കക്കയം ഇക്കോ ടൂറിസം കേന്ദ്രം വീണ്ടും തുറന്നു

നൂറ് ദിവസത്തിന് ശേഷമാണ് കക്കയം ഇക്കോ ടൂറിസം കേന്ദ്രം വീണ്ടും തുറന്ന് പ്രവര്‍ത്തിച്ചത്. വിനോദ സഞ്ചാരികളെ കാട്ടുപോത്ത് ആക്രമിച്ചതിനെ തുടര്‍ന്നായിരുന്നു കേന്ദ്രം അടച്ചിട്ടിരുന്നത്. കക്കയം ഫോറസ്റ്റ് ഓഫീസില്‍ സച്ചിന്‍ ദേവ് MLAയുടെ സാന്നിധ്യത്തില്‍ നടത്തിയ ചര്‍ച്ചയിലാണ് ഇതുസംബന്ധിച്ച തീരുമാനമെടുത്തത്. ഇക്കഴിഞ്ഞ ജനുവരി 20നാണ് എറണാകുളം സ്വദേശിയായ യുവതിയെയും മകളെയും കാട്ടുപോത്ത് ആക്രമിച്ചത്.

Travel227 days ago

ഹോട്ടലുകളില്‍ ഡ്രൈവര്‍മാര്‍ക്ക് അടിസ്ഥാന സൗകര്യങ്ങള്‍ ഉറപ്പാക്കണം: ടൂറിസം വകുപ്പ്

സംസ്ഥാനത്തെ ഹോട്ടലുകള്‍, റിസോര്‍ട്ടുകള്‍, ഹോംസ്റ്റേകള്‍ എന്നിവിടങ്ങളില്‍ വിനോദ സഞ്ചാരികളുമായി എത്തുന്ന ഡ്രൈവര്‍മാര്‍ക്ക് ആവശ്യമായ താമസ, വിശ്രമ, ശുചിമുറി സൗകര്യങ്ങള്‍ ഒരുക്കുന്നതിനുളള നടപടികള്‍ കര്‍ശനമായി പാലിക്കണമെന്ന് ടൂറിസം വകുപ്പിന്റെ ഉത്തരവ്. നിബന്ധന പാലിക്കുന്ന താമസ സ്ഥലങ്ങളെ ആയിരിക്കും ടൂറിസം വകുപ്പിന്റെ ക്ലാസിഫിക്കേഷനില്‍ ഉള്‍പ്പെടുത്തുക. ടൂറിസം ഡയറക്ടര്‍ ഇത് സംബന്ധിച്ച നടപടിക്രമങ്ങള്‍ പരിശോധിക്കും.

Kerala112 days ago

വിനോദസഞ്ചാരികള്‍ക്കായി അറബി ഭാഷാ ഹെല്‍പ്പ്ലൈന്‍ ആരംഭിച്ച് ഇന്ത്യ

അറബ് രാജ്യങ്ങളില്‍ നിന്നെത്തുന്ന വിനോദസഞ്ചാരികളെ സഹായിക്കാനും അവരുടെ യാത്രാനുഭവം മെച്ചപ്പെടുത്താനുമായാണ് ടൂറിസം മന്ത്രാലയം ഈ സംരംഭം ആരംഭിച്ചിരിക്കുന്നത്. ടോള്‍ ഫ്രീ നമ്പറായ 1800111363 ലൂടെ സഞ്ചാരികള്‍ക്ക് അറബിയില്‍ യാത്രാ വിവരങ്ങളും സേവനങ്ങളും ലഭിക്കും. ഹിന്ദിയ്ക്കും ഇംഗ്ലീഷിനും പുറമെ ഫ്രഞ്ച്, ജര്‍മ്മന്‍, ഇറ്റാലിയന്‍, സ്പാനിഷ്, ജാപ്പനീസ്, കൊറിയന്‍, മാന്‍ഡാരിന്‍ (ചൈനീസ്), പോര്‍ച്ചുഗീസ്, റഷ്യന്‍ എന്നിവയാണ് ഹെല്‍പ്പ്ലൈനിലുള്ള ഭാഷകള്‍.

Travel137 days ago

മഴ ശക്തം; കോട്ടയം ജില്ലയിലെ വിനോദസഞ്ചാര കേന്ദ്രങ്ങളിലേക്ക് പ്രവേശനം നിരോധിച്ചു

ശക്തമായ മഴ തുടരുന്ന സാഹചര്യത്തില്‍ കോട്ടയം ജില്ലയിലെ വിനോദസഞ്ചാര കേന്ദ്രങ്ങളായ ഇലവീഴാപൂഞ്ചിറ, ഇല്ലിക്കല്‍ കല്ല്, മാര്‍മല അരുവി എന്നിവിടങ്ങളിലേക്കുള്ള പ്രവേശനം നിരോധിച്ചു. ജൂലൈ 18 വരെ പ്രവേശനം അനുവദിക്കില്ലെന്നാണ് കോട്ടയം ജില്ലാ കളക്ടര്‍ അറിയിച്ചിരിക്കുന്നത്. ഇതുകൂടാതെ ജൂലൈ 18 വരെ ഈരാറ്റുപേട്ട - വാഗമണ്‍ റോഡില്‍ രാത്രികാല യാത്രയ്ക്കും ജൂലൈ 25 വരെ ജില്ലയിലെ എല്ലാ ഖനന പ്രവര്‍ത്തനങ്ങള്‍ക്കും നിരോധനം ഏര്‍പ്പെടുത്തിയിട്ടുണ്ട്.

Kerala160 days ago

ബാലിയിലേക്ക് ടൂര്‍ പാക്കേജുമായി ഇന്ത്യന്‍ റെയില്‍വെ

അഞ്ച് രാത്രിയും ആറ് പകലും നീണ്ടുനില്‍ക്കുന്ന യാത്രയാണ് ഇന്ത്യന്‍ റെയില്‍വെ കാറ്ററിങ് ആന്‍ഡ് ടൂറിസം കോര്‍പ്പറേഷന്‍ ഏര്‍പ്പെടുത്തിയിരിക്കുന്നത്. ബ്ലിസ്ഫുള്‍ ബാലി എന്ന് പേരിട്ടിരിക്കുന്ന ഈ പാക്കേജ് ഓഗസ്റ്റ് 28 ന് ഡല്‍ഹി അന്താരാഷ്ട്ര വിമാനത്താവളത്തില്‍ നിന്നാണ് ആരംഭിക്കുന്നത്. ആകെ 35 സീറ്റുകളുളള യാത്രയില്‍ 91000 രൂപ മുതലാണ് ടിക്കറ്റ് നിരക്ക് ആരംഭിക്കുന്നത്. കൂടുതല്‍ വിവരങ്ങള്‍ക്ക് ഐ.ആര്‍.സി.ടി.സി വെബ്സൈറ്റ് സന്ദര്‍ശിക്കാവുന്നതാണ്.

Travel162 days ago

നാഗപട്ടണത്തുനിന്ന് ലൂര്‍ദ് പള്ളി വരെ; തീര്‍ഥാടന ടൂറിസത്തിന്റെ സര്‍ക്യൂട്ട് മനസ്സിലുണ്ടെന്ന് സുരേഷ് ഗോപി

നാഗപട്ടണത്തുനിന്ന് തുടങ്ങി തൃശ്ശൂരിലെ ലൂര്‍ദ്മാതാവിന്റെ പള്ളി വരെ നീളുന്ന ടൂറിസം സര്‍ക്കീറ്റിന്റെ രൂപരേഖ തയ്യാറാക്കാന്‍ ബന്ധപ്പെട്ട ഉദ്യോഗസ്ഥരോട് ആവശ്യപ്പെട്ടിട്ടുണ്ടെന്ന് കേന്ദ്രമന്ത്രി സുരേഷ് ഗോപി പറഞ്ഞു. വേളാങ്കണ്ണി, ഡിണ്ടിഗല്‍, മംഗളാദേവി, മലയാറ്റൂര്‍ പള്ളി, ഭരണങ്ങാനത്തെ അല്‍ഫോന്‍സാമ്മ കബറിടം, കാലടി, കൊടുങ്ങല്ലൂര്‍ എന്നിവിടങ്ങള്‍ ഉള്‍പ്പെടുന്ന പദ്ധതിയാണ് മനസ്സിലുള്ളതെന്ന് അദ്ദേഹം വ്യക്തമാക്കി. തൃശ്ശൂര്‍ പ്രസ്‌ക്ലബ്ബില്‍ 'മീറ്റ് ദ പ്രസി'ല്‍ സംസാരിക്കുകയായിരുന്നു സുരേഷ് ഗോപി. കേരളത്തില്‍ എയിംസ് അഞ്ചു വര്‍ഷത്തിനകം സാധ്യമാക്കുമെന്നും അദ്ദേഹം കൂട്ടിച്ചേര്‍ത്തു.

Kerala170 days ago

നാടുകാണിച്ചുരത്തില്‍ പ്ലാസ്റ്റിക്കുമായി എത്തിയാല്‍ പിഴ ഈടാക്കാന്‍ തീരുമാനം

ഇതിനായി ജൂലൈ ആദ്യ ആഴ്ചയില്‍ ഇവിടെ ചെക്പോസ്റ്റ് സ്ഥാപിക്കും. നാടുകാണിച്ചുരം പ്രകൃതിസൗഹൃദമാക്കുന്നതിന്റെ ഭാഗമായാണ് യാത്രക്കാരില്‍ നിന്ന് പ്ലാസ്റ്റിക് പിടിച്ചെടുത്ത് പിഴ ഈടാക്കാന്‍ തീരുമാനിച്ചിരിക്കുന്നത്. ചെക്‌പോസ്റ്റിലെ ജോലികള്‍ക്കായി ഹരിതകര്‍മ സേനാംഗങ്ങളെ ചുമതലപ്പെടുത്തും. അതേസമയം സഞ്ചാരികള്‍ ചുരത്തില്‍ ഭക്ഷണം കഴിക്കുന്നതിന് വിലക്കില്ല. എന്നാല്‍ പ്ലാസ്റ്റിക് അവശിഷ്ടങ്ങള്‍ വലിച്ചെറിയുന്നവര്‍ക്കെതിരെ നടപടിയെടുക്കും. ഇതിനായി ഈ പ്രദേശങ്ങളില്‍ പഞ്ചായത്തിന്റെ നേതൃത്വത്തില്‍ ക്യാമറകള്‍ സ്ഥാപിക്കും.

Travel174 days ago

കൊച്ചുവേളിയില്‍ നിന്ന് ടൂറിസ്റ്റ് ട്രെയിന്‍; പ്രത്യേക പാക്കേജുമായി IRCTC

കൊച്ചുവേളിയില്‍ നിന്ന് ജൂലായ് 28ന് പുറപ്പെടുന്ന ട്രെയിന്‍ 10 ദിവസത്തെ യാത്രക്ക് ശേഷം ആഗസ്റ്റ് 6ന് മടങ്ങിയെത്തും. ഈ യാത്രയിലൂടെ മധ്യപ്രദേശ്, ഗുജറാത്ത്, ഗോവ എന്നീ സംസ്ഥാനങ്ങളില്‍ സ്ഥിതി ചെയ്യുന്ന പ്രശസ്ത തീര്‍ത്ഥാടന കേന്ദ്രങ്ങളും പൈതൃക നിര്‍മ്മിതികളും സന്ദര്‍ശിക്കാം. സ്ലീപ്പര്‍ ക്ലാസ് ട്രെയിന്‍, യാത്രകള്‍ക്ക് നോണ്‍ AC വാഹനം, നോണ്‍ AC ബജറ്റ് ഹോട്ടല്‍, മൂന്നു നേരവും സസ്യാഹാരം, ടൂര്‍ എസ്‌കോര്‍ട്ട്, സെക്യൂരിറ്റി എന്നിവരുടെ സേവനം, യാത്ര ഇന്‍ഷുറന്‍സ് എന്നിവയും യാത്രയില്‍ ഉള്‍പ്പെടുന്നു.

Travel176 days ago

ജൂണ്‍ 30 വരെ നീലഗിരിയില്‍ E-പാസ് നിര്‍ബന്ധമാക്കി

അപേക്ഷിക്കുന്ന എല്ലാവര്‍ക്കും E-പാസുകള്‍ നല്‍കുന്നുണ്ടെന്നും വിനോദസഞ്ചാരികള്‍ക്ക് മറ്റു നിയന്ത്രണങ്ങളില്ലെന്നും വാഹനങ്ങള്‍ കൊണ്ടുവരുന്നവര്‍ക്ക് E-പാസ് നിര്‍ബന്ധമാണെന്നും അധികൃതര്‍ വ്യക്തമാക്കി. സന്ദര്‍ശകരുടെ എണ്ണത്തെക്കുറിച്ചുള്ള പ്രധാന വിവരങ്ങള്‍ ലഭ്യമാകുന്നതിനാണ് E-പാസ് ഏര്‍പ്പെടുത്തിയതെന്ന് ജില്ലാഭരണകൂടം വ്യക്തമാക്കി. പ്രദേശവാസികള്‍ക്കും ബസ് യാത്രികര്‍ക്കും E-പാസുകള്‍ ആവശ്യമില്ല.

Travel183 days ago

ലഡാക്കിലേക്ക് ടൂര്‍ പാക്കേജുമായി ഇന്ത്യന്‍ റെയില്‍വെ

സെപ്റ്റംബര്‍ 13ന് കോഴിക്കോട് നിന്നാണ് യാത്ര ആരംഭിക്കുന്നത്. ഏഴ് രാത്രിയും എട്ട് പകലുകളും നീണ്ടു നില്‍ക്കുന്ന പാക്കേജാണ് റെയില്‍വെ അവതരിപ്പിച്ചിരിക്കുന്നത്. ഹിമാലയന്‍ താഴ്‌വാരങ്ങളുടെ സൗന്ദര്യം പൂര്‍ണമായും ആസ്വദിക്കാന്‍ സാധിക്കുന്ന രീതിയിലാണ് പാക്കേജ് ഒരുക്കിയിരിക്കുന്നത്. ഹിമാലയന്‍ പര്‍വതങ്ങളും നുബ്രാ വാലിയും ഷാം വാലിയും ഇന്ത്യയുടെ അവസാനത്തെ ഗ്രാമങ്ങളും എല്ലാ കണ്ട് മടങ്ങാം എന്നതാണ് പ്രത്യേകത.

Travel192 days ago

ആഡംബര ക്രൂസ് ഷിപ്പുകളില്‍ എത്തുന്ന സഞ്ചാരികള്‍ക്ക് വിസ രഹിത പ്രവേശനം പ്രഖ്യാപിച്ച് ചൈന

കൂടുതല്‍ വിദേശ സഞ്ചാരികളെ രാജ്യത്തേക്ക് ആകര്‍ഷിക്കുക എന്നതാണ് ചൈനയുടെ ഈ തീരുമാനത്തിന്റെ ലക്ഷ്യം. മേയ് 15 മുതലാണ് ഈ സ്‌കീം നിലവില്‍ വരിക. ക്രൂസ് ഷിപ്പുകളില്‍ എത്തുന്നവര്‍ക്ക് 15 ദിവസം വരെ രാജ്യത്ത് വിസയില്ലാതെ കഴിയാമെന്ന് നാഷണല്‍ ഇമിഗ്രേഷന്‍ അഡ്മിനിസ്ട്രേഷന്‍ അറിയിച്ചു. ഷാങ്ഹായ്, ചിങ്ഡാവോ എന്നിവ ഉള്‍പ്പെടുന്ന തിരഞ്ഞെടുത്ത 13 തുറമുഖങ്ങള്‍ വഴിയാണ് വിസയില്ലാതെ പ്രവേശിക്കാന്‍ കഴിയുക.

World221 days ago