ബ്രിട്ടീഷ് മോട്ടോര്‍സൈക്കിള്‍ ബ്രാന്‍ഡായ ട്രയംഫുമായി സഹകരിച്ചാണ് ബജാജ് ഓട്ടോ രണ്ട് പുതിയ മോഡലുകള്‍ അ്‌വതരിപ്പിച്ചിരിക്കുന്നത്. ട്രയംഫ് സ്പീഡ് T4, MY25 സ്പീഡ് 400 എന്നി രണ്ടു മോഡലുകളുടെ ഡെലിവറി ഈ മാസം അവസാനം ആരംഭിക്കുമെന്നാണ് റിപ്പോര്‍ട്ട്. ട്രയംഫ് സ്പീഡ് T4ന് 2.17 ലക്ഷം രൂപയും MY25 സ്പീഡ് 400ന് 2.40 ലക്ഷം രൂപയുമാണ് എക്സ് ഷോറൂം വില. ട്രയംഫ് സ്പീഡ് T4 മണിക്കൂറില്‍ പരമാവധി 135 കിലോമീറ്റര്‍ വേഗമാണ് അവകാശപ്പെടുന്നത്. സമ്പൂര്‍ണ LED ലൈറ്റിങ് സിസ്റ്റം, അനലോഗ്-ഡിജിറ്റല്‍ ഡിസ്പ്ലേ, ബ്ലൂടൂത്ത് കണക്റ്റിവിറ്റി, ട്രാക്ഷന്‍ കണ്‍ട്രോള്‍ എന്നിവയാണ് MY25 സ്പീഡ് 400ന്റെ പ്രത്യേകതകള്‍.
Related News
ബജാജ് ബൈക്കുകള്‍ ഇനി ഫ്ലിപ്കാർട്ടില്‍ വാങ്ങാം
ഇന്ത്യന്‍ ഇ-കൊമേഴ്സ് ഭീമനായ ഫ്ലിപ്കാര്‍ട്ടുമായുളള സഹകരണം പ്രഖ്യാപിച്ച് ബജാജ് ഓട്ടോ. എല്ലാ ബജാജ് ബൈക്കുകളും ഇനിമുതല്‍ ഫ്ലിപ്കാര്‍ട്ടില്‍ ലഭ്യമാകുമെന്ന് കമ്പനി അറിയിച്ചു. ആദ്യഘട്ടത്തില്‍ ഇന്ത്യയിലെ 25 നഗരങ്ങളില്‍ മാത്രം ലഭ്യമാകുന്ന സേവനം കാലക്രമേണ രാജ്യവ്യാപകമാക്കാനാണ് കമ്പനി പദ്ധിയിടുന്നത്. ലോഞ്ചിന്റെ ഭാഗമായി ഉപഭോക്താക്കള്‍ക്ക് 5,000 രൂപ വരെ കിഴിവ്, 12 മാസത്തെ നോ-കോസ്റ്റ് EMI തുടങ്ങിയ ഓഫറുകള്‍ പരിമിത കാലയളവിലേക്ക് കമ്പനി വാഗ്ദാനം ചെയ്യുന്നുണ്ട്.
ലോകത്തിലെ ആദ്യ CNG ബൈക്കുമായി ബജാജ്
ഫ്രീഡം 125 എന്ന് പേരിട്ടിരിക്കുന്ന ബൈക്കിന്റെ വില 95000 രൂപ മുതല്‍ 1.10 ലക്ഷം രൂപ വരെയായിരിക്കും.125 CC എന്‍ജിന്‍ ഉപയോഗിക്കുന്ന വാഹനത്തിന് 9.5 HP കരുത്തും 9.7 NM ടോര്‍ക്കുമുണ്ട്. പെട്രോളിലും CNGയിലും വാഹനം ഉപയോഗിക്കാം എന്നതാണ് ഇതിന്റെ പ്രത്യേകത. ഡ്രൈവിങ്ങിനിടയില്‍ തന്നെ പെട്രോളിലേക്കും CNGയിലേക്കും സ്വിച്ച് ചെയ്യാം. പെട്രോള്‍ ടാങ്കിന് 2 ലിറ്റര്‍ കപ്പാസിറ്റിയും CNG ടാങ്കിന് 18 കിലോഗ്രാം കപ്പാസിറ്റിയുമാണുള്ളത്.
ബജാജിന്റെ CNG ബൈക്ക് ജൂലൈ 17ന് പുറത്തിറക്കും
CNG യിലും പെട്രോളിലും ഒരുപോലെ പ്രവർത്തിക്കുന്ന ബൈക്ക് ജൂലൈ 17ന് ഇന്ത്യൻ വിപണിയിൽ അവതരിപ്പിക്കുമെന്ന് ബജാജ് അറിയിച്ചു. CNG, പെട്രോൾ എന്നിങ്ങനെ രണ്ട് ഇന്ധനങ്ങളിലും പ്രവർത്തിക്കാൻ കഴിയുന്ന രാജ്യത്തെ ആദ്യ ബൈക്കാണിത്. CNG നിറയ്ക്കാൻ എടുക്കുന്ന സമയം മെട്രോ നഗരങ്ങളിൽ ബുദ്ധിമുട്ട് സൃഷ്ടിച്ചേക്കാം എന്നതിനാലാണ് പെട്രോളിൽ പ്രവർത്തിക്കുന്നതിനായുള്ള സംവിധാനവും ഇതിലൊരുക്കിയിരിക്കുന്നത്. ഏകദേശം 80,000 രൂപയാണ് ഈ 125cc ബൈക്കിന്റെ എക്‌സ്‌ഷോറൂം വില പ്രതീക്ഷിക്കുന്നത്.
ലോകത്തിലെ ആദ്യ CNG ബൈക്ക് പുറത്തിറക്കാനൊരുങ്ങി ബജാജ്
കുറച്ച് കാലമായി CNG യിൽ പ്രവർത്തിക്കുന്ന മോട്ടോർസൈക്കിളിന്‍റെ പണിപ്പുരയിലായിരുന്ന ബജാജ് ഇപ്പോഴിതാ അതിന്റെ ലോഞ്ച് സംബന്ധിച്ച കൂടുതൽ വിവരങ്ങൾ അറിയിച്ചിരിക്കുകയാണ്. 2024 ജൂൺ 18-ന് ലോകത്തിലെ ആദ്യത്തെ CNG മോട്ടോർസൈക്കിൾ അവതരിപ്പിക്കുമെന്ന് ബജാജ് അറിയിച്ചു. CNG ബൈക്കിൻ്റെ ഔദ്യോഗിക നാമം ഇതുവരെ വെളിപ്പെടുത്തിയിട്ടില്ല.
ലോകത്തെ ആദ്യ CNG ബൈക്ക് നിരത്തിലെത്തിക്കാന്‍ ഒരുങ്ങി ബജാജ് ഓട്ടോ
വാഹനം 2024 ജൂണില്‍ പുറത്തിറക്കുമെന്നാണ് ബജാജ് ഓട്ടോ മാനേജിങ് ഡയറക്ടര്‍ രാജീവ് ബജാജ് പറഞ്ഞത്. CNGയില്‍ ഓടുന്ന ബൈക്കില്‍ മലിനീകരണവും ഇന്ധനച്ചെലവും കുറവായിരിക്കും. ബൈക്കില്‍ CNG ടാങ്ക് തയ്യാറാക്കുന്നത് വലിയ വെല്ലുവിളിയായതിനാല്‍ ഉത്പാദനച്ചെലവും കൂടുതലാണ്. അതിനാല്‍ ഈ വാഹനത്തിന് പെട്രോള്‍ ബൈക്കിനെക്കാള്‍ വില കൂടുതലായിരിക്കും.
