അബ്ദുൽ റഹീമിന്റെ മോചനത്തിനുള്ള ധനസമാഹരണം വിജയം: 34 കോടി രൂപ സമാഹരിച്ചു

സൗദി അറേബ്യയിൽ വധശിക്ഷക്ക് വിധിക്കപ്പെട്ട് ജയിലിൽ കഴിയുന്ന കോഴിക്കോട് സ്വദേശി അബ്ദുൽ റഹീമിന്റെ മോചനത്തിന് വേണ്ടി 34 കോടി രൂപ സമാഹരിച്ചു. ലോകത്തിന്റെ പല ഭാഗങ്ങളിൽ നിന്നുള്ള മലയാളികൾ ക്രൗഡ് ഫണ്ടിങ്ങിലൂടെയാണ് ദയാധനത്തിന് ആവശ്യമായ തുക കണ്ടെത്തിയത്. 18 വർഷമായി ജയിലിൽ കഴിയുന്ന അബ്ദുൾ റഹീമിനെ മോചിപ്പിക്കുന്നതിന് വേണ്ടി സമാഹരിച്ച ദയാധനം ഇന്ത്യൻ എംബസി വഴി സൗദി കുടുംബത്തിന് നൽകും. അബ്ദുൽ റഹീമിന്റെ ഭാഗത്ത് നിന്നുണ്ടായ മനഃപ്പൂർവ്വമല്ലാത്ത കൈപ്പിഴവ് മൂലം 2006 ൽ സൗദിയിലെ സ്‌പോൺസറുടെ കഴുത്തിന് താഴെ ചലന ശേഷിയില്ലാത്ത മകൻ മരിച്ചതിനെ തുടർന്ന് അബ്ദുൽ റഹീമിനെ കൊലപാതക കുറ്റം ചുമത്തി ജയിലിലടയ്ക്കുക ആയിരുന്നു.

Kerala255 days ago

ഒന്നര കോടി ഉംറ തീര്‍ത്ഥാടകര്‍ക്ക് ആതിഥ്യമരുളാനുള്ള പദ്ധതിയുമായി സൗദി

2025ലേക്കുള്ള ഉംറ തീര്‍ത്ഥാടകര്‍ക്കുള്ള പദ്ധതിയാണ് സൗദി ആവിഷ്‌കരിച്ചിരിക്കുന്നത്. 'ഗസ്റ്റ് ഓഫ് ഗോഡ് സര്‍വീസ് പ്രോഗ്രാം' എന്ന നിലവിലെ പ്രോഗ്രാമിന്റെ ഭാഗമായാണ് പുതിയ പദ്ധതിക്ക് ഇസ്ലാമികകാര്യ മന്ത്രാലയവും ഇരുഹറം കാര്യാലയ അതോറിറ്റിയും രൂപം നല്‍കിയത്. മക്ക മസ്ജിദുല്‍ ഹറാമിലെത്തുന്ന തീര്‍ത്ഥാടകരുടെ ആവശ്യങ്ങള്‍ നിറവേറ്റുന്നതിനും മുഴുവന്‍ യാത്രയിലും സുഗമമായ അനുഭവം പ്രദാനം ചെയ്യുന്നതിനുമുള്ളതാണ് ഈ പ്രോഗ്രാം.Read More

World131 days ago

ഇ-സ്‌പോര്‍ട്‌സ് ഗെയിമുകളുടെ ലോകകപ്പിന് റിയാദില്‍ തുടക്കം

ഇലക്ട്രോണിക് സ്‌പോര്‍ട്‌സിന്റെ ചരിത്രത്തിലെ ഏറ്റവും വലിയ ഇവന്റാണിത്. വിവിധ ഇലക്ട്രോണിക് ഗെയിമുകളിലായി 22ലധികം ടൂര്‍ണമെന്റുകളാണ് നടക്കുന്നത്. 500ലധികം ടീമുകളിലായി 1500ലേറെ പ്രഫഷനല്‍ കളിക്കാര്‍ ടൂര്‍ണമെന്റില്‍ പങ്കെടുക്കും. ഇ-സ്‌പോര്‍ട്‌സ് മേഖലയില്‍ ദേശീയ കഴിവുകള്‍ പരിപോഷിപ്പിക്കുന്നതിന് 10 സൗദി ക്ലബ്ബുകളും നിരവധി അന്താരാഷ്ട്ര ക്ലബ്ബുകളും ലോകകപ്പില്‍ മത്സരിക്കും. ഇനി രണ്ട് മാസം ബൊളിവാര്‍ഡ് സിറ്റിയില്‍ ഇ-സ്‌പോര്‍ട്‌സ് ടൂര്‍ണമെന്റുകളുടെ ആഘോഷമായിരിക്കും.

Sports172 days ago

സൗദി ജയിലിൽ കഴിയുന്ന അബ്ദുൽ റഹീമിന്റെ വധശിക്ഷ റദ്ദാക്കി

വധശിക്ഷയ്ക്ക് വിധിക്കപ്പെട്ട് സൗദി ജയിലിൽ കഴിയുന്ന കോഴിക്കോട് സ്വദേശി അബ്ദുൽ റഹീമിന്റെ വധശിക്ഷ റിയാദ് ക്രിമിനൽ കോടതി റദ്ദാക്കി. മോചനത്തിനാവശ്യമായ 34 കോടി രൂപ കൊല്ലപ്പെട്ട സൗദി ബാലന്റെ കുടുംബത്തിന് കൈമാറുകയും ദയാധനം സ്വീകരിച്ച കുടുംബം മാപ്പ് നൽകാമെന്ന് ഔദ്യോഗികമായി കോടതിയെ അറിയിക്കുകയും ചെയ്തു. ഇതോടെയാണ് വധശിക്ഷ റദ്ദാക്കി കോടതി ഉത്തരവ് പുറപ്പെടുവിച്ചത്.

World174 days ago

ഹജ്ജ് തീര്‍ത്ഥാടനത്തിനിടെ മരിച്ചവരുടെ എണ്ണം 1,301 ആയി

ഈ വര്‍ഷത്തെ ഹജ്ജ് തീര്‍ത്ഥാടനത്തിനിടെ 1,300 ലധികം ആളുകള്‍ മരിച്ചതായി സൗദി അധികൃതര്‍ അറിയിച്ചു. 1,301 മരണങ്ങളില്‍ 83 ശതമാനവും ഹജ്ജ് കര്‍മ്മങ്ങള്‍ നിര്‍വഹിക്കുന്നതിനായി ഉയര്‍ന്ന താപനിലയില്‍ ദീര്‍ഘദൂരം നടന്ന അനധികൃത തീര്‍ത്ഥാടകരാണെന്ന് സൗദി ആരോഗ്യ മന്ത്രി ഫഹദ് ബിന്‍ അബ്ദുറഹ്‌മാന്‍ അല്‍ ജലാജെല്‍ പറഞ്ഞു. 95 തീര്‍ത്ഥാടകര്‍ ആശുപത്രികളില്‍ ചികിത്സയിലാണ്. മരിച്ചവരെ മക്കയില്‍ അടക്കം ചെയ്തതായും അദ്ദേഹം പറഞ്ഞു.

World183 days ago

കനത്ത ചൂട്: ഹജ്ജിനിടെ ഇതുവരെ 550 തീര്‍ത്ഥാടകര്‍ മരിച്ചതായി റിപ്പോര്‍ട്ട്

ഈ വര്‍ഷം വീണ്ടും താപനില ഉയര്‍ന്നതോടെ ഹജ്ജിനിടെ കുറഞ്ഞത് 550 തീര്‍ത്ഥാടകരെങ്കിലും മരിച്ചതായി നയതന്ത്രജ്ഞര്‍ വ്യക്തമാക്കി. മക്കയിലെ ഏറ്റവും വലിയ മോര്‍ച്ചറികളില്‍ ഒന്നായ അല്‍-മുഐസെമിലെ മോര്‍ച്ചറിയില്‍ ആകെ 550 പേര്‍ ഉണ്ടെന്ന് നയതന്ത്രജ്ഞര്‍ പറഞ്ഞു. മരിച്ചവരില്‍ 323 പേര്‍ ഈജിപ്റ്റുകാരാണ്. ഇവരില്‍ ഭൂരിഭാഗം പേരും ചൂടുമായി ബന്ധപ്പെട്ട അസുഖങ്ങള്‍ ബാധിച്ചാണ് മരിച്ചത്. കാലാവസ്ഥാ വ്യതിയാനം തീര്‍ത്ഥാടനത്തെ കൂടുതലായി ബാധിക്കുന്നുണ്ടെന്ന് അധികൃതര്‍ അറിയിച്ചു.

World188 days ago

അറഫാ സംഗമം ഇന്ന്; പ്രാര്‍ത്ഥനയോടെ ഹജ്ജ് തീര്‍ത്ഥാടകര്‍

ഹജ്ജ് തീര്‍ത്ഥാടകര്‍ പ്രതീക്ഷയോടെ കാത്തിരുന്ന ദിനമാണ് ഇന്ന്. ഇന്നത്തെ പകല്‍ മുഴുവന്‍ തീര്‍ത്ഥാടകര്‍ അറഫയില്‍ പ്രാര്‍ത്ഥനയുമായി കഴിയും. ഹജ്ജിന്റെ ഏറ്റവും പ്രധാനപ്പെട്ട ചടങ്ങിന്റെ ഭാഗമാകാന്‍ തീര്‍ത്ഥാടക ലക്ഷങ്ങള്‍ ഇന്നലെ രാത്രി തന്നെ മിനായില്‍ നിന്ന് അറഫയിലേക്ക് യാത്ര ആരംഭിച്ചിരുന്നു. ഇന്ന് ഉച്ചയ്ക്ക് മുമ്പായി എല്ലാ തീര്‍ത്ഥാടകരും അറഫയില്‍ എത്തുമെന്നാണ് പ്രതീക്ഷിക്കുന്നത്.

World192 days ago

അബ്ദുൾ റഹീമിന്റെ മോചനം; ദയാധനം കൈമാറി

സൗദി ജയിലിൽ കഴിയുന്ന കോഴിക്കോട് സ്വദേശി അബ്‌ദുൾ റഹീമിന്റെ മോചനം അടുക്കുന്നു. മോചനത്തിനുള്ള ദയാധനമായ 15 മില്യൺ റിയാലിന്റെ ഇന്ത്യൻ എംബസി ഇഷ്യൂ ചെയ്ത ചെക്ക് ഗവർണറേറ്റിന് കൈമാറി. അബ്‌ദുൾ റഹീമിന് മാപ്പ് നൽകുന്നതുമായി ബന്ധപ്പെട്ട്‌ ഇരു വിഭാഗങ്ങളും അനുരഞ്ജന കരാറിൽ ഒപ്പുവെക്കുകയും ചെയ്തു. ഗവർണറേറ്റ് വിവരങ്ങൾ കോടതിയെ ധരിപ്പിക്കുന്നതോടെ മോചനം സാധ്യമാകും.

World203 days ago

ഹജ്ജ് സീസണില്‍ വിസിറ്റ് വിസയിലെത്തുന്നവര്‍ക്ക് മക്കയിലേക്ക് പ്രവേശനമില്ലെന്ന് സൗദി

മെയ് 23 മുതല്‍ ജൂണ്‍ 21 വരെ വിസിറ്റ് വിസയുള്ള യാത്രക്കാര്‍ക്ക് മക്കയിലേക്ക് പ്രവേശനം അനുവദിക്കില്ലെന്നാണ് സൗദി അറേബ്യന്‍ ആഭ്യന്തര മന്ത്രാലയം അറിയിച്ചിരിക്കുന്നത്. യാത്രാ വിസയില്‍ ഹജ്ജ് അനുവദനീയമല്ലാത്തതിനാല്‍ മക്കയില്‍ ഹജ്ജ് ചെയ്യാന്‍ ആഗ്രഹിക്കുന്നവര്‍ക്ക് ഹജ്ജ് പെര്‍മിറ്റ് ആവശ്യമാണെന്ന് മന്ത്രാലയം അറിയിച്ചു. ട്രാവല്‍ വിസയില്‍ മക്കയില്‍ പ്രവേശിക്കുന്നവര്‍ക്ക് കടുത്ത ശിക്ഷയും കനത്ത പിഴയും നല്‍കേണ്ടിവരുമെന്നും അധികൃതര്‍ അറിയിച്ചു.

World213 days ago

അബ്ദുൾ റഹീമിന്റെ മോചനം: ദയാ ധനം വിദേശകാര്യ മന്ത്രാലയത്തിന് കൈമാറി

സൗദി ജയിലില്‍ കഴിയുന്ന അബ്ദുൽ റഹീമിന്‍റെ മോചനത്തിനുള്ള ദയാ ധനമായ 34 കോടി രൂപ റിയാദിലെ ഇന്ത്യൻ എംബസിയുടെ നിർദേശ പ്രകാരം വിദേശകാര്യ മന്ത്രാലയത്തിന്റെ അക്കൗണ്ടിലേക്ക് കൈമാറി. വൈകാതെ തന്നെ എംബസി കോടതിയുടെ പേരിലുള്ള സർട്ടിഫൈഡ് ചെക്ക് റിയാദിലെ ഗവര്‍ണറേറ്റിന് കൈമാറും. ചെക്ക് ലഭിച്ച ഉടന്‍ തന്നെ കൊല്ലപ്പെട്ട സൗദി ബാലന്റെ കുടുംബം സമ്മത പത്രത്തില്‍ ഒപ്പുവയ്ക്കും. തുടര്‍ന്ന് കോടതി രേഖകൾ പരിശോധിച്ച ശേഷമാകും അന്തിമ നിർദേശങ്ങൾ പുറപ്പെടുവിക്കുക.

Kerala214 days ago

US സ്റ്റേറ്റ് സെക്രട്ടറി ആന്റണി ബ്ലിങ്കന്‍ സൗദിയിലേക്ക്; ഗസ വെടിനിര്‍ത്തല്‍ ചര്‍ച്ച ചെയ്യും

സന്ദര്‍ശനത്തില്‍ അധികാരികളുമായി ഗസ വെടിനിര്‍ത്തല്‍, ബന്ദികളെ മോചിപ്പിക്കല്‍, ഗസയിലേക്കുള്ള മാനുഷിക സഹായം വര്‍ധിപ്പിക്കല്‍ തുടങ്ങിയവ ചര്‍ച്ച ചെയ്യുമെന്ന് സൗദി വിദേശകാര്യ മന്ത്രാലയം അറിയിച്ചു. മേഖലയില്‍ ശാശ്വത സമാധാനവും സുരക്ഷയും കൈവരിക്കാനുള്ള ശ്രമങ്ങള്‍ ചര്‍ച്ച ചെയ്യുമെന്നും മന്ത്രാലയം വ്യക്തമാക്കി. രണ്ട് ദിവസത്തെ സന്ദര്‍ശനത്തിനായാണ് ആന്റണി ബ്ലിങ്കന്‍ നാളെ സൗദിയിലെത്തുന്നത്.

World239 days ago