കാലിക്കറ്റ് സര്‍വകലാശാലയില്‍ ഫലപ്രഖ്യാപനത്തിന് ശേഷം ഇന്റേണല്‍ മാര്‍ക്ക് തിരുത്തിയതായി കണ്ടെത്തല്‍
43 പേരുടെ ഇന്റേണല്‍ മാര്‍ക്ക് ഫലപ്രഖ്യാപനത്തിനു ശേഷം തിരുത്തിയതായാണ് സംസ്ഥാന ഓഡിറ്റ് വിഭാഗം കണ്ടെത്തിയിരിക്കുന്നത്. ഉത്തരക്കടലാസുകള്‍ കാണാതായ സംഭവങ്ങളുമായി ബന്ധപ്പെട്ടവരെ കണ്ടെത്താനും സര്‍വകലാശാലക്ക് കഴിഞ്ഞിട്ടില്ലെന്നാണ് ഓഡിറ്റ് റിപ്പോര്‍ട്ടില്‍ പറയുന്നത്. 2020-2021 അധ്യയന വര്‍ഷത്തിലെ സിന്റിക്കേറ്റ് പരീക്ഷാ സ്റ്റാന്റിംഗ് കമ്മിറ്റിയുടെ മിനുട്‌സുള്‍പ്പെടെ പരിശോധിച്ചതില്‍ നിന്നാണ് ക്രമക്കേട് പുറത്തു വന്നത്.
Related News
ഡോ. പി. രവീന്ദ്രൻ കാലിക്കറ്റ് സർവകലാശാല താൽകാലിക VC
സർക്കാർ നൽകിയ പാനൽ തള്ളിയ ഗവർണർ ആരിഫ് മുഹമ്മദ് ഖാൻ ഡോ. പി. രവീന്ദ്രനെ കാലിക്കറ്റ് സർവകലാശാലയുടെ താൽകാലിക വൈസ് ചാൻസലറായി നിയമിച്ചു. കാലിക്കറ്റ് സർവകലാശാല വൈസ് ചാൻസലർ ഡോ. എം.കെ. ജയരാജൻ വിരമിക്കുന്ന സാഹചര്യത്തിലാണ് ഡോ. പി. രവീന്ദ്രന് VC യുടെ താൽകാലിക ചുമതല നൽകിയത്. കാലിക്കറ്റ് സര്‍വകലാശാല കെമിസ്ട്രി വിഭാഗം പ്രൊഫസറും, മുന്‍ സയന്‍സ് ഡീനുമാണ് ഡോ. പി. രവീന്ദ്രന്.
നാല് വര്‍ഷ ബിരുദ കോഴ്സുകളിലേക്ക് അപേക്ഷ ക്ഷണിച്ച് കാലിക്കറ്റ് സര്‍വകലാശാല
2024-25 അധ്യയന വര്‍ഷത്തേക്കുള്ള കോഴ്സുകളിലേക്ക് ഓണ്‍ലൈന്‍ രജിസ്ട്രേഷന്‍ ആരംഭിച്ചു. ജൂണ്‍ ഒന്നിന് വൈകീട്ട് അഞ്ചുമണി വരെ admission.uoc.ac.in എന്ന വെബ്സൈറ്റിലൂടെ അപേക്ഷ സമര്‍പ്പിക്കാം. SC/ST വിഭാഗങ്ങള്‍ക്ക് 195 രൂപയും മറ്റുള്ളവര്‍ക്ക് 470 രൂപയുമാണ് അപേക്ഷാഫീസ്. കോഴിക്കോട്, വയനാട്, മലപ്പുറം, പാലക്കാട്, തൃശ്ശൂര്‍ ജില്ലകളിലെ 311 കോളേജുകളിലേക്കാണ് അപേക്ഷ ക്ഷണിച്ചത്.
പെരുന്നാൾ അവധി: കാലിക്കറ്റ് സർവകലാശാല പരീക്ഷകൾ മാറ്റി
പ്രതിഷേധങ്ങളെ തുടർന്ന് കാലിക്കറ്റ് സർവകലാശാല പെരുന്നാൾ അവധിയോട് അടുത്തുള്ള ദിവസങ്ങളിലെ പരീക്ഷകളുടെ തീയതി മാറ്റി നിശ്ചയിച്ചു. ഏപ്രിൽ 10, 11 ദിവസങ്ങളിലെ പരീക്ഷയാണ് മാറ്റിയത്. ഏപ്രിൽ 11 നാണ് പെരുന്നാളെങ്കിൽ 12നും പരീക്ഷ നടത്തില്ല. പരീക്ഷാ തീയതി മാറ്റണമെന്ന് അധ്യാപകരും വിദ്യാർത്ഥികളും ആവശ്യപ്പെട്ടിരുന്നു.
നാല് വര്‍ഷ ബിരുദ നിയമാവലിക്ക് അംഗീകാരം നല്‍കി കാലിക്കറ്റ് സര്‍വകലാശാല
ഇന്നലെ ചേര്‍ന്ന പ്രത്യേക അക്കാദമിക് കൗണ്‍സില്‍ യോഗത്തിലാണ് കാലിക്കറ്റ് യൂണിവേഴ്‌സിറ്റി ഫോര്‍ ഇയര്‍ അണ്ടര്‍ ഗ്രാജുവേറ്റ് പ്രോഗ്രാംസ് റഗുലേഷന്‍സ് 2024 അവതരിപ്പിച്ചത്. ഇതോടെ നാല് വര്‍ഷ ബിരുദ പ്രോഗാമുകളുടെ നിയമാവലി തയ്യാറാക്കി അംഗീകരിക്കുന്ന കേരളത്തിലെ ആദ്യ സര്‍വകലാശാലയായി കാലിക്കറ്റ് സര്‍വകലാശാല മാറി.Read More
