യൂറിനറി ട്രാക്ട് ഇന്‍ഫെക്ഷന്‍, രക്തത്തിലെ അണുബാധകള്‍, ന്യുമോണിയ, ടൈഫോയ്ഡ് തുടങ്ങിയവയ്ക്ക് കാരണമാകുന്ന ബാക്ടീരിയകള്‍ സാധാരണയായുളള ആന്റിബയോട്ടിക്കുകളോട് പ്രതികരിക്കുന്നില്ലെന്ന് റിപ്പോര്‍ട്ട്. ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ചിന്റെ ആന്റിമൈക്രോബയല്‍ റെസിസ്റ്റന്‍സ് സര്‍വൈലന്‍സ് നെറ്റ്‌വര്‍ക്കിന്റെ വാര്‍ഷിക റിപ്പോര്‍ട്ടിലാണ് ഇക്കാര്യം വ്യക്തമാക്കിയിരിക്കുന്നത്. ന്യുമോണിയ, സെപ്സിസ്, ശ്വാസകോശ സംബന്ധമായ അണുബാധകള്‍, വയറിളക്കം തുടങ്ങിയ അണുബാധകളെ ചികിത്സിക്കാന്‍ ഉപയോഗിക്കുന്ന ആന്റിബയോട്ടിക്കുകളെ കേന്ദ്രീകരിച്ചാണ് ഈ റിപ്പോര്‍ട്ട് തയ്യാറാക്കിയത്. പല ആന്റിബയോട്ടിക്കുകളുടെയും ഫലപ്രാപ്തി കാലക്രമേണ കുറഞ്ഞുവരുന്നതായും റിപ്പോര്‍ട്ടില്‍ പറയുന്നു.
Related News
ആന്റിബയോട്ടിക്കുകള്‍ ഇനിമുതല്‍ നീല നിറത്തിലുള്ള കവറുകളില്‍ നല്‍കണമെന്ന് ആരോഗ്യ മന്ത്രി
ആന്റിബയോട്ടിക്കുകള്‍ തിരിച്ചറിയാനായാണ് ഈ നിര്‍ദേശം. ഡ്രഗ്സ് കണ്‍ട്രോള്‍ വകുപ്പ് ആദ്യഘട്ടമായി 50,000 നീല കവറുകള്‍ തയ്യാറാക്കി സംസ്ഥാനത്തെ സ്വകാര്യ മെഡിക്കല്‍ സ്റ്റോറുകള്‍ക്ക് നല്‍കുമെന്ന് ആരോഗ്യ വകുപ്പ് മന്ത്രി വീണാ ജോര്‍ജ് പറഞ്ഞു. സര്‍ക്കാര്‍ തലത്തിലെ ഫാര്‍മസികള്‍ക്കും ഇതേ പോലെ നീല കവറുകള്‍ നല്‍കും. ഘട്ടം ഘട്ടമായാണ് ഇത് നടപ്പിലാക്കുന്നതെന്നും മന്ത്രി വ്യക്തമാക്കി.
പാത്രം മൂടിവെച്ചു വേവിക്കുന്നത് പോഷകങ്ങള്‍ നഷ്ടമാകാതിരിക്കാന്‍ സഹായിക്കുമെന്ന് ICMR
ICMR അടുത്തിടെ പുറത്തിറക്കിയ 17 ഡയറ്ററി മാര്‍ഗ്ഗരേഖയിലാണ് ഇക്കാര്യം പറഞ്ഞിരിക്കുന്നത്. മൂടി വെയ്ക്കുമ്പോഴുണ്ടാകുന്ന ആവിയില്‍ ഭക്ഷണം ഇരട്ടിവേഗത്തില്‍ പാകമാവുകയും പോഷകങ്ങളെ ദഹനത്തിന് സഹായിക്കുന്ന തരത്തില്‍ പാകപ്പെടുത്താന്‍ സഹായിക്കുകയും ചെയ്യുന്നതായി മാര്‍ഗരേഖയില്‍ പറയുന്നു. ഭക്ഷണം നന്നായി പാകം ചെയ്ത് കഴിക്കേണ്ട് ആരോഗ്യം മെച്ചപ്പെടുത്തേണ്ടതിന് പ്രധാനമാണെന്നും ICMR വ്യക്തമാക്കി.
കോവാക്സിന് പാര്‍ശ്വഫലം; BHUവിന്റെ പഠനറിപ്പോര്‍ട്ട് തള്ളി ICMR
കോവാക്സിന് സ്വീകരിച്ച മൂന്നിലൊരാള്‍ക്ക് പാര്‍ശ്വഫലങ്ങള്‍ ഉണ്ടായിട്ടുണ്ടെന്ന ബനാറസ് ഹിന്ദു സര്‍വകലാശാല(BHU)യുടെ പഠനറിപ്പോര്‍ട്ടാണ് ICMR തള്ളിയത്. BHU നടത്തിയ ഗവേഷണം കൃത്യതയോടെ ഉള്ളതല്ലെന്നും പാര്‍ശ്വഫലങ്ങളെപ്പറ്റി പറയുന്ന പഠനവുമായി സഹകരിച്ചിട്ടില്ലെന്നും റിപ്പോര്‍ട്ടില്‍ ICMRനെ തെറ്റായാണ് ഉദ്ധരിച്ചിരിക്കുന്നതെന്നും ഡയറക്ടര്‍ ജനറല്‍ രാജീവ് ബഹല്‍ പറഞ്ഞു. വാക്സിന്റെ പാര്‍ശ്വഫലം സംബന്ധിച്ച് BHU നടത്തിയ പഠന റിപ്പോര്‍ട്ട് പിന്‍വലിക്കണമെന്ന് ആവശ്യപ്പെട്ട് ന്യൂസിലാന്‍ഡ് ആസ്ഥാനമായുള്ള ഡ്രഗ് സേഫ്റ്റി ജേണലിന്റെ എഡിറ്റര്‍ക്കും ICMR കത്തയച്ചു.Read More
