കാട്ടുതീ; ഉത്തരാഖണ്ഡ് സര്‍ക്കാരിനെയും കേന്ദ്ര സര്‍ക്കാരിനെയും രൂക്ഷമായി വിമര്‍ശിച്ച് സുപ്രീംകോടതി

ഉത്തരാഖണ്ഡില്‍ ഉണ്ടാകുന്ന കാട്ടുതീ നിയന്ത്രിക്കുന്നതിലും നാശനഷ്ടങ്ങള്‍ കൈകാര്യം ചെയ്യുന്നതിലും വിമുഖത കാണിക്കുന്നതിലാണ് സുപ്രീംകോടതിയുടെ വിമര്‍ശനം. നവംബര്‍ മുതല്‍ റിപ്പോര്‍ട്ട് ചെയ്യപ്പെട്ട 1,000-ല്‍ അധികം തീപിടിത്തങ്ങളില്‍ 1,100 ഹെക്ടറില്‍ കൂടുതല്‍ പ്രദേശങ്ങളാണ് നശിച്ചത്. ഈ സാഹചര്യത്തില്‍ ഗാര്‍ഡുകളെ തിരഞ്ഞെടുപ്പ് ചുമതലകള്‍ക്കായി നിയോഗിച്ചതിനെയും കോടതി ചോദ്യം ചെയ്തു.

National338 days ago

ബെംഗളൂരുവില്‍ മെഡിക്കല്‍ കോളേജില്‍ തീപിടിത്തം; ICUവില്‍ ചികിത്സയിലിരുന്ന മലയാളിക്ക് ദാരുണാന്ത്യം

ബെംഗളൂരുവിലെ മത്തിക്കരെയിലെ MS രാമയ്യ മെഡിക്കല്‍ കോളജില്‍ ഉച്ചയോടെയുണ്ടായ തീപിടിത്തത്തിലാണ് ന്യുമോണിയ ബാധിച്ച് ICUവില്‍ ചികിത്സയിലിരുന്ന യുവാവ് മരിച്ചത്. പുനലൂര്‍ സ്വദേശി സുജയ് സുജാതന്‍(36) ആണ് മരിച്ചത്. സുജയിനെ രക്ഷപ്പെടുത്തുന്നതില്‍ ആശുപത്രിയ്ക്ക് വീഴ്ച സംഭവിച്ചതായാണ് ബന്ധുക്കളുടെ ആരോപണം. കഴിഞ്ഞ രണ്ടാഴ്ചയായി സുജയ് ആശുപത്രിയില്‍ ചികിത്സയിലായിരുന്നു.

National211 days ago

മധുരയില്‍ വനിതാ ഹോസ്റ്റലില്‍ തീപിടിത്തം; രണ്ട് മരണം

മുധുരയിലെ കത്രപാളയത്ത് പ്രവര്‍ത്തിച്ചിരുന്ന ഹോസ്റ്റലില്‍ ഇന്ന് പുലര്‍ച്ചയോടെയാണ് തീപിടുത്തമുണ്ടായത്. അപകടത്തില്‍ അധ്യാപിക ഉള്‍പ്പടെ രണ്ട് പേര്‍ മരിച്ചു. ശരണ്യ, പരിമള എന്നിവരാണ് മരിച്ചത്. അഞ്ച് പേര്‍ പരിക്കേറ്റ് ആശുപത്രിയിലാണ്. ഷോര്‍ട്ട് സര്‍ക്യൂട്ട് ആകാം തീപിടിത്തത്തിനുള്ള കാരണം എന്നാണ് പോലീസിന്റെ പ്രാഥമിക വിലയിരുത്തല്‍. തീപിടിത്തത്തെ തുടര്‍ന്നുണ്ടായ പുക ശ്വസിച്ച് നിരവധി പെണ്‍കുട്ടികള്‍ക്ക് ശ്വാസതടസ്സം ഉണ്ടായതായാണ് റിപ്പോര്‍ട്ട്

National219 days ago

മലപ്പുറത്ത് വീടിന് തീപിടിച്ചു; അഞ്ച് പേര്‍ക്ക് പൊള്ളലേറ്റു

മലപ്പുറം പെരുമ്പടപ്പില്‍ പുറങ്ങ് പള്ളിപ്പടി തൂക്ക് പാലത്തിന് സമീപത്തെ ഏറാട്ട് വീട്ടിലാണ് തീപിടിത്തമുണ്ടായത്. സരസ്വതി, മകന്‍ മണികണ്ഠന്‍, ഭാര്യ റീന, മക്കളായ അനിരുദ്ധന്‍, നന്ദന എന്നിവര്‍ക്കാണ് പൊള്ളലേറ്റത്. ഇതില്‍ മൂന്ന് പേരുടെ നില ഗുരുതരമാണ്. ഇന്ന് പുലര്‍ച്ചെ ഒരു മണിയോടെ വീടിന്റെ ഒരു മുറിയിലാണ് തീപിടിത്തമുണ്ടായത്. ബഹളം കേട്ട് ഓടിയെത്തിയ നാട്ടുകാര്‍ വാതില്‍ ചവിട്ടി പൊളിച്ചാണ് ഇവരെ പുറത്തെടുത്തത്. സാമ്പത്തിക ബാധ്യതയെ തുടര്‍ന്നുള്ള ആത്മഹത്യാ ശ്രമമാണ് നടന്നതെന്നാണ് ലഭിക്കുന്ന പ്രാഥമിക വിവരം.

Kerala227 days ago

പാപ്പനംകോട് ഇന്‍ഷുറന്‍സ് ഓഫിസില്‍ തീപിടിത്തം; രണ്ട് സ്ത്രീകള്‍ക്ക് ദാരുണാന്ത്യം

പാപ്പനംകോട് ന്യൂ ഇന്ത്യാ ഇന്‍ഷുറന്‍സ് ഓഫീസിലാണ് വന്‍ തീപിടിത്തം ഉണ്ടായത്. അപകടത്തില്‍ ഓഫീസിലെ ജീവനക്കാരി വൈഷ്ണവ(35), തിരിച്ചറിയാത്ത മറ്റൊരു സ്ത്രീ എന്നിവര്‍ മരിച്ചു. ഗുരുതരമായി പൊള്ളലേറ്റ രണ്ട് സ്ത്രീകളെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. ഓഫീസ് പൂര്‍ണമായും കത്തി നശിച്ച നിലയിലാണ്. തീപിടിത്തത്തിനു കാരണം എന്താണെന്ന് ഇതുവരെ വ്യക്തമായിട്ടില്ല.

Kerala228 days ago

ആന്ധ്രാപ്രദേശിലെ മരുന്ന് കമ്പനിയില്‍ തീപിടിത്തം; ഏഴ് പേര്‍ വെന്തുമരിച്ചു

ആന്ധ്രാപ്രദേശിലെ അനകപ്പല്ലേയിലെ എസ്സിയന്‍ഷ്യ അഡ്വാന്‍സ്ഡ് സയന്‍സ് പ്രൈവറ്റ് ലിമറ്റഡിന്റെ ഫാക്ടറിയിലാണ് തീപിടിത്തമുണ്ടായത്. അപകടത്തില്‍ ഏഴുപേര്‍ മരിക്കുകയും 30 പേര്‍ക്ക് പരിക്കേല്‍ക്കുകയും ചെയ്തു. ഫാക്ടറിയിലെ റിയാക്ടര്‍ പൊട്ടിത്തെറിച്ചതാണ് അപകടത്തിന് കാരണമെന്നാണ് പ്രാഥമിക നിഗമനം. ഉച്ചഭക്ഷണ സമയത്താണ് അപകടം ഉണ്ടായത്. അതിനാല്‍ വന്‍ ദുരന്തം ഒഴിവായി.

National240 days ago

മേഘവിസ്‌ഫോടനം; കേദാര്‍നാഥില്‍ രക്ഷാപ്രവര്‍ത്തനം തുടരുന്നു

കനത്ത മഴയെത്തുടര്‍ന്ന് തകര്‍ന്ന കേദാര്‍നാഥ് റൂട്ടില്‍ അഞ്ചാം ദിവസവും രക്ഷാപ്രവര്‍ത്തനം പുരോഗമിക്കുന്നു. 133 പേരെ എയര്‍ലിഫ്റ്റ് ചെയ്ത് സുരക്ഷിത സ്ഥാനങ്ങളിലേക്ക് മാറ്റി. കേദാര്‍നാഥ്, ലിഞ്ചോളി, ഭീംബലി, ഗൗരികുണ്ഡ് തുടങ്ങിയ യാത്രാ റൂട്ടുകളിലകപ്പെട്ട 10,374 പേരെ രക്ഷപ്പെടുത്തിയതായി ദുരന്തനിവാരണ സെക്രട്ടറി വിനോദ് കുമാര്‍ സുമന്‍ പറഞ്ഞു. ജൂലൈ 31നുണ്ടായ മേഘവിസ്‌ഫോടനത്തിന് പിന്നാലെയാണ് കേദാര്‍നാഥ്, ലിഞ്ചോളി, ഭീംബാലി, ഘോരപദവ്, റംബദ എന്നിവയുള്‍പ്പെടെയുളള സ്ഥലങ്ങളിലെ റോഡുകള്‍ ഒലിച്ചുപോയത്.

National257 days ago

വിശാഖപട്ടണത്ത് ട്രെയിനില്‍ തീപിടിത്തം; മൂന്ന് എസി കോച്ചുകള്‍ കത്തിനശിച്ചു

വിശാഖപട്ടണം റെയില്‍വേ സ്റ്റേഷന്റെ നാലാം പ്ലാറ്റ്ഫോമില്‍ നിര്‍ത്തിയിട്ടിരുന്ന കോര്‍ബ-വിശാഖപട്ടണം എക്‌സ്പ്രസിലാണ് തീപിടിത്തമുണ്ടായത്. അപകടത്തില്‍ എക്‌സ്പ്രസിന്റെ മൂന്ന് എസി കോച്ചുകള്‍ കത്തിനശിച്ചു. സംഭവത്തില്‍ ആളപായമൊന്നും റിപ്പോര്‍ട്ട് ചെയ്തിട്ടില്ല. ബി 7 ബോഗിയുടെ ടോയ്ലറ്റിലെ ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്നാണ് റെയില്‍വേ ഉദ്യോഗസ്ഥരുടെ പ്രാഥമിക നിഗമനം. മറ്റ് ബോഗികകളിലേക്കും തീ പടര്‍ന്നെങ്കിലും ഉടന്‍ തന്നെ റെയില്‍വേ ജീവനക്കാരെത്തി തീ നിയന്ത്രണവിധേയമാക്കി.

National258 days ago

ഉത്തരാഖണ്ഡില്‍ മേഘവിസ്‌ഫോടനത്തില്‍ മരിച്ചവരുടെ എണ്ണം 17 ആയി

കഴിഞ്ഞ ദിവസം രുദ്രപ്രയാഗില്‍ നിന്ന് ഒരു മൃതദേഹം കൂടി കണ്ടെടുത്തതോടെയാണ് മരിച്ചവരുടെ എണ്ണം 17 ആയി ഉയര്‍ന്നത്. കനത്ത മഴയെ തുടര്‍ന്ന് കേദാര്‍നാഥ് ക്ഷേത്രത്തിലേക്കുള്ള റൂട്ടില്‍ കുടുങ്ങിയ 9,000ത്തിലധികം തീര്‍ത്ഥാടകരെ രക്ഷപ്പെടുത്തി. കേദാര്‍നാഥ്, ഗൗരികുണ്ഡ്, സോന്‍പ്രയാഗ് മേഖലകളില്‍ നിന്ന് ഇനിയും ആയിരത്തോളം തീര്‍ത്ഥാടകരെ ഒഴിപ്പിക്കാനുണ്ട്. അതേസമയം ഓഗസ്റ്റ് 8 വരെ ഉത്തരാഖണ്ഡിന്റെ പല ഭാഗങ്ങളിലും കനത്ത മഴയ്ക്ക് സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ അറിയിപ്പ്.

National258 days ago

ഉത്തരാഖണ്ഡിൽ മേഘവിസ്ഫോടനം

ഉത്തരാഖണ്ഡ് ഗോമുഖിൽ മേഘവിസ്ഫോടനത്തെ തുടർന്നുണ്ടായ മിന്നൽ പ്രളയത്തിൽ കനത്ത നാശനഷ്ടം. ശക്തമായ മഴയിൽ ഇതുവഴി ഒഴുകുന്ന ബാലഗംഗ, ധരംഗംഗ നദികളിലെ വെള്ളം കരകവിഞ്ഞൊഴുകിയതോടെ ഗതാഗതം തടസ്സപ്പെട്ടു. ഗംഗോത്രിയിൽ ഒട്ടേറെ ആശ്രമങ്ങളിൽ വെള്ളം കയറുകയും സന്യാസിമാരുടെ കുടിലുകൾ ഒഴുകിപ്പോവുകയും ചെയ്തു. ശാരദാ കുടീരത്തെയും ശിവാനന്ദാശ്രമത്തെയും ഗംഗോത്രിയിലെ വെള്ളപ്പൊക്കം ബാധിച്ചു. തീരങ്ങളിൽ നിന്ന് ആളുകളെ ഒഴിപ്പിച്ചിട്ടുണ്ട്. അതേസമയം ആളുകളെ കാണാതായതായി ഇതുവരെ വിവരമില്ല.

National265 days ago

കേദാര്‍നാഥില്‍ മണ്ണിടിച്ചില്‍; മൂന്ന് തീര്‍ത്ഥാടകര്‍ മരിച്ചു

ഉത്തരാഖണ്ഡില്‍ കേദാര്‍നാഥ് പാതയിലെ രുദ്രപ്രയാഗിലാണ് മണ്ണിടിച്ചില്‍ ഉണ്ടായത്. മഹാരാഷ്ട്ര നാഗ്പൂര്‍ സ്വദേശി കിഷോര്‍ അരുണ്‍ പരാട്ടെ (31) ജല്‍ന സ്വദേശി സുനില്‍ മഹാദേവ് കാലെ (24) രുദ്രപ്രയാഗ് സ്വദേശി അനുരാഗ് ബിഷ്ത് (22) എന്നിവരാണ് മരിച്ചത്. അപകടത്തില്‍ എട്ട് പേര്‍ക്ക് പരിക്കേറ്റു. യാത്രക്കാര്‍ സുരക്ഷിത സ്ഥാനങ്ങളിലേക്ക് മാറണമെന്ന് അധികൃതര്‍ നിര്‍ദേശിച്ചു.

National272 days ago