പാരിസ് ഒളിമ്പിക്സിൽ ഫുട്ബോൾ മത്സരങ്ങൾക്ക് നാളെ തുടക്കമാകും

പാരിസ് ഒളിമ്പിക്സിന് ജൂലൈ 26ന് തിരശീല ഉയരും. ഉദ്ഘാടനത്തിന് മൂന്ന് നാൾ കൂടിയുണ്ടെങ്കിലും പുരുഷ, വനിത ഫുട്ബോൾ മത്സരങ്ങൾക്ക് നാളെ തുടക്കമാകും. അണ്ടർ 23 ടീമുകളാണ് പുരുഷ ഫുട്ബോളിൽ പങ്കെടുക്കുന്നതെങ്കിലും മൂന്ന് സീനിയർ താരങ്ങളും ടീമിലുണ്ട്. ഫുട്ബോളിലെ ആദ്യ ഗ്രൂപ്പ് മത്സരത്തിൽ കോപ്പ അമേരിക്ക ചാമ്പ്യന്മാരായ അർജന്‍റീന മൊറോക്കോയെ നേരിടും. മറ്റൊരു മത്സരത്തിൽ യൂറോകപ്പ് ചാമ്പ്യന്മാരായ സ്പെയിൻ ഉസ്ബക്കിസ്ഥാനെ നേരിടും. ഓഗസ്റ്റ് 10നാണ് ഫുട്ബോൾ മത്സരങ്ങളുടെ ഫൈനൽ.

Sports271 days ago

പാരിസ് ഒളിംപിക്‌സിലും പി. ടി. ഉഷ രാഷ്ട്രീയം കളിക്കുകയായിരുന്നുവെന്ന് വിനേഷ് ഫോഗട്ട്

ഇന്ത്യന്‍ ഒളിംപിക് അസോസിയേഷന്‍ പ്രസിഡന്റായ പി. ടി. ഉഷയ്ക്കെതിരെ രൂക്ഷ വിമര്‍ശനമാണ് ഗുസ്തി താരം വിനേഷ് ഫോഗട്ട് ഉന്നയിച്ചിരിക്കുന്നത്. പി. ടി. ഉഷ തന്നെ ആശുപത്രിയിലെത്തി സന്ദര്‍ശിച്ച് ഫോട്ടോ എടുത്ത് മടങ്ങുക മാത്യമാണ് ചെയ്തതെന്ന് വിനേഷ് ഫോഗട്ട് പറഞ്ഞു. ജീവിതത്തിലെ ഏറ്റവും മോശം സമയത്തിലൂടെ കടന്നുപോവുന്ന തന്നോട് ചോദിക്കാതെ ഫോട്ടോ എടുത്ത് സമൂഹമാധ്യമത്തില്‍ പോസ്റ്റുചെയ്യുകയാണ് പി. ടി. ഉഷ ചെയ്തതെന്ന് വിനേഷ് ഫോഗട്ട് കൂട്ടിച്ചേര്‍ത്തു.

Sports221 days ago

ലോകകപ്പ് യോഗ്യതാ റൗണ്ടില്‍ അര്‍ജന്റീനയെ വീഴ്ത്തി കൊളംബിയ

ലാറ്റിനമേരിക്കന്‍ ഫുട്‌ബോള്‍ ലോകകപ്പ് യോഗ്യതാ റൗണ്ടില്‍ അര്‍ജന്റീനയെ തോല്‍പ്പിച്ച് കൊളംബിയ. ഒന്നിനെതിരെ രണ്ടു ഗോളുകള്‍ക്കാണ് കൊളംബിയയുടെ വിജയം. പരിക്കുമൂലം ലയണല്‍ മെസ്സി ഈ മത്സരത്തില്‍ കളിച്ചിരുന്നില്ല. തോറ്റെങ്കിലും എട്ടു മത്സരങ്ങഴളില്‍ നിന്ന് ആറു വിജയം നേടി 18 പോയിന്റുമായി അര്‍ജന്റീന തന്നെയാണ് ടൂര്‍ണമെന്റില്‍ മുന്നിലുളളത്.

Sports222 days ago

കരാർ ലംഘനം: ഫുട്ബോൾ താരം അൻവർ അലിക്ക് നാല് മാസം വിലക്കും, പിഴയും

അഖിലേന്ത്യാ ഫുട്ബോൾ ഫെഡറേഷൻ ഇന്ത്യൻ ഫുട്ബോള്‍ താരം അൻവർ അലിയെ നാല് മാസത്തേക്ക് ക്ലബ്ബ് ഫുട്ബോളില്‍ നിന്ന് സസ്പെൻഡ് ചെയ്തു. കാലാവധി കഴിയുന്നതിന് മുന്നേ അൻവർ അലി 2024 ജൂലൈയിൽ മോഹന്‍ ബഗാന്‍ സൂപ്പര്‍ ജയന്റ്‌സുമായുള്ള കരാർ അവസാനിപ്പിച്ച്‌ ഡൽഹി FC യിലേക്ക് മടങ്ങി. തുടർന്ന് 24 മണിക്കൂര്‍ പൂര്‍ത്തിയാകുന്നതിന് മുമ്പ് തന്നെ അലി ട്രാന്‍സ്ഫര്‍ കരാറില്‍ ഈസ്റ്റ് ബംഗാളിലെത്തി. ഇത് നിയമലംഘനം ആണെന്ന് ചൂണ്ടിക്കാട്ടിയാണ് നടപടി സ്വീകരിച്ചത്. കൂടാതെ ഡൽഹിയും, ഈസ്റ്റ് ബംഗാളും, അൻവർ അലിയും ചേർന്ന് 12.90 കോടി രൂപ പിഴയും നൽകണം. പിഴത്തുകയുടെ പകുതി അൻവർ അലിയാണ് നൽകേണ്ടത്. Read More

Sports222 days ago

അര്‍ജന്റീന ഫുട്‌ബോള്‍ ടീമിനെ കേരളത്തിലേക്ക് ക്ഷണിക്കാനൊരുങ്ങി സർക്കാർ

അർജന്റീന ഫുട്ബോൾ ടീമിനെ കേരളത്തിലേക്ക് ക്ഷണിക്കാൻ കായിക മന്ത്രി വി. അബ്ദുറഹിമാൻ ഇന്ന് സ്പെയിനിലേക്ക് യാത്രതിരിക്കും. മാഡ്രിഡില്‍ എത്തുന്ന മന്ത്രി വി. അബ്ദുറഹിമാനും സംഘവും അര്‍ജന്റീന ഫുട്‌ബോള്‍ പ്രതിനിധികളുമായി ചര്‍ച്ച നടത്തും. മന്ത്രിക്കൊപ്പം കായിക വകുപ്പ് ഡയറക്ടറും സെക്രട്ടറിയും സ്പെയിനിലേക്ക് പോകുന്നുണ്ട്. സൗഹൃദ മത്സരം കളിക്കാനുള്ള അര്‍ജന്റീനയുടെ ക്ഷണം ഇന്ത്യന്‍ ഫുട്ബോള്‍ അസോസിയേഷന്‍ നേരത്തെ നിരസിച്ചിരുന്നു. ഇതിന് പിന്നാലെയാണ് കേരളത്തിലേക്ക് ക്ഷണിക്കുമെന്ന് കായികമന്ത്രി വ്യക്തമാക്കിയത്. അർജൻ്റീന ടീമിനെ ഇന്ത്യയിലെത്തിക്കാനുള്ള ഉയർന്ന ചെലവായിരുന്നു ഓൾ ഇന്ത്യ ഫുട്ബോൾ ഫെഡറേഷൻ ക്ഷണം നിരസിക്കുന്നതിന് കാരണമായത്.

Sports229 days ago

ലൂയിസ് സുവാരസ് അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചു

യുറുഗ്വേന്‍ ഫുട്ബോൾ ഇതിഹാസം ലൂയിസ് സുവാരസ് അന്താരാഷ്ട്ര ഫുട്ബോളിൽ നിന്ന് വിരമിക്കൽ പ്രഖ്യാപിച്ചു. യുറുഗ്വേയ്ക്കായി ഏറ്റവും കൂടുതൽ ഗോൾ (69) നേടിയ താരം എന്ന റെക്കോർഡ് നേട്ടത്തോടെയാണ് സുവാരസ് തന്റെ ശ്രദ്ധേയമായ കരിയറിന് വിരാമമിടുന്നത്. വെള്ളിയാഴ്ച പരാഗ്വേക്കെതിരെ നടക്കുന്ന ലോകകപ്പ് യോഗ്യത മത്സരമാകും യുറുഗ്വേ കുപ്പായത്തിൽ 37 കാരനായ സുവാരസിന്റെ അവസാന മത്സരം. 2007ൽ യുറുഗ്വേ ദേശീയ ടീമിൽ അരങ്ങേറ്റം കുറിച്ച സുവാരസ് 2010ൽ ലോകകപ്പിൽ മൂന്നാം സ്ഥാനത്ത് എത്തിയ ടീമിലും, 2011ലെ കോപ്പ അമേരിക്ക കിരീടം നേടിയ ടീമിലും അംഗമായിരുന്നു.

Sports229 days ago

യുട്യൂബില്‍ സ്വന്തം ചാനല്‍ തുടങ്ങി ക്രിസ്റ്റ്യാനോ റൊണാള്‍ഡോ

UR എന്ന രണ്ടക്ഷരം വെച്ചാണ് ഫുട്ബോള്‍ സൂപ്പര്‍ താരം ക്രിസ്റ്റ്യാനോ റൊണാള്‍ഡോ ചാനല്‍ തുടങ്ങിയത്. താരം തന്നെയാണ് സമൂഹ മാധ്യമത്തിലൂടെ ഇക്കാര്യം പോസ്റ്റ് ചെയ്തത്. ഓരോ സെക്കന്റിലും ആയിരക്കണക്കിന് പേരാണ് ചാനല്‍ സബ്സ്‌ക്രൈബ് ചെയ്തുകൊണ്ടിരിക്കുന്നത്. യൂട്യൂബ് ചാനലില്‍ ഫുട്ബോള്‍ മാത്രമായിരിക്കില്ല കുടുംബം, ആരോഗ്യം, പോഷകാഹാരം, വിദ്യാഭ്യാസം, ബിസിനസ് സംബന്ധമായ ഉള്ളടക്കങ്ങളും ഉണ്ടായിരിക്കുമെന്ന് ക്രിസ്റ്റ്യാനോ അറിയിച്ചു.

Sports242 days ago

യുവേഫ സൂപ്പര്‍ കപ്പ് കിരീടപ്പോരാട്ടം ഇന്ന്

ഫൈനല്‍ മത്സരത്തില്‍ റയല്‍ മാഡ്രിഡ് അറ്റലാന്റയെ നേരിടും. പോളണ്ടിലെ വാഴ്സോ നാഷണല്‍ സ്റ്റേഡിയത്തില്‍ രാത്രി പന്ത്രണ്ടരയ്ക്കാണ് മത്സരം. റയല്‍ മാഡ്രിഡ് ജഴ്സിയില്‍ കിലിയന്‍ എംബാപ്പേയുടെ അരങ്ങേറ്റത്തിനായി കാത്തിരിക്കുകയാണ് ആരാധകര്‍. റയല്‍ മാഡ്രിഡും അറ്റലാന്റയും നേര്‍ക്കുനേര്‍ വരുന്ന മൂന്നാമത്തെ മത്സരമാണിത്. ആദ്യ രണ്ട് കളിയിലും റയല്‍ മാഡ്രിഡ് തന്നെയാണ് വിജയിച്ചത്.

Sports249 days ago

അയോഗ്യയാക്കിയ നടപടി; വിനേഷ് ഫോഗട്ടിന്റെ ഹര്‍ജിയില്‍ വിധി പറയുന്നത് വീണ്ടും മാറ്റി

പാരീസ് ഒളിമ്പിസില്‍ 50 കിലോഗ്രാം ഗുസ്തി ഫൈനലില്‍ നിന്ന് അയോഗ്യയാക്കിയതിനെതിരെ വിനേഷ് ഫോഗട്ട് നല്‍കിയ അപ്പീലില്‍ വിധി പറയുന്നത് വീണ്ടും മാറ്റി. ഓഗസ്റ്റ് 16ന് രാത്രി 9.30നാണ് വിധി പറയുക. മത്സരത്തിന് അനുവദനീയമായതിലും 100 ഗ്രാം ഭാരം കൂടിയതിന്റെ പേരിലായിരുന്നു വിനേഷിനെ അയോഗ്യയാക്കിയത്. എന്നാല്‍ ഫൈനലില്‍ എത്തിയതിനുശേഷമാണ് അയോഗ്യയാക്കപ്പെട്ടതെന്നും അതുവരെ അനുവദനീയമായ ശരീര ഭാരത്തിനുള്ളിലാണ് മത്സരിച്ചതെന്നും അതിനാല്‍ വെള്ളി മെഡല്‍ നല്‍കണമെന്നുമാണ് വിനേഷിന്റെ ആവശ്യം.

Sports250 days ago

അയോഗ്യയാക്കിയതിനെതിരെ വിനേഷ് ഫോഗട്ട് നല്‍കിയ അപ്പീലില്‍ വിധി ഇന്ന്

പാരീസ് ഒളിമ്പിസില്‍ 50 കിലോഗ്രാം ഗുസ്തി ഫൈനലില്‍ അയോഗ്യയാക്കിയതിനെതിരെ വിനേഷ് ഫോഗട്ട് നല്‍കിയ അപ്പീലില്‍ അന്താരാഷ്ട്ര കായിക കോടതി ഇന്ന് വിധി പറയും. ഇന്ത്യന്‍ സമയം രാത്രി 9:30നാണ് കോടതി വിധി പറയുക. ഫൈനലില്‍ എത്തിയതിനുശേഷമാണ് അയോഗ്യയാക്കപ്പെട്ടതെന്നും അതുവരെ അനുവദിനീയമായ ശരീര ഭാരത്തിനുള്ളിലാണ് മത്സരിച്ചതെന്നും അതിനാൽ വെള്ളി മെഡല്‍ നല്‍കണമെന്നുമാണ് വിനേഷിന്റെ ആവശ്യം.

Sports250 days ago

പാരീസ് ഒളിമ്പിക്സിന് കൊടിയിറങ്ങി

പതിനഞ്ച് പകലിരവുകൾക്കൊടുവിൽ ലോക കായിക മാമാങ്കമായ ഒളിമ്പിക്സ് പാരീസിൽ സമാപിച്ചു. ജൂലൈ 24 നാണ് പാരീസ് ഒളിമ്പിക്സിന് കൊടിയേറിയത്. 32 കായിക ഇനങ്ങളിലായി 329 മത്സരങ്ങളാണ് ഒളിമ്പിക്സിൽ നടന്നത്. 40 സ്വർണം, 44 വെള്ളി, 42 വെങ്കലം എന്നിങ്ങനെ 126 മെഡലുകളുമായി USA യാണ് ഒന്നാം സ്ഥാനത്ത്. ഒരു വെള്ളിയും 5 വെങ്കലവുമായി ഇന്ത്യ 71-ാം സ്ഥാനത്താണ്. സമാപന മാർച്ച് പാസ്റ്റിൽ പി.ആർ. ശ്രീജേഷും മനു ഭാക്കാറുമാണ് ഇന്ത്യയുടെ പതാക വഹിച്ചത്. 2028 ൽ US നഗരമായ ലോസ് ആഞ്ജലീസാണ് 34-ാമത് ഒളിമ്പിക്സിന് വേദിയാകുക.

Sports252 days ago