കുനോ ദേശീയോദ്യാനത്തില്‍ ഒരു ചീറ്റക്കുഞ്ഞ് കൂടി ചത്തു
ചീറ്റ പദ്ധതി ആരംഭിച്ച ശേഷം പതിനൊന്നാമത്തെ ചീറ്റയാണ് ചാകുന്നത്. ദക്ഷിണാഫ്രിക്കയില്‍ നിന്നും മധ്യപ്രദേശിലെ കുനോ ദേശീയോദ്യാനത്തില്‍ എത്തിച്ച ജെമിനി എന്ന ചീറ്റയുടെ ഏകദേശം മൂന്ന് മാസം പ്രായമുണ്ടായിരുന്ന കുഞ്ഞാണ് ചത്തത്. ന്‌ലവില്‍ കുനോ ദേശീയോദ്യാനത്തില്‍ 26 ചീറ്റകളും 13 കുഞ്ഞുങ്ങളുമുണ്ട്. 2022-ലും 2023-ലുമായി 20 ചീറ്റപ്പുലികളെയാണ് കേന്ദ്രസര്‍ക്കാര്‍ ഇന്ത്യയിലേക്ക് എത്തിച്ചത്.
Related News
മധ്യപ്രദേശിൽ ചീറ്റകളുടെ സംരക്ഷണത്തിനായി മറ്റൊരു വന്യജീവി സങ്കേതം കൂടെ ഒരുങ്ങുന്നു
കുനോ ദേശിയോദ്യാനത്തിന് പുറമെ മധ്യപ്രദേശിലെ മന്ദ്‌സൗർ ജില്ലയിലെ ഗാന്ധി സാഗർ വന്യജീവി സങ്കേതത്തിലാണ് ചീറ്റകളെ പാർപ്പിക്കാൻ ഒരുങ്ങുന്നത്. ചീറ്റപ്പുലികളെ ഉൾക്കൊള്ളുന്നതിന് ഗാന്ധി സാഗർ വന്യജീവി സങ്കേതം പൂർണ സജ്ജമാണെന്നും ഇവയെ പാർപ്പിക്കാനുള്ള എല്ലാ സൗകര്യങ്ങളും പൂർത്തിയാക്കിയെന്നും വനംവകുപ്പ് അധികൃതർ പറഞ്ഞു.
ചീറ്റകൾക്ക് മധ്യപ്രദേശിലെ ഗാന്ധിസാഗര്‍ വന്യജീവി സങ്കേതത്തിലും താവളമൊരുങ്ങുന്നു
ഗാന്ധിസാഗര്‍ വന്യജീവി സങ്കേതത്തിലൊരുക്കിയ സൗകര്യങ്ങള്‍ ചീറ്റകള്‍ക്ക് പര്യാപ്തമാണോയെന്ന് പരിശോധിക്കാൻ ദക്ഷിണാഫ്രിക്കയില്‍ നിന്നുള്ള വിദഗ്ധ സംഘം ഫെബ്രുവരിയിൽ എത്തും. നിലവില്‍ ആഫ്രിക്കയിൽ നിന്നെത്തിച്ച ചീറ്റകളെ പാർപ്പിച്ചിരിക്കുന്ന മധ്യപ്രദേശിലുള്ള കുനോ ദേശീയോദ്യാനം കഴിഞ്ഞാല്‍ ചീറ്റകള്‍ക്ക് അനുയോജ്യമായ ആവാസവ്യവസ്ഥയുള്ളത് ഗാന്ധിസാഗറിലാണ്.
കുനോ നാഷണല്‍ പാര്‍ക്കില്‍ ഒരു ചീറ്റ കൂടി മരിച്ചു
മധ്യപ്രദേശിലെ കുനോ നാഷണല്‍ പാര്‍ക്കില്‍ നമീബിയയില്‍ നിന്നെത്തിച്ച ഒരു ചീറ്റ കൂടി മരിച്ചു. ഒരു വര്‍ഷത്തിനിടെ മൂന്ന് കുഞ്ഞുങ്ങള്‍ അടക്കം 10 ചീറ്റകളാണ് കുനോയില്‍ ഇതുവരെ മരിച്ചത്. രാജ്യത്ത് ചീറ്റകളുടെ എണ്ണം വര്‍ധിപ്പിക്കുന്നതിന് ആയാണ് ആഫ്രിക്കയില്‍ നിന്നും ചീറ്റകളെ നാഷണല്‍ പാര്‍ക്കിലേക്ക് ഇറക്കുമതി ചെയ്തത്.
