അഫ്ഗാനിസ്ഥാനില്‍ പാകിസ്ഥാന്‍ നടത്തിയ വ്യോമാക്രമണത്തില്‍ 8 പേര്‍ കൊല്ലപ്പെട്ടതായി താലിബാന്‍

ഞായറാഴ്ച്ച പുലര്‍ച്ചെ 3 മണിയോടെ പാകിസ്ഥാന്‍ അതിര്‍ത്തിക്ക് സമീപമുള്ള ഖോസ്ത്, പക്തിക പ്രവിശ്യകളിലെ വീടുകള്‍ക്ക് നേരെ പാകിസ്ഥാന്‍ വ്യോമാക്രമണം നടത്തിയെന്നാണ് താലിബാന്‍ വക്താവ് സബിഹുല്ല മുജാഹിദ് അറിയിച്ചത്. ആക്രമണത്തില്‍ അഞ്ച് സ്ത്രീകളും മൂന്ന് കുട്ടികളും അടക്കം 8 പേര്‍ കൊല്ലപ്പെട്ടു. 2021ല്‍ താലിബാന്‍ സര്‍ക്കാര്‍ അധികാരം പിടിച്ചെടുത്തത് മുതല്‍ പാകിസ്ഥാനും അഫ്ഗാനിസ്ഥാനും തമ്മിലുള്ള അതിര്‍ത്തി സംഘര്‍ഷം രൂക്ഷമായിരുന്നു.

World399 days ago

കോണ്‍ഗ്രസിനും പാകിസ്ഥാനും ഒരേ അജണ്ടയെന്ന് അമിത് ഷാ

ആര്‍ട്ടിക്കള്‍ 370നെ കോണ്‍ഗ്രസും ജമ്മുകശ്മീര്‍ നാഷണല്‍ കോണ്‍ഫറന്‍സും പിന്തുണക്കുന്നതിനെ സംബന്ധിച്ച് പാക് പ്രതിരോധ മന്ത്രിയുടെ പ്രസ്താവന കോണ്‍ഗ്രസിനും പാകിസ്ഥാനും ഒരേ നിലപാട് ആണെന്നാണ് തെളിയിക്കുന്നതെന്ന് അമിത് ഷാ പറഞ്ഞു. കോണ്‍ഗ്രസും-നാഷണല്‍ കോണ്‍ഫറന്‍സും തമ്മിലുളള സഖ്യം അധികാരത്തിലെത്തിയാല്‍ ആര്‍ട്ടിക്കള്‍ 370 പുനസ്ഥാപിക്കാന്‍ സാധ്യതയുണ്ടെന്നായിരുന്നു പാകിസ്ഥാന്‍ പ്രതിരോധമന്ത്രി ഖ്വാജ ആസിഫിന്റെ പരാമര്‍ശം. നരേന്ദ്ര മോദിയുടെ നേതൃത്വത്തിലുള്ള സര്‍ക്കാരാണ് കേന്ദ്രം ഭരിക്കുന്നതെന്ന് കോണ്‍ഗ്രസും പാകിസ്ഥാനും മറന്നു പോയെന്നും അമിത് ഷാ എക്‌സില്‍ കുറിച്ചു.

National214 days ago

അഫ്ഗാനിസ്ഥാനില്‍ പോളിയോ വാക്‌സിനേഷന്‍ നിരോധിച്ച് താലിബാന്‍

സെപ്റ്റംബര്‍ മുതല്‍ അഫ്ഗാനിസ്ഥാനില്‍ പോളിയോ വാക്സിനേഷന്‍ ക്യാമ്പെയിന്‍ ആരംഭിക്കുമെന്ന് UN അറിയിച്ചതിന് പിന്നാലെയാണ് താലിബാന്റെ വിലക്ക്. ഇത് സംബന്ധിച്ച ഔദ്യോഗിക വിവരങ്ങള്‍ UNന് അയച്ചിട്ടുണ്ട്. എന്നാല്‍ പോളിയോ വാക്സിനേഷന് വിലക്കേര്‍പ്പെടുത്തിയതിന് പിന്നിലെ കാരണമൊന്നും താലിബാന്‍ വ്യക്തമാക്കിയിട്ടില്ല. അയല്‍രാജ്യമായ പാകിസ്ഥാനിലും പോളിയോ വാക്‌സിനേഷന്‍ നടത്തുന്ന ആരോഗ്യ പ്രവര്‍ത്തകര്‍ക്ക് നേരെ ആക്രമണങ്ങള്‍ ഉണ്ടെന്നാണ് റിപ്പോര്‍ട്ടുകള്‍.

World216 days ago

പാകിസ്ഥാന്‍ വെടിനിര്‍ത്തല്‍ കരാര്‍ ലംഘിച്ചു; ജമ്മുവില്‍ BSF ജവാന് പരിക്ക്

ജമ്മുവിലെ നിയന്ത്രണരേഖയ്ക്ക് സമീപം പാകിസ്ഥാന്‍ വെടിനിര്‍ത്തല്‍ കരാര്‍ ലംഘിച്ചതിനെ തുടര്‍ന്ന് BSF ജവാന് പരിക്കേറ്റു. പുലര്‍ച്ചെ 2.35 ന് അതിര്‍ത്തിക്കപ്പുറത്ത് അഖ്നൂര്‍ പ്രദേശത്ത് പ്രകോപനമില്ലാതെ വെടിവയ്പ്പ് ഉണ്ടായെന്നും BSF അതിന് തക്കതായ മറുപടി നല്‍കിയെന്നും സൈനിക വൃത്തങ്ങള്‍ അറിയിച്ചു. പാകിസ്ഥാന്‍ ആക്രമണത്തെ തുടര്‍ന്ന് അന്താരാഷ്ട്ര അതിര്‍ത്തിയിലും നിയന്ത്രണരേഖയിലും ഇന്ത്യന്‍ സൈനികര്‍ക്ക് അതീവ ജാഗ്രതാ നിര്‍ദേശം നല്‍കിയിട്ടുണ്ടെന്നും അധികൃതര്‍ അറിയിച്ചു.

National222 days ago

ഭീകരാക്രമണം; ബലൂചിസ്ഥാനില്‍ കൊല്ലപ്പെട്ടവരുടെ എണ്ണം 70 കടന്നു

പാകിസ്ഥാനിലെ ബലൂചിസ്ഥാനില്‍ വിവിധയിടങ്ങളിലായാണ് ഭീകരാക്രമണം നടന്നത്. പാകിസ്ഥാന്റെ തെക്കുപടിഞ്ഞാറന്‍ പ്രവിശ്യയില്‍ വിവിധയിടങ്ങളിലായി നടന്ന ആക്രമണ പരമ്പരയില്‍ പിന്നില്‍ ബലൂച് ലിബറേഷന്‍ ആര്‍മി. പഞ്ചാബില്‍ നിന്നെത്തിയ ബസ് ദേശീയപാതയില്‍ തടഞ്ഞുനിര്‍ത്തി ഐഡന്റിറ്റി കാര്‍ഡ് പരിശോധിച്ച ശേഷം 23 പേരെ വെടിവച്ചുകൊലപ്പെടുത്തുകയായിരുന്നു. തിരിച്ചടിച്ച പാകിസ്ഥാന്‍ സേന 21 തീവ്രവാദികളെ വധിച്ചതായാണ് റിപ്പോര്‍ട്ട്. 14 സുരക്ഷാ ഉദ്യോഗസ്ഥരും ക്ലിയറന്‍സ് ഓപ്പറേഷനില്‍ കൊല്ലപ്പെട്ടിട്ടിട്ടുണ്ട്.

World237 days ago

പാകിസ്ഥാനിൽ ഭീകരാക്രമണം: 39 പേർ കൊല്ലപ്പെട്ടു

പാകിസ്ഥാനിലെ ബലൂചിസ്ഥാനിലെ മുസാഖൈല്‍ ജില്ലയിലെ പഞ്ചാബ്-ബലൂചിസ്താന്‍ ഹൈവേയിലാണ് ഭീകരാക്രമണം ഉണ്ടായത്. ഒരു ബസ് കേന്ദ്രീകരിച്ചാണ് ആക്രമണം ഉണ്ടായത്. ബസ് തടഞ്ഞ് നിർത്തി ആളുകളെ പരിശോധിച്ച ശേഷം തിരഞ്ഞുപിടിച്ച് കൊലപ്പെടുത്തുകയായിരുന്നു എന്നാണ് റിപ്പോര്‍ട്ട്. ഭീകരാക്രമണത്തിൽ 39 പേർ കൊല്ലപ്പെട്ടു. നിരവധിപ്പേർക്ക് പരിക്കേറ്റു. ഭീകരർ ട്രക്കുകളും, വാനുകളും ഉൾപ്പെടെ 10 വാഹനങ്ങൾ തീയിട്ട് നശിപ്പിച്ചുവെന്നും പോലീസ് അറിയിച്ചു. ആക്രമണത്തിൻ്റെ ഉത്തരവാദിത്തം ഇതുവരെ ആരും ഏറ്റെടുത്തിട്ടില്ല.

World238 days ago

പാകിസ്ഥാനിൽ രണ്ട് ബസ് അപകടങ്ങളിലായി 44 പേർ മരിച്ചു

പാകിസ്ഥാനിൽ രണ്ട് വ്യത്യസ്ത ബസ് അപകടങ്ങളിലായി 44 പേർ മരിച്ചു. ബസ് തോട്ടിലേക്ക് മറിഞ്ഞാണ് രണ്ട് അപകടങ്ങളും ഉണ്ടായത്. പഞ്ചാബ് പ്രവിശ്യയുടെയും പാക് അധീന കാശ്മീരിന്റെയും അതിർത്തിയിലുള്ള ആസാദ് പട്ടാണിനിലാണ് ഒരപകടം ഉണ്ടായത്. ഇതിൽ 15 പുരുഷന്മാരും 6 സ്ത്രീകളും ഒരു കുട്ടിയും ഉൾപ്പെടെ 22 പേർ മരിച്ചു. മറ്റൊരപകടം ബലൂചിസ്താനിലെ മക്രാൻ തീരദേശ ഹൈവേയിലാണുണ്ടായത്. 12 തീർത്ഥാടകരാണ് ഈ അപകടത്തിൽ മരിച്ചത്. അർബൈൻ തീർത്ഥാടനതിനായി പോയതാണ് ഇവർ.

World239 days ago

ഇമ്രാന്‍ ഖാന്റെ തെഹരീക് ഇ ഇന്‍സാഫിനെ നിരോധിച്ച് പാക് സര്‍ക്കാര്‍

പാകിസ്ഥാന്‍ മുന്‍ പ്രധാനമന്ത്രിയായിരുന്ന ഇമ്രാന്‍ ഖാന്റെ പാര്‍ട്ടി രാജ്യ വിരുദ്ധ പ്രവര്‍ത്തനങ്ങളില്‍ ഏര്‍പ്പെട്ടിട്ടുണ്ടെന്ന് കണ്ടെത്തിയതിനെ തുടര്‍ന്നാണ് നിരോധിക്കുന്നതെന്ന് വാര്‍ത്താ വിതരണ മന്ത്രി അത്താവുള്ള തരാര്‍ വ്യക്തമാക്കി. പാര്‍ട്ടി രാജ്യ വിരുദ്ധ പ്രവര്‍ത്തനങ്ങളിലേര്‍പ്പെട്ടതിന് വ്യക്തമായ തെളിവുകള്‍ ഉണ്ടെന്നും പാര്‍ട്ടിക്കെതിരെ സര്‍ക്കാര്‍ നടപടികള്‍ സ്വീകരിക്കുമെന്നും അദ്ദേഹം പറഞ്ഞു. 1996ലാണ് ഇമ്രാന്‍ ഖാന്‍ തെഹരീക് ഇ ഇന്‍സാഫ് പാര്‍ട്ടി രൂപീകരിച്ചത്. അതേസമയം രാജ്യവിരുദ്ധ പ്രവര്‍ത്തനങ്ങള്‍ ആരോപിച്ച് ഇമ്രാന്‍ ഖാന്‍ നിലവില്‍ റാവല്‍പിണ്ടിയിലെ അഡിയാല ജയിലിലാണുള്ളത്.

World280 days ago

ചാമ്പ്യന്‍ ട്രോഫിയുടെ ഫിക്ച്ചര്‍ ICCക്ക് കൈമാറി പാകിസ്ഥാന്‍

2025ല്‍ പാകിസ്ഥാനിലെ ലാഹോറിലാണ് ചാമ്പ്യന്‍ ട്രോഫി നടക്കാനിരിക്കുന്നത്. ഗദ്ദാഫി സ്റ്റേഡിയത്തില്‍ ഫെബ്രുവരി 19 മുതല്‍ മാര്‍ച്ച് ഒമ്പത് വരെ ടൂര്‍ണമെന്റ് നടത്തുന്നതടക്കമുള്ള കാര്യങ്ങള്‍ പാകിസ്ഥാന്‍ ക്രിക്കറ്റ് ബോര്‍ഡ് തീരുമാനിച്ചു. മാര്‍ച്ച് ഒന്നിന് പാകിസ്ഥാനും ഇന്ത്യയും തമ്മില്‍ ഏറ്റുമുട്ടും. കനത്ത സുരക്ഷയിലായിരിക്കും മത്സരങ്ങള്‍.

Sports288 days ago

ട്വന്റി 20 ലോകകപ്പ്: അഫ്ഗാനെ തകര്‍ത്ത് ദക്ഷിണാഫ്രിക്ക ഫൈനലില്‍

സെമിഫൈനല്‍ മത്സരത്തില്‍ അഫ്ഗാനിസ്ഥാനെ തോല്‍പ്പിച്ചാണ് ദക്ഷിണാഫ്രിക്ക ഫൈനലില്‍ പ്രവേശിച്ചത്. ടോസ് നേടി ആദ്യം ബാറ്റിങ്ങിനിറങ്ങിയ അഫ്ഗാനെ 56 റണ്‍സിന് ഓള്‍ഔട്ടാക്കിയാണ് ദക്ഷിണാഫ്രിക്ക ലക്ഷ്യം കണ്ടത്. 8.5 ഓവറില്‍ ഒരു വിക്കറ്റ് നഷ്ടത്തില്‍ 60 റണ്‍സ് ആണ് ദക്ഷിണാഫ്രിക്ക സ്വന്തമാക്കിയത്. ലോകകപ്പില്‍ ആദ്യമായാണ് ദക്ഷിണാഫ്രിക്ക ഫൈനലിലെത്തുന്നത്. ഇന്ത്യ-ഇംഗ്ലണ്ട് സെമിഫൈനല്‍ മത്സരത്തിലെ വിജയിയെയാണ് ഫൈനലില്‍ ദക്ഷിണാഫ്രിക്ക നേരിടേണ്ടത്.

Sports298 days ago

ബംഗ്ലാദേശിനെ തകര്‍ത്ത് അഫ്ഗാനിസ്ഥാന്‍ സെമിയില്‍; ഓസ്‌ട്രേലിയ പുറത്ത്

ബംഗ്ലാദേശിനെതിരെ എട്ട് റണ്‍സ് വിജയം സ്വന്തമാക്കിയാണ് അഫ്ഗാനിസ്ഥാന്‍ ആദ്യമായി ട്വന്റി 20 ലോകകപ്പിന്റെ സെമിയിലെത്തുന്നത്. ക്യാപ്റ്റന്‍ റാഷിദ് ഖാന്റെ നേതൃത്വത്തിലുള്ള ബൗളിങ് നിരയാണ് അഫ്ഗാനെ ജയിപ്പിച്ചത്. റാഷിദ് ഖാനും നവീന്‍ ഉള്‍ ഹഖും നാല് വീതം വിക്കറ്റുകള്‍ വീഴ്ത്തി ബംഗ്ലാദേശിനെ പ്രതിരോധത്തിലാക്കുകയായിരുന്നു. ആദ്യം ബാറ്റ് ചെയ്ത അഫ്ഗാനിസ്ഥാന്‍ നിശ്ചിത ഓവറില്‍ അഞ്ച് വിക്കറ്റ് നഷ്ടത്തില്‍ 115 റണ്‍സ് എടുത്തപ്പോള്‍ 17.5 ഓവറില്‍ വെറും 105 റണ്‍സെ ബംഗ്ലാദേശിന് നേടാന്‍ സാധിച്ചുള്ളു. മഴ കാരണം DLS നിയമപ്രകാരം ബംഗ്ലാദേശിന്റെ വിജയലക്ഷ്യം 19 ഓവറില്‍ 113 റണ്‍സ് ആക്കിയിരുന്നു,

Sports300 days ago