പാരാലിമ്പിക്സ്: ബാഡ്മിന്റണില്‍ സ്വര്‍ണനേട്ടവുമായി നിതേഷ് കുമാര്‍

പാരിസ് പാരാലിമ്പിക്സില്‍ വീണ്ടും സ്വര്‍ണ നേട്ടവുമായി ഇന്ത്യ. പുരുഷ സിംഗിള്‍സില്‍ ഇന്ത്യയുടെ നിതേഷ് കുമാര്‍ സ്വര്‍ണ മെഡല്‍ നേടി. പാരാലിമ്പിക്സ് ബാഡ്മിന്റണില്‍ ഇതാദ്യമായാണ് ഇന്ത്യ സ്വര്‍ണം നേടുന്നത്. നേരത്തെ ഡിസ്‌കസ് ത്രോ താരം യോഗേഷ് കത്തൂനിയ ഇന്ത്യയ്ക്കായി വെള്ളി മെഡല്‍ സ്വന്തമാക്കിയിരുന്നു. ടോക്യോയിലും യോഗേഷ് വെള്ളി നേടിയിരുന്നു.

Sports113 days ago

പാരാലിമ്പിക്‌സ്: ഹൈജമ്പിൽ ഇന്ത്യയ്ക്ക് സ്വർണം

പാരീസ് പാരാലിമ്പിക്‌സില്‍ ആറാം സ്വര്‍ണവുമായി ഇന്ത്യയുടെ കുതിപ്പ്. ഹൈജമ്പില്‍ പ്രവീണ്‍ കുമാറാണ് ഏഷ്യൻ റെക്കോർഡോടെ ഇന്ത്യക്കായി സ്വര്‍ണം സ്വന്തമാക്കിയത്. പുരുഷന്‍മാരുടെ ഹൈജമ്പ് ടി64 വിഭാഗത്തില്‍ 2.08 മീറ്റര്‍ ഉയരത്തില്‍ ചാടിയാണ് താരം സ്വര്‍ണമണിഞ്ഞത്. മാരിയപ്പന്‍ തങ്കവേലുവിന് ശേഷം പാരാലിമ്പിക്‌സ് ജമ്പിങ് ഇനത്തില്‍ സ്വര്‍ണ മെഡല്‍ നേടുന്ന രണ്ടാമത്തെ ഇന്ത്യന്‍ താരമാണ് 21കാരനായ പ്രവീണ്‍. ടോക്യോ പാരാലിമ്പിക്‌സിലും നോയിഡ സ്വദേശിയായ പ്രവീണ്‍ വെള്ളി മെഡല്‍ കരസ്ഥമാക്കിയിരുന്നു. ആറ് സ്വര്‍ണവും ഒമ്പത് വെള്ളിയും 11 വെങ്കലവുമടക്കം 26 മെഡലുകളാണ് പാരീസ് പാരാലിമ്പിക്‌സില്‍ ഇന്ത്യയുടെ ഇതുവരെയുള്ള നേട്ടം.

Sports109 days ago

പാരാലിംപിക്‌സ്: ക്ലബ് ത്രോയില്‍ സ്വര്‍ണവും വെള്ളിയും നേടി ഇന്ത്യ

പാരിസ് പാരാലിംപിക്‌സില്‍ മെഡല്‍ വേട്ട തുടര്‍ന്ന് ഇന്ത്യ. പുരുഷ വിഭാഗം ക്ലബ് ത്രോയില്‍ (എഫ്51) ഇന്ത്യയുടെ ധരംബീര്‍ നായിന്‍ സ്വര്‍ണവും പ്രണവ് സൂര്‍മ വെള്ളിയും നേടി. ഇതോടെ ആകെ 24 മെഡലുമായി ഇന്ത്യ പോയിന്റ് പട്ടികയില്‍ 13 ആം സ്ഥാനത്തെത്തി. നേരത്തെ ആര്‍ച്ചറിയില്‍ പുരുഷന്‍മാരുടെ വ്യക്തിഗത റികര്‍വ് ഓപ്പണ്‍ വിഭാഗത്തില്‍ ഹരിയാന സ്വദേശി ഹര്‍വീന്ദര്‍ സിങ്ങും സ്വര്‍ണം നേടിയിരുന്നു. പാരാലിംപിക്‌സ് ആര്‍ച്ചറിയില്‍ സ്വര്‍ണം നേടുന്ന ആദ്യ ഇന്ത്യന്‍ താരമെന്ന റെക്കോര്‍ഡും സിങ് സ്വന്തമാക്കി.

Sports110 days ago

പാരാലിംപിക്‌സ്: ഷോട്ട്പുട്ടില്‍ വെള്ളി നേടി ഇന്ത്യയുടെ സച്ചിന്‍ ഖിലാരി

പാരാലിംപിക്‌സ് പുരുഷവിഭാഗം ഷോട്ട്പുട്ടില്‍ വെള്ളി മെഡല്‍ നേടി ഇന്ത്യന്‍ താരം സച്ചിന്‍ ഖിലാരി. പുരുഷവിഭാഗം എഫ്46 വിഭാഗത്തില്‍ 16.32 മീറ്റര്‍ ദൂരം എറിഞ്ഞാണ് സച്ചിന്റെ മെഡല്‍ നേട്ടം. ഇതോടെ പാരിസ് പാരാലിംപിക്‌സില്‍ ഇന്ത്യയുടെ മെഡല്‍ നേട്ടം 21 ആയി ഉയര്‍ന്നു. ഇന്ന് നടന്ന മറ്റ് മത്സരങ്ങളില്‍ ജാവലിന്‍ ത്രോയില്‍ ഇന്ത്യയുടെ അജീത്ത് സിംഗ് വെള്ളിയും സുന്ദര്‍ സിംഗ് വെങ്കലവും നേടിയപ്പോള്‍ ഹൈ ജംപില്‍ ഇന്ത്യയുടെ ശരത് കുമാര്‍ വെളളിയും മാരിയപ്പന്‍ തങ്കവേലു വെങ്കലവും സ്വന്തമാക്കിയിരുന്നു.

Sports111 days ago

പാരാലിംപിക്‌സ്: ഷൂട്ടിങ്ങില്‍ ഇന്ത്യക്ക് സ്വര്‍ണം

പാരീസ് പാരാലിംപിക്‌സില്‍ സുവര്‍ണ നേട്ടവുമായി ഇന്ത്യ. വനിതകളുടെ 10 മീറ്റര്‍ എയര്‍ റൈഫിള്‍ SH1 ഇനത്തില്‍ ഇന്ത്യയുടെ അവനി ലെഖാര സ്വര്‍ണവും മോണ അഗര്‍വാള്‍ വെങ്കലവും നേടി. 2020 ലെ ടോക്കിയോ പാരാലിംപിക്‌സിലും ഇതേയിനത്തില്‍ അവനി സ്വര്‍ണം നേടിയിരുന്നു. ഇതോടെ പാരാലിംപിക്‌സില്‍ രണ്ട് സ്വര്‍ണം നേടുന്ന ആദ്യ ഇന്ത്യന്‍ വനിതയായി അവനി മാറി.

Sports116 days ago

ജപ്പാന്റെ മുന്‍ ബാഡ്മിന്റണ്‍ ലോകചാമ്പ്യന്‍ കെന്റോ മൊമോട്ട വിരമിക്കല്‍ പ്രഖ്യാപിച്ചു

2018, 2019 വര്‍ഷങ്ങളിലെ ലോക ചാമ്പ്യന്‍ഷിപ്പ് നേടിയിട്ടുളള കെന്റോ 2019 ല്‍ മാത്രം 11 ടൂര്‍ണമെന്റുകളിലാണ് ജയം കൈപ്പിടില്‍ ഒതുക്കിയത്. 2020 ജനുവരി 13 ന് മലേഷ്യന്‍ മാസ്റ്റേഴ്‌സ് ടൂര്‍ണമെന്റ് ജയിച്ച ശേഷം ക്വലാലംപുര്‍ വിമാനത്താവളത്തിലേക്ക് പോകുമ്പോള്‍ മൊമോട്ട സഞ്ചരിച്ചിരുന്ന വാന്‍ അപകടത്തില്‍പ്പെട്ട് താരത്തിന് ഗുരുതര പരിക്കേറ്റിരുന്നു. ചൈനയിലെ ചെങ്ഡുവില്‍ ഏപ്രില്‍ 27 മുതല്‍ നടക്കുന്ന തോമസ് ആന്‍ഡ് യൂബര്‍ കപ്പിന് ശേഷം വിരമിക്കുമെന്ന് കെന്റോ മൊമോട്ട പറഞ്ഞു.

Sports250 days ago

ബാഡ്മിന്റൺ ഏഷ്യൻ ചാമ്പ്യൻഷിപ്പ്; ഇന്ത്യൻ വനിതകൾ ഫൈനലിൽ

സെമിഫൈനലിൽ ജപ്പാനെ പരാജയപ്പെടുത്തിയാണ് ഇന്ത്യൻ വനിതകൾ ചരിത്രത്തിൽ ആദ്യമായി ഏഷ്യൻ ചാമ്പ്യൻഷിപ്പ് ഫൈനലിൽ എത്തുന്നത്. രണ്ടിനെതിരെ മൂന്ന് ഗെയിമുകൾക്കാണ് ഇന്ത്യയുടെ വിജയം. ട്രീസ ജോളി-ഗായത്രി ഗോപിചന്ദ് സഖ്യം, അഷ്മിത ചലിഹ, അൻമോൽ ഖർബ് എന്നിവരാണ് ഇന്ത്യക്ക് വിജയം സമ്മാനിച്ചത്. ഫൈനലിൽ ഇന്ത്യ തായ്‌ലൻഡിനെ നേരിടും.

Sports311 days ago

മലേഷ്യന്‍ ഓപ്പണ്‍ ഫൈനലില്‍ ചിരാഗ് ഷെട്ടി സഖ്യം പൊരുതി തോറ്റു

പുരുഷ ഡബിള്‍സ് ജോഡികളായ സാത്വിക്‌സായ്‌രാജ് - ചിരാഗ് ഷെട്ടി സഖ്യം ലോക ഒന്നാം നമ്പര്‍ സഖ്യമായ ചൈനയുടെ ലിയാങ് വെയ് കെങ് - വാങ് ചാങ് കൂട്ടുകെട്ടിനെയാണ് നേരിട്ടത്. ആദ്യഗെയിം 21-9 എന്ന സ്‌കോറില്‍ ചിരാഗ് സഖ്യം നേടിയെങ്കിലും ചൈനീസ് ജോഡി 21-18, 21-17 എന്ന സ്‌കോറിന് തുടര്‍ന്നുളള രണ്ട് ഗെയിമുകളും സ്വന്തമാക്കി ചാമ്പ്യന്‍ഷിപ്പ് നേടി.

Sports345 days ago