സൗജന്യമായി ആധാര്‍ പുതുക്കാനുളള സമയപരിധി വീണ്ടും നീട്ടി
യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യയാണ് (UIDAI) ആധാര്‍ ഉടമകള്‍ക്ക് അവരുടെ വിശദാംശങ്ങള്‍ ഓണ്‍ലൈനായി സൗജന്യമായി അപ്ഡേറ്റ് ചെയ്യാനുള്ള സമയപരിധി വീണ്ടും നീട്ടിയിരിക്കുന്നത്. 2024 സെപ്റ്റംബര്‍ 14 ആയിരുന്ന സമയപരിധിയാണ് 2024 ഡിസംബര്‍ 14 ലേക്ക് നീട്ടിയത്. ജൂണ്‍ 14ന് ശേഷം ഇത് രണ്ടാം തവണയാണ് UIDAI സമയപരിധി നീട്ടുന്നത്. അതേസമയം ഓണ്‍ലൈന്‍ അപ്ഡേറ്റുകള്‍ക്ക് മാത്രമേ ഈ സേവനം ലഭ്യമാകൂ. ആധാര്‍ കേന്ദ്രത്തില്‍ ബയോമെട്രിക് വിവര അപ്ഡേറ്റ് ഉള്‍പ്പെടെയുള്ള എല്ലാ അപ്ഡേറ്റുകള്‍ക്കും ഫീസ് ആവശ്യമാണ്.
Related News
18 വയസ് കഴിഞ്ഞ് ആധാറിന് അപേക്ഷിക്കുന്നവര്‍ക്ക് ഫീല്‍ഡ് വേരിഫിക്കേഷന്‍ നിര്‍ബന്ധമാക്കി
18 വയസ് പൂര്‍ത്തിയായതിന് ശേഷം ആധാര്‍ കാര്‍ഡിനായി അപേക്ഷിക്കുമ്പോള്‍ പാസ്‌പോര്‍ട്ട് മാതൃകയില്‍ ഉദ്യോഗസ്ഥര്‍ നേരിട്ടെത്തി അപേക്ഷകനെ നേരില്‍ക്കണ്ട് ബോധ്യപ്പെട്ടാല്‍ മാത്രം അംഗീകാരം നല്‍കിയാല്‍ മതിയെന്ന് തീരുമാനം. ഇതിനായി തദ്ദേശസ്ഥാപന സെക്രട്ടറി, വില്ലേജ് ഓഫീസര്‍ എന്നിവരെയാണ് നിയോഗിച്ചിട്ടുള്ളത്. 18 വയസ് പൂര്‍ത്തിയായവരുടെ ആധാര്‍ എന്റോള്‍മെന്റ് ജില്ലാ, ബ്ലോക്ക് തല അക്ഷയകേന്ദ്രങ്ങളില്‍ മാത്രമാക്കിയിട്ടുണ്ട്. വ്യാജ ആധാര്‍ തടയുക എന്ന ലക്ഷ്യമിട്ടാണ് നിര്‍ണായക പരിഷ്‌കാരങ്ങള്‍ നടപ്പാക്കുന്നത്.
ആധാര്‍ കാര്‍ഡ് അപ്‌ഡേഷന്‍; സൗജന്യ സേവനത്തിനുളള സമയം അവസാനിക്കുന്നു
ആധാര്‍ കാര്‍ഡിലെ വിവരങ്ങള്‍ സൗജന്യമായി പുതുക്കാനുളള സമയം സെപ്തംബര്‍ 14ന് അവസാനിക്കും. യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ നല്‍കുന്ന ആധാര്‍ കാര്‍ഡിലെ വിവരങ്ങള്‍ ഓരോ പത്ത് വര്‍ഷത്തിനിടയിലും അപ്ഡേറ്റ് ചെയ്യണമെന്നാണ് കേന്ദ്ര സര്‍ക്കാര്‍ നിര്‍ദേശിച്ചിരിക്കുന്നത്. UIDAI പോര്‍ട്ടല്‍ വഴിയും അക്ഷയ കേന്ദ്രങ്ങള്‍ വഴിയും ആധാര്‍ എന്റോള്‍മെന്റ് കേന്ദ്രം സന്ദര്‍ശിച്ചും ആധാര്‍ പുതുക്കാവുന്നതാണ്.
സൗജന്യമായി ആധാര്‍ പുതുക്കാന്‍ ഇനി ദിവസങ്ങള്‍ മാത്രം ബാക്കി
പത്ത് വര്‍ഷത്തിലേറെയായ ആധാര്‍ യുണീക്ക് ഐഡന്റിഫിക്കേഷന്‍ അതോറിറ്റി ഓഫ് ഇന്ത്യ പറയുന്നതനുസരിച്ച് പുതുക്കുന്നത് നല്ലതാണ്. പേര്, വിലാസം, മൊബൈല്‍ നമ്പര്‍, ഇമെയില്‍ ID, ജനനത്തീയതി തുടങ്ങിയ വിവരങ്ങളും വിരലടയാളം, ഐറിസ് തുടങ്ങിയ ബയോമെട്രിക്സ് വിവരങ്ങളും പുതുക്കാനാവും. UIDAI പോര്‍ട്ടല്‍ വഴിയും ആധാര്‍ എന്റോള്‍മെന്റ് കേന്ദ്രം സന്ദര്‍ശിച്ചും ആധാര്‍ പുതുക്കാം. ജൂണ്‍ 14 വരെയാണ് സൗജന്യമായി ആധാര്‍ പുതുക്കാന്‍ സാധിക്കുക.
മെയ് 31നകം ആധാറും പാനും ബന്ധിപ്പിക്കണം; മുന്നറിയിപ്പുമായി കേന്ദ്ര ആദായ നികുതി വകുപ്പ്
ഉയര്‍ന്ന നിരക്കില്‍ നികുതി കണക്കാക്കുന്നത് ഒഴിവാക്കാന്‍ പാനും ആധാറും തമ്മില്‍ മെയ് 31നകം ബന്ധിപ്പിക്കണമെന്ന് കേന്ദ്ര ആദായ നികുതി വകുപ്പ് അറിയിച്ചു. അല്ലെങ്കില്‍ ബാധകമായ നിരക്കിന്റെ ഇരട്ടി തുക നികുതിയായി കണക്കാക്കുമെന്നും ആദായനികുതി വകുപ്പ് അറിയിച്ചു. ഉയര്‍ന്ന ഇടപാടുകളുടെ സ്റ്റേറ്റ്‌മെന്റ് (SFT) മെയ് 31നകം ഫയല്‍ ചെയ്യാന്‍ ബാങ്കുകള്‍, വിദേശനാണയ വിനിമയം നടത്തുന്ന സ്ഥാപനങ്ങള്‍, ബാങ്കിതര ധനകാര്യ സ്ഥാപനങ്ങള്‍, പോസ്റ്റ് ഓഫീസുകള്‍ തുടങ്ങിയവരോടും ആവശ്യപ്പെട്ടു.
