനിലെ ലാബില്‍ നടത്തിയ പരിശോധനയിലാണ് വാക്സിനെടുക്കാത്ത പത്തുമാസം പ്രായമുള്ള കുഞ്ഞിന് പോളിയോ കണ്ടെത്തിയത്. മൂന്നുകുട്ടികള്‍ക്ക് പോളിയോ രോഗമുണ്ടെന്ന് സംശയിക്കുന്നുണ്ട്. അവരുടെ സാംപിള്‍ പരിശോധിക്കുകയാണെന്നും ലോകാരോഗ്യസംഘടന വ്യക്തമാക്കി. പതിനൊന്നു മാസത്തോളമായി ഇസ്രയേല്‍-ഹമാസ് യുദ്ധം നടക്കുന്ന ഡെയ്ര് ബലാ, ഖാന്‍ യൂനിസ് തുടങ്ങിയ ഗാസയിലെ ആറിടങ്ങളില്‍നിന്നുശേഖരിച്ച മലിനജല സാംപിളുകളില്‍ പോളിയോ വൈറസ് കണ്ടെത്തിയിരുന്നു.

Health245 days ago

ഗസയില്‍ ഇതുവരെ കൊല്ലപ്പെട്ടത് 40005 പേരെന്ന് ആരോഗ്യ മന്ത്രാലയം

ഹമാസിന്റെ നിയന്ത്രണത്തിലുള്ള ആരോഗ്യ മന്ത്രാലയമാണ് ഇക്കാര്യം വ്യക്തമാക്കിയത്. ജനസംഖ്യയുടെ 1.7 ശതമാനം പേര്‍ ഒക്ടോബര്‍ 7ന് ശേഷം കൊല്ലപ്പെട്ടെന്നാണ് കണക്കുകള്‍ പറയുന്നത്. മരിച്ചവരില്‍ ഏറെയും കുഞ്ഞുങ്ങളും വൃദ്ധരും സ്ത്രീകളുമാണെന്നാണ് ആരോഗ്യ മന്ത്രാലയം പറയുന്നത്. വലിയ രീതിയിലുള്ള ആള്‍നാശം ഗസയിലുണ്ടായ പശ്ചാത്തലത്തില്‍ വീണ്ടും വടിനിര്‍ത്തല്‍ ചര്‍ച്ചകള്‍ പുരോഗമിക്കുകയാണ്. CIA ഡയറക്ടര്‍ വില്യം ബേണ്‍സ് അടക്കമുള്ളവര്‍ പങ്കെടുക്കുന്ന വെടിനിര്‍ത്തല്‍ ചര്‍ച്ചകള്‍ ദോഹയില്‍ ആരംഭിച്ചിട്ടുണ്ട്.

World247 days ago

ജാഗ്രത; കൊവിഡ് കേസുകളില്‍ വീണ്ടും വര്‍ധനവെന്ന് WHO

വിവിധ രാജ്യങ്ങളിലായി കഴിഞ്ഞ കുറച്ച് ആഴ്ചകളായി കൊവിഡ് കേസുകളില്‍ വര്‍ധനവ് ഉണ്ടായതായി ലോകാരോഗ്യ സംഘടന. കൊവിഡ് പോസിറ്റീവാകുന്നവരുടെ നിരക്ക് കൂടുന്നതായി WHO അറിയിച്ചു. 84 രാജ്യങ്ങളില്‍ നിന്നുള്ള റിപ്പോര്‍ട്ടുകളില്‍ നിന്നാണ് കൊവിഡ് പോസിറ്റീവാകുന്നവരുടെ എണ്ണം കഴിഞ്ഞ കുറച്ച് ആഴ്ചകളായി കൂടുന്നതായി കണ്ടെത്തിയത്. നിലവില്‍ അമേരിക്ക, യൂറോപ്പ്, വെസ്റ്റേണ്‍ പസഫിക് എന്നിവിടങ്ങളിലാണ് കൊവിഡ് വ്യാപനം കൂടുതലായിട്ടുള്ളത്. അധികം വൈകാതെ കൊവിഡിന്റെ തീവ്രമായ വകഭേദങ്ങള്‍ വന്നേക്കാമെന്നും WHO വ്യക്തമാക്കി.

Health253 days ago