അരൂർ – തുറവൂർ ദേശിയപാതയിൽ ഒരാഴ്ചത്തേക്ക് ഗതാഗത നിയന്ത്രണം
അരൂർ അമ്പലം മുതൽ അരൂർ പള്ളിവരെയുള്ള ഭാഗത്ത് റോഡിന്റെ അറ്റകുറ്റപ്പണി നടക്കുന്നതിനാലാണ് ഗതാഗത നിയന്ത്രണം ഏർപ്പെടുത്തിയത്. തുറവൂരിൽ നിന്ന് അരൂർ ഭാഗത്തേക്ക് പോകുന്ന റോഡ് അടച്ചിടും. അരൂരിൽ നിന്ന് തുറവൂർ ഭാഗത്തേക്ക് പോകുന്ന റോഡിൽ മാത്രമാകും ഗതാഗതം അനുവദിക്കുക. എറണാകുളം ഭാഗത്തേക്ക് പോകുന്ന വാഹനങ്ങൾ അരൂർ അമ്പലം ജംഗ്ഷനിൽ നിന്ന് ഇടത്തോട് തിരിഞ്ഞ് പോകണം. എറണാകുളത്ത് നിന്ന് ആലപ്പുഴ ഭാഗത്തേക്ക് പോകുന്ന വാഹനങ്ങൾ കുണ്ടന്നൂരിൽ നിന്ന് തിരിഞ്ഞ് തൃപ്പൂണിത്തുറ വഴിയോ ചെല്ലാനം തീരദേശ റോഡ് വഴിയോ പോകണം.
Related News
അരൂര്‍-തുറവൂര്‍ ദേശീയപാതയില്‍ ഗതാഗത നിയന്ത്രണം ആരംഭിച്ചു
അരൂര്‍-തുറവൂര്‍ ഉയരപ്പാത നിര്‍മ്മാണവുമായി ബന്ധപ്പെട്ട അറ്റകുറ്റപ്പണികള്‍ നടക്കുന്നതിനാലാണ് ഗതാഗത നിയന്ത്രണം ഏര്‍പ്പെടുത്തിയത്. ഒരാഴ്ച്ചത്തേക്കാണ് നിയന്ത്രണം എന്നാണ് അറിയിച്ചിരിക്കുന്നത്. ഇരുചക്ര വാഹനങ്ങള്‍ അല്ലാത്തവ ഇതുവഴി കടത്തിവിടുന്നില്ല. ഭാരവാഹനങ്ങള്‍ എറണാകുളം ഭാഗത്ത് നിന്നോ ആലപ്പുഴ ഭാഗത്ത് നിന്നോ അരൂരിലേക്ക് കടത്തിവിടില്ലെന്നും അധികൃതര്‍ അറിയിച്ചിട്ടുണ്ട്.
കുണ്ടന്നൂർ പാലം ചൊവ്വാഴ്ച രാവിലെ വരെ അടച്ചിടും
തേവര - കുണ്ടന്നൂർ പാലത്തിലൂടെയുള്ള ഗതാഗതം രണ്ട് ദിവസത്തേക്ക് പൂർണ്ണമായും നിരോധിച്ചു. അറ്റകുറ്റപ്പണികൾക്കായി ഇന്ന് അടയ്ക്കുന്ന പാലത്തിലൂടെ ചൊവ്വാഴ്ച രാവിലെ എട്ട് മണിയോടെയെ ഗതാഗതം പുനഃസ്ഥാപിക്കുകയുള്ളൂ. കനത്ത മഴയിൽ പാലത്തിലും റോഡിലും കുണ്ടും കുഴിയും ആയതോടെ ഗതാഗതം അതികഠിനമായിരുന്നു. ദിവസങ്ങൾക്ക് മുമ്പ് പാലത്തിൽ അറ്റകുറ്റപ്പണികൾ നടത്താൻ തീരുമാനിച്ചിരുന്നു. എന്നാൽ ശക്തമായ മഴയെ തുടർന്നാണ് പണി നടത്താൻ സാധിച്ചിരുന്നില്ല.
വടകരയ്ക്കും കോഴിക്കോടിനുമിടയില്‍ ഇന്ന് മുതല്‍ ഗതാഗത നിയന്ത്രണം
നാഷണൽ ഹൈവേ 66 ന്റെ നിർമാണ പ്രവർത്തനങ്ങൾ നടക്കുന്നതിനാൽ ഗതാഗത തടസ്സം ഒഴിവാക്കുന്നതിനാണ് നിയന്ത്രണം ഏർപ്പെടുത്തുന്നത്. കണ്ണൂർ ഭാഗത്ത് നിന്ന് കോഴിക്കോടേക്കും, കോഴിക്കോട് ഭാഗത്ത് നിന്ന് കണ്ണൂർ ഭാഗത്തേക്കും സഞ്ചരിക്കുന്ന ഹെവി ചരക്ക് വാഹനങ്ങൾ, ടാങ്കർ ലോറികൾ, പയ്യോളി - കൊയിലാണ്ടി സ്ഥലങ്ങളിലൂടെയുള്ള യാത്ര നിർബന്ധമല്ലാത്ത ടൂറിസ്റ്റ് ബസുകൾ എന്നിവ ഇന്ന് മുതൽ വഴി തിരിച്ചു വിടും. ട്രാഫിക് ഡൈവേർഷൻ കൃത്യമായി നടപ്പാക്കുന്നതിനായി ആവശ്യത്തിന് പോലീസ് ഉദ്യോഗസ്ഥരെ നിയമിച്ചിട്ടുണ്ട്.
അരൂർ – തുറവൂർ ഉയര പാത നിർമാണം: നാളെ മുതൽ ദേശീയപാതയിൽ ഗതാഗത നിയന്ത്രണം
അരൂർ - തുറവൂർ ഉയര പാത നിർമാണവുമായി ബന്ധപ്പെട്ട് റോഡ് ടാർ ചെയ്ത് സഞ്ചാരയോഗ്യമാക്കുന്നതിനായി നാളെ മുതൽ ദേശീയപാതയിൽ ഗതാഗത നിയന്ത്രണം ഏർപ്പെടുത്തും. അരൂരിൽ നിന്ന് തുറവൂർ ഭാഗത്തേക്കുള്ള വാഹനങ്ങൾ അരൂർ ക്ഷേത്രം ജംഗ്ഷനിൽ നിന്ന് ഇടത്തോട്ട് തിരിച്ചുവിടും. തുറവൂരിൽ നിന്ന് അരൂർ ഭാഗത്തേക്കുള്ള വാഹനങ്ങൾ ദേശീയപാതയിലൂടെ തന്നെ കടത്തിവിടും.Read More
