ബംഗ്ലാദേശ് സംഘര്‍ഷം; 205 ഇന്ത്യക്കാരെ ഡല്‍ഹിയിലെത്തിച്ചു

ആഭ്യന്തര കലാപം രൂക്ഷമായ ബംഗ്ലാദേശില്‍ നിന്ന് 6 കുഞ്ഞുങ്ങളടക്കം 205 ഇന്ത്യക്കാരെ ഡല്‍ഹിയിലെത്തിച്ചു. ധാക്കയില്‍ നിന്ന് എയര്‍ഇന്ത്യയുടെ പ്രത്യേക വിമാനത്തിലാണ് ഇവരെ നാട്ടിലെത്തിച്ചത്. ഇന്ന് മുതല്‍ ഡല്‍ഹിയില്‍ നിന്ന് ധാക്കയിലേക്ക് രണ്ട് പ്രതിദിന വിമാന സര്‍വീസുകളും എയര്‍ഇന്ത്യ ആരംഭിക്കും. അതേസമയം പ്രധാനമന്ത്രി ഷെയ്ഖ് ഹസീന രാജിവെച്ചതിന് ശേഷവും രാജ്യത്ത് കലാപം തുടരുകയാണ്. ബംഗ്ലാദേശിലെ ജഷോറില്‍ പ്രതിഷേധക്കാര്‍ സബീര്‍ ഇന്റര്‍നാഷണല്‍ ഹോട്ടലിന് തീയിട്ടതിനെ തുടര്‍ന്ന് 24 പേര്‍ കൊല്ലപ്പെടുകയും 150 ലധികം പേര്‍ക്ക് പരിക്കേല്‍ക്കുകയും ചെയ്തു.

National139 days ago

ഇന്ത്യ – ബംഗ്ലാദേശ് മത്സരം നടത്താന്‍ അനുവദിക്കില്ലെന്ന് ഹിന്ദു മഹാസഭ

ഇന്ത്യ - ബംഗ്ലാദേശ് ടി20 മത്സരം നടക്കുന്ന ഒക്ടോബര്‍ ആറാം തീയതി ഹിന്ദു മഹാസഭ മധ്യപ്രദേശിലെ ഗ്വാളിയറില്‍ ബന്ദിന് ആഹ്വാനം ചെയ്തു. ബംഗ്ലാദേശില്‍ ഹിന്ദുക്കള്‍ക്കെതിരായ അതിക്രമങ്ങളില്‍ പ്രതിഷേധിച്ചാണ് തീരുമാനം. മത്സരം നടത്താന്‍ അനുവദിക്കില്ലെന്നും ബംഗ്ലാദേശ് ടീം ഗ്വാളിയറില്‍ കളിക്കാന്‍ എത്തുമ്പോൾ പ്രതിഷേധിക്കുമെന്നും സംഘടനയുടെ ദേശീയ വൈസ് പ്രസിഡന്റ് ജയ്‌വീര്‍ ഭരദ്വാജ് പറഞ്ഞു. ബംഗ്ലാദേശില്‍ ഹിന്ദുക്കള്‍ പീഡിപ്പിക്കപ്പെടുകയാണെന്നും ക്ഷേത്രങ്ങള്‍ നശിപ്പിക്കപ്പെടുകയാണെന്നും ജയ്‌വീര്‍ ഭരദ്വാജ് ആരോപിച്ചു. അതേസമയം ബന്ദിന്റെയന്ന് അശ്യസർവീസുകൾക്ക് തടസമുണ്ടാകില്ലെന്ന് ഹിന്ദു മഹാസഭ അറിയിച്ചു.

National90 days ago

ദുർഗ പൂജ: ഇന്ത്യയിലേക്ക് 3000 ടൺ ഹിൽസ മത്സ്യം അയയ്ക്കാൻ ബംഗ്ലാദേശ് സർക്കാർ അനുമതി നൽകി

ദുർഗ പൂജ സമയത്ത് ഹിൽസ മത്സ്യത്തിനുള്ള ഉയർന്ന ആവശ്യകത കണക്കിലെടുത്ത് ഇന്ത്യയിലേക്ക് 3000 ടൺ ഹിൽസ മത്സ്യം കയറ്റി അയയ്ക്കുന്നതിന് ബംഗ്ലദേശ് സർക്കാർ അനുമതി നൽകി. ദുർഗ പൂജയ്ക്ക് മുന്നോടിയായി ഹിൽസ മത്സ്യം കയറ്റി അയയ്ക്കുന്നതിന് ബംഗ്ലദേശ് നിരോധനം ഏർപ്പെടുത്തിയത് ചർച്ചയായിരുന്നു. ബംഗ്ലദേശിലെ സാധാരണ ജനങ്ങൾക്ക് കുറ‍ഞ്ഞ വിലയ്ക്ക് മത്സ്യം ലഭ്യമാകുന്നില്ലെന്ന് ചൂണ്ടിക്കാട്ടിയായിരുന്നു നടപടി.

World93 days ago

ഇന്ത്യയിലേക്ക് ഹില്‍സ മത്സ്യക്കയറ്റുമതി നിരോധിച്ച് ബംഗ്ലാദേശ്

ദുര്‍ഗാപൂജ ആഘോഷങ്ങള്‍ അടുത്തതിനെ തുടര്‍ന്നാണ് ഇന്ത്യയിലേക്കുള്ള ഹില്‍സ മത്സ്യക്കയറ്റുമതിക്ക് ബംഗ്ലാദേശ് സര്‍ക്കാര്‍ നിരോധനം ഏര്‍പ്പെടുത്തിയിരിക്കുന്നത്. ദുര്‍ഗ പൂജയുള്‍പ്പെടെയുള്ള ആഘോഷവേളകളിലെ വിശിഷ്ട വിഭവങ്ങളിലൊന്നാണ് ഹില്‍സ മത്സ്യം. അതിനാല്‍ പ്രാദേശിക ഉപഭോക്താക്കള്‍ക്ക് വേണ്ടത്ര മത്സ്യലഭ്യത ഉറപ്പുവരുത്താന്‍ വേണ്ടിയാണ് ദുര്‍ഗാപൂജ സമയത്ത് ഇന്ത്യയിലേക്കുള്ള ഇലിഷ് അഥവാ പദ്മ ഹില്‍സ കയറ്റുമതി നിര്‍ത്തിവെയ്ക്കാന്‍ വാണിജ്യ മന്ത്രാലയത്തിന് നിര്‍ദേശം നല്‍കിയിരിക്കുന്നത്.

National105 days ago

അമേരിക്കയിലെ വാഹനാപകടത്തില്‍ നാല് ഇന്ത്യക്കാര്‍ക്ക് ദാരുണാന്ത്യം

ടെക്‌സാസിലുണ്ടായ വാഹനാപകടത്തില്‍ ഒരു യുവതി അടക്കം നാല് ഇന്ത്യാക്കാരാണ് മരിച്ചത്. ഒരു കാര്‍പൂളിംഗ് ആപ്പ് വഴി ഒരുമിച്ച് യാത്ര ചെയ്യവെയാണ് അപകടം സംഭവിച്ചത്. അര്‍ക്കന്‍സാസിലെ ബെന്റണ്‍വില്ലിലേക്കുള്ള യാത്രാമധ്യേയാണ് അപകടം ഉണ്ടായത്. ആര്യന്‍ രഘുനാഥ്, ഫാറൂഖ് ഷെയ്ക്ക്, ലോകേഷ് പാലച്ചാര്‍ള, ദര്‍ശിനി വാസുദേവന്‍ എന്നിവരാണ് മരിച്ചത്. ഇവര്‍ സഞ്ചരിച്ചിരുന്ന SUVയില്‍ തീപിടിക്കുകയായിരുന്നു. ആര്യന്‍ രഘുനാഥും ഫാറൂഖ് ഷെയ്ക്കും ഹൈദരാബാദ് സ്വദേശികളാണ്. ദര്‍ശിനി വാസുദേവന്‍ തമിഴ്നാട് സ്വദേശിയാണ്.

National111 days ago

വിസ്താര വിമാനങ്ങള്‍ എയര്‍ ഇന്ത്യയുമായി ലയിക്കുന്നു

വിമാനക്കമ്പനികളായ എയര്‍ ഇന്ത്യയും വിസ്താരയും തമ്മിലെ ലയനം നവംബര്‍ 12ഓടെ പൂര്‍ത്തിയാകുമെന്ന് റിപ്പോര്‍ട്ട്. നവംബര്‍ 12ന് ശേഷം വിസ്താരയുടെ മുഴുവന്‍ വിമാനങ്ങളുടെയും ബുക്കിങ് എയര്‍ ഇന്ത്യ വെബ്സൈറ്റ് വഴിയാകും നടത്തുക. ലയനത്തിന്റെ ഭാഗമായുള്ള വിദേശ നിക്ഷേപത്തിന് (FDI) കേന്ദ്രസര്‍ക്കാരിന്റെ അനുമതി ലഭിച്ചുവെന്ന് സിംഗപ്പൂര്‍ എയര്‍ലൈന്‍സ് അറിയിച്ചു. ലയനം ഉപഭോക്താക്കള്‍ക്ക് മെച്ചപ്പെട്ട യാത്രാ അനുഭവവും വാഗ്ദാനം ചെയ്യുമെന്ന് കമ്പനി അധികൃതര്‍ പറഞ്ഞു.

National116 days ago

ബംഗ്ലാദേശിൽ മതപരവും രാഷ്ട്രീയവുമായ വിവേചനം ഉണ്ടാകില്ലെന്ന് മുഹമ്മദ് യൂനുസ്

ബംഗ്ലാദേശ് പൗരന്മാരോട് അവരുടെ മതത്തിൻ്റെയോ, രാഷ്ട്രീയത്തിൻ്റെയോ, വിശ്വാസത്തിൻ്റെയോ അടിസ്ഥാനത്തിൽ വിവേചനം കാണിക്കില്ലെന്ന് ബംഗ്ലാദേശ് ഇടക്കാല സർക്കാരിൻ്റെ മുഖ്യ ഉപദേഷ്ടാവ് മുഹമ്മദ് യൂനുസ് പറഞ്ഞു. ശ്രീകൃഷ്ണ ജന്മാഷ്ടമിയോട് അനുബന്ധിച്ചുള്ള ദേശീയ അവധിക്ക് മുന്നോടിയായി രാജ്യത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. മത ന്യൂനപക്ഷങ്ങളും, ഗോത്രങ്ങളും മറ്റ് പാർശ്വവൽക്കരിക്കപ്പെട്ട സമൂഹങ്ങളും പുതിയ ബംഗ്ലാദേശിൽ തുല്യാവകാശമുള്ള പൗരന്മാരായിരിക്കുമെന്നും അദ്ദേഹം പറഞ്ഞു. രാജ്യത്ത് നിരവധി പ്രശ്‌നങ്ങളുണ്ടെന്നും സമാധാനം നിലനിർത്താൻ ജനങ്ങളും പ്രവർത്തിക്കണമെന്നും യൂനുസ് കൂട്ടിച്ചേർത്തു.

World120 days ago

ഒന്നാം ക്രിക്കറ്റ് ടെസ്റ്റില്‍ പാക്കിസ്ഥാനെതിരെ ബംഗ്ലദേശിന് വിജയം

റാവല്‍പിണ്ടി ക്രിക്കറ്റ് സ്റ്റേഡിയത്തില്‍ നടന്ന പരമ്പരയിലെ ആദ്യ മത്സരത്തില്‍ പത്ത് വിക്കറ്റിനാണ് ബംഗ്ലാദേശ് ചരിത്ര വിജയം സ്വന്തമാക്കിയത്. രണ്ടാം ഇന്നിങ്‌സില്‍ 30 റണ്‍സ് വിജയലക്ഷ്യവുമായി ഇറങ്ങിയ ബംഗ്ലദേശ് 6.3 ഓവറില്‍ വിക്കറ്റ് പോകാതെ വിജയത്തിലെത്തുകയായിരുന്നു. ടെസ്റ്റ് ക്രിക്കറ്റില്‍ ആദ്യമായാണ് ബംഗ്ലദേശ് പാക്കിസ്ഥാനെ പരാജയപ്പെടുത്തുന്നത്. ഇരുരാജ്യങ്ങളും മുന്‍പ് 13 തവണ ടെസ്റ്റില്‍ ഏറ്റുമുട്ടിയപ്പോള്‍ 12 തവണയും പാകിസ്ഥാനായിരുന്നു വിജയിച്ചത്. ഒരു സമനിലയും.

Sports120 days ago

യോഗ്യതയില്ലാത്ത പൈലറ്റുമാര്‍; എയര്‍ ഇന്ത്യയ്ക്ക് 90 ലക്ഷം രൂപ പിഴ

മതിയായ യോഗ്യതയില്ലാത്ത പൈലറ്റുമാരെ കൊണ്ട് സര്‍വീസ് നടത്തിയതിന് എയര്‍ ഇന്ത്യയ്ക്ക് 90 ലക്ഷം രൂപ പിഴ ചുമത്തി DGCA. വീഴ്ചയുടെ പേരില്‍ എയര്‍ ഇന്ത്യയുടെ ഓപ്പറേഷന്‍സ് ഡയറക്ടര്‍, ട്രെയിനിംഗ് ഡയറക്ടര്‍ എന്നിവര്‍ക്ക് യഥാക്രമം ആറ്, മൂന്ന് ലക്ഷം രൂപ വീതം പിഴ ചുമത്തുകയും ചെയ്തു. ഭാവിയില്‍ ഇത്തരം സംഭവങ്ങള്‍ ഉണ്ടാകാതിരിക്കാന്‍ പൈലറ്റുമാര്‍ക്ക് മുന്നറിയിപ്പ് നല്‍കിയിട്ടുണ്ടെന്ന് DGCA വ്യക്തമാക്കി. ജൂലൈ 10ന് എയര്‍ലൈന്‍ സമര്‍പ്പിച്ച റിപ്പോര്‍ട്ടിനെത്തുടര്‍ന്നാണ് സംഭവം ശ്രദ്ധയില്‍പ്പെട്ടത്.

National123 days ago

നേപ്പാളില്‍ ഇന്ത്യക്കാര്‍ സഞ്ചരിച്ച ബസ് പുഴയിലേക്ക് മറിഞ്ഞു

നേപ്പാളില്‍ ഇന്ത്യക്കാര്‍ സഞ്ചരിച്ച ബസ് നിയന്ത്രണം വിട്ട് പുഴയിലേക്ക് മറിഞ്ഞാണ് അപകടമുണ്ടായത്. അപകടത്തില്‍ 14 പേര്‍ക്ക് ജീവന്‍ നഷ്ടമായി. 16 പേര്‍ക്ക് പരിക്കേറ്റിട്ടുണ്ട്. നേപ്പാളിലെ തനാഹുന്‍ ജില്ലയിലാണ് സംഭവം. 40 യാത്രക്കാരുമായി പൊഖാറയില്‍ നിന്ന് കാഠ്മണ്ഡുവിലേക്ക് പുറപ്പെട്ട ബസാണ് അപകടത്തില്‍പ്പെട്ടത്. രക്ഷാപ്രവര്‍ത്തനം പുരോഗമിക്കുകയാണ്.

National123 days ago

എയർ ഇന്ത്യ വിമാനത്തിൽ ബോംബ് ഭീഷണി സന്ദേശം ലഭിച്ചത് ശുചിമുറിയിലെ ടിഷ്യു പേപ്പറിൽ നിന്ന്

മുംബൈ – തിരുവനന്തപുരം എയർ ഇന്ത്യ വിമാനത്തിൽ ബോംബ് ഭീഷണി ഉണ്ടായ സംഭവത്തിൽ പോലീസ് അന്വേഷണം ആരംഭിച്ചു. വിമാനത്തിനുള്ളിലെ ടിഷ്യു പേപ്പറിൽ നിന്നാണ് ഭീഷണി സന്ദേശം ലഭിച്ചത്. ഭീഷണി സന്ദേശം കണ്ടെത്തിയതിനെ തുടർന്ന് പൈലറ്റ് എയർ ട്രാഫിക് കൺട്രോളിൽ വിവരം അറിയിക്കുകയും വിമാനം സുരക്ഷിതമായി ലാന്റ് ചെയ്ത് വിശദമായ പരിശോധനയ്ക്ക് വിധേയമാക്കുകയും ചെയ്തു. വ്യാജ സന്ദേശമാണെന്നാണ് നിലവിലെ നിഗമനം. യാത്രക്കാരിൽ ആരെങ്കിലുമാണോ സന്ദേശം എഴുതിയതെന്നാണ് സംശയം. ഇതിനാൽ വിമാനത്തിലുണ്ടായിരുന്ന 135 യാത്രക്കാരെയും ചോദ്യം ചെയ്യും.

Kerala124 days ago