ഷാര്‍ജ-മസ്‌കറ്റ് ബസ് സര്‍വീസ് നാളെ ആരംഭിക്കും

ഒമാന്‍ ദേശീയ ഗതാഗത കമ്പനിയായ മുവാസലാത്താണ് ഫെബ്രുവരി 27 മുതല്‍ ഷാര്‍ജ-മസ്‌കറ്റ് ബസ് സര്‍വീസ് ആരംഭിക്കുമെന്ന് അറിയിച്ചത്. ഷാര്‍ജയില്‍ നിന്നും മസ്‌കറ്റില്‍ നിന്നും ഷിനാസ് വഴി പ്രതിദിനം രണ്ട് വീതം നാല് സര്‍വീസുകളാണ് ക്രമീകരിച്ചിട്ടുളളത്. യാത്രക്കാര്‍ക്ക് ചെക്ക് ഇന്‍ ബാഗേജായി 23 കിലോയും ഹാന്‍ഡ് ബാഗേജായി 7 കിലോയും കൊണ്ടുപോകാം.

World301 days ago

ഗസയിൽ ഇസ്രായേലിന്റെ ആക്രമണത്തിൽ ഗുരുതരമായി പരിക്കേറ്റ നൂറോളം പേരെ അബൂദബിയിലെത്തിച്ചു

ഗസയിൽ ഇസ്രായേൽ ആക്രമണത്തിൽ ഗുരുതരമായി പരിക്കേറ്റ കുട്ടികൾ ഉൾപ്പെടെ നൂറോളം പേരെ ചികിത്സയ്ക്കായി അബൂദബിയിലെത്തിച്ചു. ലോകാരോഗ്യ സംഘടനയുമായി സഹകരിച്ചു കൊണ്ടുള്ള രക്ഷാദൗത്യത്തിനാണ് UAE നേതൃത്വം നൽകിയത്. ഇസ്രായേലിലെ റമോൺ വിമാനത്താവളം മുഖേനയാണ് ഇവരെ അബൂദബിയിലെത്തിച്ചത്. UAE യുടെ നേതൃത്വത്തിൽ ഇതു രണ്ടാം തവണയാണ് രോഗികളെയും, പരിക്കേറ്റവരെയും ചികിത്സയ്ക്കായി അബൂദബിയിലെത്തിക്കുന്നത്.

World101 days ago

ഒമാനിൽ നബി ദിന അവധി പ്രഖ്യാപിച്ചു

സെപ്റ്റംബർ 15നാണ് ഒമാനിൽ നബിദിനത്തോട് അനുബന്ധിച്ച് പൊതുഅവധി പ്രഖ്യാപിച്ചിരിക്കുന്നത്. സര്‍ക്കാര്‍, സ്വകാര്യ മേഖലകളിലെ ജീവനക്കാര്‍ക്കും അവധി ബാധകമാണ്. വാരാന്ത്യ അവധി ദിനങ്ങള്‍ ഉള്‍പ്പെടെ തുടര്‍ച്ചയായ മൂന്ന് ദിവസം ഒഴിവ് ലഭിക്കും. അതേസമയം ദേശീയ ദിനത്തോടനുബന്ധിച്ച് സൗദി അറേബ്യയിൽ സെപ്റ്റംബർ 20 വെള്ളിയാഴ്ച മുതൽ സെപ്റ്റംബർ 23 തിങ്കൾ വരെ അവധി പ്രഖ്യാപിച്ചിട്ടുണ്ട്. സെപ്റ്റംബർ 23 തിങ്കളാഴ്ചയാണ് സൗദി ദേശീയ ദിനം.

World106 days ago

വനിത ട്വന്റി 20 ലോകകപ്പിന്റെ വേദി മാറ്റി

വനിത ട്വന്റി 20 ലോകകപ്പ് മത്സരങ്ങള്‍ യുഎഇയില്‍ വച്ചാണ് നടക്കുക. ബംഗ്ലാദേശിലെ ആഭ്യന്തര സംഘര്‍ഷങ്ങളെത്തുടര്‍ന്നാണ് ലോകകപ്പിന്റെ വേദി മാറ്റിയത്. UAEയിലെ ദുബായിലും ഷാര്‍ജയിലുമുള്ള വേദികളിലായി ഒക്‌ടോബര്‍ 3 മുതല്‍ 20 വരെയാണ് ടൂര്‍ണമെന്റ് നടക്കുക. വനിത ട്വന്റി 20 ലോകകപ്പിന്റെ ഒമ്പതാം പതിപ്പാണിത്. ലോകകപ്പ് വേദിയാവാനുള്ള ICCയുടെ നിര്‍ദേശം BCCI നിരസിച്ചിരുന്നു. കാലാവസ്ഥയും അടുത്ത വര്‍ഷം വനിതാ ഏകദിന ലോകകപ്പ് ഇന്ത്യയില്‍ നടക്കാനിരിക്കുന്നതിനാലുമാണ് ICCയുടെ നിര്‍ദേശം BCCI നിരസിച്ചത്.

Sports124 days ago

അപേക്ഷകരുടെ ശമ്പളത്തിന്റെ അടിസ്ഥാനത്തില്‍ ഫാമിലി വിസ അനുവദിക്കാനൊരുങ്ങി UAE

തൊഴില്‍ മേഖല, തസ്തിക എന്നിവ പരിഗണിക്കാതെ തന്നെ 3000 ദിര്‍ഹം (ഏകദേശം 68,000 രൂപ) മാസശമ്പളവും താമസ സൗകര്യവുമുള്ള ആര്‍ക്കും ഇനി കുടുംബത്തെ UAEയിലേക്ക് കൊണ്ടുവരാന്‍ സാധിക്കും. 4000 ദിര്‍ഹം (ഏകദേശം 91,000 രൂപ) ശമ്പളമുള്ളവര്‍ക്ക് താമസ സൗകര്യമുണ്ടെങ്കില്‍ സ്പോണ്‍സറുടെ സഹായമില്ലാതെ കുടുംബത്തെ കൊണ്ടുവരാവുന്നതാണ്. ഉദ്യോഗസ്ഥര്‍ക്കും സംരംഭകര്‍ക്കും ഫാമിലി വിസയ്ക്ക് അപേക്ഷിക്കാന്‍ അനുമതിയുണ്ട്.Read More

World126 days ago

ബംഗ്ലാദേശ് ആഭ്യന്തര കലാപം: UAEൽ തെരുവിലിറങ്ങി പ്രതിഷേധിച്ചവർക്കെതിരെ ശക്തമായ നടപടിയെടുത്ത് UAE

ബംഗ്ലാദേശിലെ ആഭ്യന്തര പ്രശ്നങ്ങളുടെ പേരിൽ UAEൽ തെരുവിലിറങ്ങി പ്രതിഷേധിച്ച സംഭവത്തിൽ മൂന്ന് ബംഗ്ലാദേശ് പൗരന്മാർക്ക് ജീവപര്യന്തം തടവും 54 പേർക്ക് ജയിൽ ശിക്ഷയും അബുദാബി ഫെഡറൽ അപ്പീൽ കോടതി വിധിച്ചു. ശിക്ഷാ കാലാവധിക്ക് ശേഷം ഇവരെ നാടുകടത്തും. 53 പേർക്ക് 10 വർഷം തടവും നാടുകടത്തലും ഒരാൾക്ക് 11 വർഷം തടവും നാടുകടത്തലുമാണ് ശിക്ഷ. കഴിഞ്ഞ വെള്ളിയാഴ്ചയാണ് ബംഗ്ലാദേശിൽ നടക്കുന്ന വിദ്യാർത്ഥി പ്രക്ഷോഭത്തിന് ഐക്യദാർഢ്യം പ്രഖ്യാപിച്ച് ബംഗ്ലാദേശി പ്രവാസികൾ UAEലെ വിവിധ ഇടങ്ങളിൽ പ്രതിഷേധ പ്രകടനം നടത്തിയത്. പോലീസ് സ്ഥലത്തെത്തി ഇവരെ പിടികൂടുകയായിരുന്നു.

World154 days ago

ഒമാന്‍ തീരത്ത് ഓയില്‍ ടാങ്കര്‍ മറിഞ്ഞു; 13 ഇന്ത്യക്കാരുള്‍പ്പെടെ 16 ജീവനക്കാര കാണാതായി

ഒമാനി തുറമുഖമായ ദുക്മിന് സമീപം റാസ് മദ്രാക്കയില്‍ നിന്ന് 25 നോട്ടിക്കല്‍ മൈല്‍ തെക്കുകിഴക്കായാണ് എണ്ണക്കപ്പല്‍ മറിഞ്ഞത്. കാണാതായ 16 ജീവനക്കാര്‍ക്കായി തിരച്ചില്‍ ശക്തമാക്കി. രക്ഷാപ്രവര്‍ത്തനം തുടരുകയാണ്. കൊമോറോസിന്റെ എണ്ണക്കപ്പലായ പ്രസ്റ്റീജ് ഫാല്‍ക്കണ്‍ ആണ് മറിഞ്ഞത്. 13 ഇന്ത്യക്കാരും മൂന്ന് ശ്രീലങ്കക്കാരുമാണ് കപ്പലില്‍ ഉണ്ടായിരുന്നത്. യെമനിലെ ഏദന്‍ തുറമുഖത്തേക്ക് പോവുകയായിരുന്ന ടാങ്കറായിരുന്നുവെന്നാണ് LSEGയുടെ ഷിപ്പിംഗ് ഡാറ്റയില്‍ നിന്ന് മനസിലാകുന്നത്.

World160 days ago

ഒമാനിൽ മോസ്‌ക്കിന് സമീപം വെടിവെയ്പ്പ്: 4 പേർ കൊല്ലപ്പെട്ടു

ഒമാൻ തലസ്ഥാനമായ മസ്കറ്റിലെ അൽ-വാദി-അൽ-കബീർ മേഖലയിലുള്ള പള്ളിക്ക് സമീപമാണ് വെടിവെയ്പ്പ് ഉണ്ടായത്. വെടിവെയ്പ്പിൽ നാല് പേർ കൊല്ലപ്പെടുകയും നിരവധി പേർക്ക് പരിക്കേൽക്കുകയും ചെയ്തു. ആക്രമണത്തിന് പിന്നിൽ ആരാണെന്നും അതിലേക്ക് നയിച്ച കാരണങ്ങൾ എന്താണെന്നത് സംബന്ധിച്ചും വിവരങ്ങൾ ലഭിച്ചിട്ടില്ല. സംഭവത്തിൽ റോയൽ ഒമാൻ പോലീസ് അന്വേഷണം ആരംഭിച്ചു.

World160 days ago

UAEയില്‍ കനത്ത ചൂട് ; താപനില 50 ഡിഗ്രിയ്ക്ക് മുകളില്‍

UAEയില്‍ താപനില കുതിച്ചുയരുന്നു. അബുദാബിയിലെ അല്‍-ഐന്‍ നഗരത്തിലെ സ്വീഹാനില്‍ ഇന്നലെ 50.8 ഡിഗ്രി സെല്‍ഷ്യസ് താപനില രേഖപ്പെടുത്തി. ഈ വര്‍ഷം രേഖപ്പെടുത്തിയ ഏറ്റവും ഉയര്‍ന്ന താപനിലയാണിത്. അറേബ്യന്‍ ഉപദ്വീപിനെ ബാധിക്കുന്ന ഉഷ്ണതരംഗം UAEയിലേക്ക് നീങ്ങിയിട്ടുണ്ടെന്നും തന്മൂലം മരുഭൂമിയിലും ഉള്‍നാടന്‍ തീരപ്രദേശങ്ങളിലും രണ്ട് മുതല്‍ മൂന്ന് ഡിഗ്രി വരെ താപനില ഉയരാമെന്നും ഇത് 5 ദിവസത്തേക്ക് തുടരാമെന്നും ദേശീയ കാലാവസ്ഥ കേന്ദ്രം അറിയിച്ചു.

World166 days ago

QR കോഡ് അധിഷ്ഠിത UPI പണമിടപാടുകള്‍ ഇനി UAEയിലും

മധ്യേഷ്യയിലും ആഫ്രിക്കയിലും ഡിജിറ്റല്‍ പണമിടപാട് സേവനങ്ങള്‍ എത്തിക്കുന്ന നെറ്റ് വര്‍ക്ക് ഇന്റര്‍നാഷണല്‍ എന്ന കമ്പനിയുമായി സഹകരിച്ചാണ് ഇത് സാധ്യമാക്കിയത്. NPCI ഇന്റര്‍നാഷണല്‍ പേമെന്റ്സ് ലിമിറ്റഡാണ് ഇക്കാര്യം അറിയിച്ചത്. രണ്ട് ലക്ഷത്തോളം POS ടെര്‍മിനലുകളില്‍ ഇനി UPI ഇടപാടുകള്‍ നടത്താനാവും. ഇതുവഴി ഇന്ത്യന്‍ വിനോദ സഞ്ചാരികള്‍ക്കും പ്രവാസികള്‍ക്കും UAEയില്‍ QR കോഡ് സ്‌കാന്‍ ചെയ്ത് പണം നല്‍കാനാവും.

Business172 days ago

UAE ഉള്‍പ്പെടെയുള്ള മേഖലയിലെ ചൂട് ഇനിയും ഉയരും

തെക്കുകിഴക്കന്‍ കാറ്റ്, ഇന്ത്യയിലെ ന്യൂനമര്‍ദം എന്നിവ ചൂട് ഇനിയും ഉയരാന്‍ കാരണമാകുമെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. പൊടിക്കാറ്റിന്റെ ശക്തിയും വര്‍ധിച്ചേക്കും. പുലര്‍ച്ചെ മൂടല്‍മഞ്ഞും അനുഭവപ്പെടും. എന്നാല്‍ ചിലയിടങ്ങളില്‍ മഴ ലഭിക്കുമെന്നും നിഗമനമുണ്ട്. ഈ സാഹചര്യത്തില്‍ രാവിലെ 10നും വൈകിട്ട് 4നും ഇടയ്ക്കുള്ള സമയങ്ങളില്‍ പുറത്തിറങ്ങുന്നവര്‍ മതിയായ മുന്‍കരുതല്‍ എടുക്കണമെന്ന് ആരോഗ്യവിദഗ്ധര്‍ അറിയിച്ചു.

Weather172 days ago