റേഷന്‍ കാര്‍ഡ് മസ്റ്ററിങ് ഉടന്‍ നടത്തില്ല

സെര്‍വര്‍ തകരാര്‍ പൂര്‍ണമായി പരിഹരിച്ചതിന് ശേഷമാകും സംസ്ഥാനത്ത് റേഷന്‍ കാര്‍ഡ് മസ്റ്ററിങ് നടക്കുക. എന്നാല്‍ റേഷന്‍ വിതരണം പൂര്‍ണമായും നടക്കുമെന്നും റേഷന്‍ നിഷേധിക്കുന്ന അവസ്ഥ ഉണ്ടാകില്ലെന്നും ഭക്ഷ്യവകുപ്പ് അറിയിച്ചു. കേന്ദ്ര സര്‍ക്കാര്‍ നിര്‍ദേശിച്ചിരുന്നത് മസ്റ്ററിങ് ഈ മാസം 31നകം പൂര്‍ത്തിയാക്കണമെന്നായിരുന്നു. എന്നാല്‍ സെര്‍വര്‍ തകരാര്‍ മൂലം മസ്റ്ററിങ് നടത്താനായിരുന്നില്ല.

Kerala280 days ago

മുന്‍ഗണനാ റേഷന്‍ കാര്‍ഡുകാര്‍ക്കുള്ള മസ്റ്ററിങ് ഇന്ന് പുനരാരംഭിക്കും

മഞ്ഞ, പിങ്ക് നിറങ്ങളുള്ള കാര്‍ഡുടമകളുടെ മസ്റ്ററിങ്ങാണ് ഇന്ന് പുനരാരംഭിക്കുന്നത്. സംസ്ഥാനത്ത് മൂന്ന് ഘട്ടമായാണ് മസ്റ്ററിങ് നടക്കുന്നത്. ഒന്നാംഘട്ടം ഇന്ന് മുതല്‍ 24 വരെ തിരുവനന്തപുരം ജില്ലയിലാണ്. 25 മുതല്‍ ഒക്ടോബര്‍ ഒന്നുവരെ കൊല്ലം, ആലപ്പുഴ, പത്തനംതിട്ട, കോട്ടയം, ഇടുക്കി, എറണാകുളം, തൃശൂര്‍ ജില്ലകളിലും മസ്റ്ററിങ് നടക്കും. മൂന്നാം ഘട്ടമായ ഒക്ടോബര്‍ മൂന്നു മുതല്‍ എട്ടുവരെ പാലക്കാട്, കോഴിക്കോട്, വയനാട്, കണ്ണൂര്‍, മലപ്പുറം, കാസര്‍ഗോഡ് ജില്ലകളിലും മസ്റ്ററിങ് നടക്കും. മുന്‍ഗണനേതര (വെള്ള, നീല) കാര്‍ഡിലെ അംഗങ്ങളുടെ മസ്റ്ററിങ് തീയതി പിന്നീട് പ്രഖ്യാപിക്കും.

Kerala98 days ago

സംസ്ഥാനത്തെ റേഷൻ പ്രതിസന്ധി പരിഹരിക്കാൻ പുതിയ സെർവർ വാങ്ങും

പ്രതിസന്ധി പരിഹരിക്കുന്നതിനായി 3.54 ലക്ഷം രൂപ അനുവദിക്കണമെന്ന ഭക്ഷ്യമന്ത്രിയുടെ ആവശ്യം ധനവകുപ്പ് അംഗീകരിച്ചു. കഴിഞ്ഞ ദിവസം സെർവർ തകരാറിനെ തുടർന്ന് മാസ്റ്ററിങ് നടത്താൻ സാധിക്കാത്തതിൽ വലിയ രീതിയിലുള്ള പ്രതിഷേധം ഉയർന്നിരുന്നു. ഇതേതുടർന്നാണ് ഭക്ഷ്യവകുപ്പ് പുതിയ സെർവർ വാങ്ങി പ്രതിസന്ധി പരിഹരിക്കാൻ ലക്ഷ്യമിടുന്നത്.

Kerala282 days ago

റേഷന്‍ മസ്റ്ററിങ് നിര്‍ത്തിവച്ചു; സാങ്കേതിക തകരാര്‍ പരിഹരിച്ച ശേഷം വീണ്ടും തുടങ്ങും

രണ്ടു ദിവസമായി മസ്റ്ററിങ് സാങ്കേതിക തകരാര്‍ മുലം തടസപ്പെടുകയായിരുന്നു. സാങ്കേതിക തകരാറുകള്‍ പരിഹരിക്കുന്നതിന് NICയ്ക്കും IT മിഷനും കൂടുതല്‍ സമയം ആവശ്യമായതിനാല്‍ മസ്റ്ററിങ് നിര്‍ത്തി വെച്ചു. തകരാര്‍ പൂര്‍ണ്ണമായും പരിഹരിച്ചതിന് ശേഷമേ മസ്റ്ററിംഗ് പുനരാരംഭിക്കുകയുള്ളൂ. റേഷന്‍വിതരണം എല്ലാ കാര്‍ഡുകള്‍ക്കും സാധാരണനിലയില്‍ നടക്കുമെന്ന് ഭക്ഷ്യമന്ത്രി ജി.ആര്‍ അനില്‍ പറഞ്ഞു.

Kerala284 days ago

ഇന്നും റേഷന്‍ മസ്റ്ററിങ് തടസപ്പെട്ടു

മഞ്ഞ കാര്‍ഡ് ഉടമകളുടെ മസ്റ്ററിങ് ആയിരുന്നു ഇന്ന് നടത്തേണ്ടിയിരുന്നത്. എന്നാല്‍ ഇ പോസ് സെര്‍വര്‍ തകരാര്‍ മൂലം റേഷന്‍ മസ്റ്ററിങ് വീണ്ടും തടസപ്പെട്ടു. വിവിധ ജില്ലകളില്‍ മസ്റ്ററിങിനായി ആളുകള്‍ എത്തിയെങ്കിലും സെര്‍വര്‍ തകരാറിനെ തുടര്‍ന്ന് മസ്റ്ററിങ് നടന്നില്ല. റേഷന്‍ കടകള്‍ക്ക് മുന്നില്‍ നിരവധി പേരാണ് കാത്തുനില്‍ക്കുന്നത്. ഇന്നലെയും സെര്‍വര്‍ തകരാറിനെതുടര്‍ന്ന് മസ്റ്ററിങ് നിര്‍ത്തിവയ്ക്കുകയായിരുന്നു.

Kerala284 days ago

റേഷന്‍ മസ്റ്ററിംഗ്: സ്‌പെഷ്യല്‍ ഡ്രൈവുമായി ഭക്ഷ്യവകുപ്പ്

റേഷന്‍ മസ്റ്ററിംഗിനായി എല്ലാ റേഷന്‍ കടകളിലും 15, 16, 17 തീയതികളില്‍ രാവിലെ ഒമ്പത് മുതല്‍ വൈകിട്ട് ഏഴ് വരെയാണ് സ്‌പെഷ്യല്‍ ഡ്രൈവ് നടത്തുക. പ്രവൃത്തി ദിവസങ്ങളില്‍ പകല്‍ 1.30 മുതല്‍ വൈകിട്ട് നാലുവരെയും ഞായര്‍ ഉള്‍പ്പെടെ അവധി ദിവസങ്ങളില്‍ രാവിലെ ഒമ്പത് മുതല്‍ വൈകിട്ട് ഏഴുവരെയുമാണ് മസ്റ്ററിംഗിന് സൗകര്യമൊരുക്കിയിട്ടുള്ളത്. 18ന് സംസ്ഥാനത്തെ ഏതൊരു കാര്‍ഡ് അംഗത്തിനും ഏതു റേഷന്‍ കടയിലും മസ്റ്ററിംഗ് നടത്തുന്നതിന് അവസരം ഉണ്ടായിരിക്കും.

Kerala297 days ago

45,127 പേർക്ക് കൂടി മുന്‍ഗണനാ റേഷന്‍ കാര്‍ഡ്

സംസ്ഥാനത്ത് ഇന്ന് 45127 പേർക്ക് കൂടി മുൻഗണനാ റേഷൻ കാർഡ് നൽകും. 2023 ഒക്ടോബർ 10 മുതൽ 30 വരെ ഓൺലൈൻ ആയി ലഭിച്ച അപേക്ഷകളും നവകേരള സദസ്സിൽ ലഭിച്ച അപേക്ഷകളും പരിഗണിച്ചാണ്‌ ഇത്രപേർക്ക് മുൻഗണനാ കാർഡുകൾ നൽകുന്നത്.

Kerala342 days ago