ഈ വര്‍ഷം മുതല്‍ നാല് വര്‍ഷ ബിരുദ കോഴ്സുകള് ആരംഭിക്കുമെന്ന് ശ്രീശങ്കരാചാര്യ സംസ്‌കൃത സര്‍വകലാശാല
സംസ്‌കൃതം വേദാന്തം, സംസ്‌കൃതം വ്യാകരണം, മലയാളം, ഹിന്ദി, ഇംഗ്ലീഷ്, ഹിസ്റ്ററി, മോഹിനിയാട്ടം, തിയറ്റര്‍, കായികപഠനം, സൈക്കോളജി തുടങ്ങി 27 വിഷയങ്ങളിലാണ് നാല് വര്‍ഷ ബിരുദ കോഴ്സുകള് തുടങ്ങുന്നത്. മൂന്ന് വര്‍ഷം കൊണ്ട് നേടാവുന്ന ബിരുദം, നാല് വര്‍ഷം കൊണ്ട് നേടാവുന്ന ഓണേഴ്സ് ബിരുദം, ഗവേഷണത്തിന് മുന്‍തൂക്കം നല്‍കിയുളള ഓണേഴ്സ് വിത്ത് റിസര്‍ച്ച് ബിരുദം എന്നിങ്ങനെയാണ് നാല് വര്‍ഷ ബിരുദ പ്രോഗ്രാം.
Related News
നാലു വര്‍ഷ ബിരുദ കോഴ്‌സുകളില്‍ സമയക്രമം കോളജുകള്‍ക്ക് തെരഞ്ഞെടുക്കാം: ആര്‍. ബിന്ദു
രാവിലെ എട്ടര മുതല്‍ വൈകിട്ട് അഞ്ചര വരെയുള്ള ഏത് സ്ലോട്ടും കോളജുകള്‍ക്ക് തെരഞ്ഞെടുക്കാമെന്നും അധ്യാപകര്‍ക്ക് അധികഭാരം ഉണ്ടാവില്ലെന്നും ഉന്നത വിദ്യാഭ്യാസമന്ത്രി ആര്‍. ബിന്ദു പറഞ്ഞു. അധ്യാപകര്‍ നിര്‍ബന്ധമായും ആറു മണിക്കൂര്‍ ക്യാമ്പസിലുണ്ടാവണം. ഒരു സെമസ്റ്ററില്‍ നഷ്ടപ്പെടുന്ന അദ്ധ്യയന ദിവസങ്ങള്‍ക്ക് പകരമുളള പ്രവൃത്തിദിനങ്ങള്‍ അതത് സെമസ്റ്ററുകളില്‍ തന്നെ ഉറപ്പാക്കണമെന്നും സമയ ക്രമീകരണത്തിന് ക്യാമ്പസുകള്‍ക്ക് പൂര്‍ണ സ്വാതന്ത്ര്യമുണ്ടായിരിക്കുമെന്നും മന്ത്രി പറഞ്ഞു.
നാലുവര്‍ഷ ബിരുദ ക്ലാസുകള്‍ക്ക് നാളെ തുടക്കം
സംസ്ഥാനത്തെ ആര്‍ട്സ് ആന്‍ഡ് സയന്‍സ് കോളേജുകളിലെയും സര്‍വകലാശാലകളിലെയും നാലുവര്‍ഷ ബിരുദ ക്ലാസുകള്‍ നാളെ പകല്‍ 12ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. തിരുവനന്തപുരം ഗവ.വനിതാ കോളേജിലാണ് സംസ്ഥാനതല ഉദ്ഘാടനം. സംസ്ഥാനത്തെ ഉന്നതവിദ്യാഭ്യാസ മേഖലയെ അന്താരാഷ്ട്ര സ്വീകാര്യതയിലേക്ക് ഉയര്‍ത്തുന്നതിന്റെ ഭാഗമായാണ് നാലുവര്‍ഷ ബിരുദ പ്രോഗ്രാം ആരംഭിക്കുന്നത്.
സംസ്ഥാനത്ത് നാലുവര്‍ഷ ബിരുദ കോഴ്സുകള് ജൂലൈ ഒന്നിന് ആരംഭിക്കും
തിരുവനന്തപുരം ഗവണ്‍മെന്റ് വിമന്‍സ് കോളേജില്‍ മുഖ്യമന്ത്രി പിണറായി വിജയന്‍ കോഴ്സുകള് ഉദ്ഘാടനം ചെയ്യും. ഒന്നാംവര്‍ഷ ബിരുദ ക്ലാസുകള്‍ ആരംഭിക്കുന്ന ജൂലൈ ഒന്ന് 'വിജ്ഞാനോത്സവം' ആയി ആഘോഷിക്കുമെന്നും മന്ത്രി ആര്‍. ബിന്ദു പറഞ്ഞു. സംസ്ഥാനത്തെ മുഴുവന്‍ കോളേജുകളിലും മൂന്നുവര്‍ഷം കഴിയുമ്പോള്‍ ബിരുദം നേടി എക്‌സിറ്റ് ചെയ്യാനും, താല്‍പര്യമുള്ളവര്‍ക്ക് നാലാം വര്‍ഷം തുടര്‍ന്ന് ഓണേഴ്സ് ബിരുദം നേടാനും, റിസര്‍ച്ച് താല്‍പര്യം ഉള്ളവര്‍ക്ക് ഓണേഴ്സ് വിത്ത് റിസര്‍ച്ച് ബിരുദം നേടാനും കഴിയുന്ന തരത്തിലുള്ളതാണ് പുതിയ നാലു വര്‍ഷ ബിരുദ പ്രോഗ്രാമിന്റെ ഘടന.
നാല് വര്‍ഷ ബിരുദ കോഴ്സുകളിലേക്ക് അപേക്ഷ ക്ഷണിച്ച് കാലിക്കറ്റ് സര്‍വകലാശാല
2024-25 അധ്യയന വര്‍ഷത്തേക്കുള്ള കോഴ്സുകളിലേക്ക് ഓണ്‍ലൈന്‍ രജിസ്ട്രേഷന്‍ ആരംഭിച്ചു. ജൂണ്‍ ഒന്നിന് വൈകീട്ട് അഞ്ചുമണി വരെ admission.uoc.ac.in എന്ന വെബ്സൈറ്റിലൂടെ അപേക്ഷ സമര്‍പ്പിക്കാം. SC/ST വിഭാഗങ്ങള്‍ക്ക് 195 രൂപയും മറ്റുള്ളവര്‍ക്ക് 470 രൂപയുമാണ് അപേക്ഷാഫീസ്. കോഴിക്കോട്, വയനാട്, മലപ്പുറം, പാലക്കാട്, തൃശ്ശൂര്‍ ജില്ലകളിലെ 311 കോളേജുകളിലേക്കാണ് അപേക്ഷ ക്ഷണിച്ചത്.
ഡോ. കെ.കെ ഗീതാകുമാരിയെ കാലടി സർവകലാശാല VC യായി നിയമിച്ചു
കാലടി സംസ്‌കൃത സർവകലാശാലയുടെ നിലവിലെ VC ഡോ. എം.വി നാരായണനെ ഗവർണർ പുറത്താക്കിയ നടപടി ഹൈക്കോടതി ശരിവെച്ചതിനെ തുടർന്നാണ് ഡോ. കെ.കെ ഗീതാകുമാരിക്ക് VC യുടെ ചുമതല നൽകി രാജ്ഭവൻ ഉത്തരവ് പുറപ്പെടുവിച്ചത്. UGC ചട്ടങ്ങൾ പാലിക്കാതെയാണ് ഡോ. എം.വി നാരായണന്റെ VC നിയമനം നടന്നതെന്ന് ചൂണ്ടിക്കാട്ടിയാണ് ഗവർണർ എം.വി നാരായണനെ VC പദവിയിൽ നിന്ന് പുറത്താക്കിയത്.
