സംസ്ഥാനത്തെ മദ്യനയത്തില്‍ ഉപാധികളോടെ മാറ്റം വരുത്തും
ഡ്രൈ ഡേയിലെ മദ്യവിതരണത്തിലാണ് ഉപാധികളോടെ മാറ്റം വരുത്താന്‍ മദ്യനയത്തിന്റെ കരടില്‍ ശുപാര്‍ശ നല്‍കിയിരിക്കുന്നത്. മദ്യവിതരണം എങ്ങനെയാകണമെന്നുവരെ ചട്ടങ്ങളില്‍ വ്യക്തത വരുത്തും. ഒന്നാം തീയതി മദ്യഷോപ്പുകള്‍ മുഴുവനായി തുറക്കില്ലെന്നും പകരം മൈസ് ടൂറിസം, അന്താരാഷ്ട്ര കോണ്‍ഫറന്‍സുകള്‍, ഡെസ്റ്റിനേഷന്‍ വെഡിംഗ് എന്നിവടങ്ങളിലെ മദ്യവിതരണത്തിന് പ്രത്യേക ഇളവ് അനുവദിക്കുമെന്നാണ് അറിയിച്ചിരിക്കുന്നത്.
Related News
മദ്യനയം പുതുക്കുന്നതുമായി ബന്ധപ്പെട്ട ചര്‍ച്ചയ്ക്കല്ല യോഗം ചേര്‍ന്നതെന്ന് ടൂറിസം ഡയറക്ടര്‍
മദ്യനയം പുതുക്കുന്നത് ചര്‍ച്ച ചെയ്യാനല്ല യോഗം വിളിച്ചതെന്നും വിവിധ വിഷയങ്ങള്‍ ചര്‍ച്ച ചെയ്യാനാണ് യോഗം ചേര്‍ന്നതെന്ന് ടൂറിസം ഡയറക്ടര്‍ വ്യക്തമാക്കി. മദ്യനയം സംബന്ധിച്ച് സര്‍ക്കാരിന് ഒരു ശുപാര്‍ശയും നല്‍കിയിട്ടില്ലെന്നും ഡയറക്ടര്‍ പറഞ്ഞു. മന്ത്രിയുടെ നിര്‍ദേശപ്രകാരമല്ല യോഗം വിളിച്ചതെന്നും മറ്റു വകുപ്പുകളില്‍ ടൂറിസം വകുപ്പ് കൈകടത്തില്ലെന്നും ഡയറക്ടര്‍ വ്യക്തമാക്കി.
തൃശൂര്‍ പൂരത്തോട് അനുബന്ധിച്ച് കോര്‍പ്പറേഷന്‍ പരിധിയില്‍ 36 മണിക്കൂര്‍ മദ്യനിരോധനം
ഏപ്രില്‍ 19ന് പുലര്‍ച്ചെ രണ്ടു മണി മുതല്‍ ഏപ്രില്‍ 20ന് ഉച്ചയ്ക്ക് രണ്ട് മണിവരെയാണ് തൃശൂര്‍ കോര്‍പ്പറേഷന്‍ പരിധിയില്‍ മദ്യത്തിന് നിരോധനം ഏര്‍പ്പെടുത്തിയിരിക്കുന്നത്. കോര്‍പ്പറേഷന്‍ പരിധിയില്‍ ഉളള മദ്യവില്‍പന ശാലകള്‍, കള്ള് ഷാപ്പ്, ബിയര്‍ ആന്‍ഡ് വൈന്‍ പാര്‍ലറുകള്‍, ബാര്‍ എന്നിവ പൂര്‍ണമായി അടച്ചിടണമെന്ന് ജില്ലാ കളക്ടറുടെ ഉത്തരവില്‍ പറയുന്നു. മറ്റു ലഹരി വസ്തുക്കളുടെ വില്‍പനയ്ക്കും നിരോധനം ഏര്‍പ്പെടുത്തിയിട്ടുണ്ട്.
കേരളത്തില്‍ വീര്യം കുറഞ്ഞ മദ്യത്തിന് രണ്ട് തട്ടിലുള്ള നികുതി വേണമെന്ന് GST കമ്മീഷണറുടെ ശുപാര്‍ശ
സംസ്ഥാനത്ത് ആല്‍ക്കഹോളിന്റെ അംശം അനുസരിച്ച് മദ്യത്തിന് രണ്ട് സ്ലാബുകളില്‍ നികുതി നിര്‍ണ്ണയിക്കണം എന്നാണ് ശുപാര്‍ശ. സംസ്ഥാന എക്‌സൈസ് വകുപ്പിന്റെ 2022ലെ മദ്യ നയത്തിന്റെ ഭാഗമായാണ് വീര്യം കുറഞ്ഞ മദ്യം പുറത്തിറക്കാന്‍ സര്‍ക്കാര്‍ ഒരുങ്ങുന്നത്. ഇപ്പോള്‍ സംസ്ഥാനത്ത് ഉല്‍പ്പാദിപ്പിക്കുന്ന മദ്യത്തില്‍ 42.86 ശതമാനം ആല്‍ക്കഹോളുണ്ട്. ഇപ്പോള്‍ മദ്യ ഉല്‍പാദകരുടെ ആവശ്യം 0.5 മുതല്‍ 20 ശതമാനം വരെ ആല്‍ക്കഹോള്‍ അംശമുള്ള മദ്യം പുറത്തിറക്കാനാണ്.
സംസ്ഥാനത്ത് വീര്യം കുറഞ്ഞ മദ്യ വില്‍പ്പന; ആദ്യ പ്രൊപ്പോസല്‍ സമര്‍പ്പിച്ച് ബക്കാര്‍ഡി ഇന്ത്യ ലിമിറ്റഡ്
വില്‍പന നികുതി സംബന്ധിച്ച ആദ്യ പ്രൊപ്പോസലാണ് ബക്കാര്‍ഡി ഇന്ത്യ ലിമിറ്റഡ് സമര്‍പ്പിച്ചത്. സംസ്ഥാനത്ത് വീര്യം കുറഞ്ഞ മദ്യ ഉല്‍പ്പാദനം കൂട്ടാന്‍ നികുതി 80% വരെയാക്കണമെന്നാണ് കമ്പനികളുടെ ആവശ്യം. GST കമ്മീഷണര്‍ പുതിയ നികുതി നിരക്ക് ശുപാര്‍ശ ചെയ്തതിന് പിന്നാലെയാണ് ബക്കാര്‍ഡി ഇന്ത്യ ലിമിറ്റഡ് പ്രൊപ്പോസല്‍ സമര്‍പ്പിച്ചത്. 20% നും 40%നും ഇടയില്‍ ആല്‍ക്കഹോള്‍ അടങ്ങിയ മദ്യമാണ് വീര്യം കുറഞ്ഞവ.
