തമിഴ്‌നാട്ടില്‍ 9000 കോടിയുടെ വാഹനനിര്‍മാണ പ്ലാന്റ് സ്ഥാപിക്കാനൊരുങ്ങി ടാറ്റാ മോട്ടോഴ്‌സ്

ടാറ്റ മോട്ടോഴ്‌സ് CFO പി.ബി ബാലാജിയും ഗൈഡന്‍സ് തമിഴ്‌നാട് MD&CEO വി വിഷ്ണുവും മുഖ്യമന്ത്രി എം.കെ സ്റ്റാലിന്റെ സാന്നിധ്യത്തില്‍ ഇത് സംബന്ധിച്ച ധാരണാപത്രം കൈമാറി. പുതിയ പ്ലാന്റിലൂടെ സംസ്ഥാനത്ത് 5000 തൊഴിലവസരങ്ങള്‍ സൃഷ്ടിക്കും. ഈ നിക്ഷേപത്തിലൂടെ ഇന്ത്യയുടെ ഓട്ടോമൊബൈല്‍ തലസ്ഥാനമെന്ന സ്ഥാനം തമിഴ്‌നാട് കൂടുതല്‍ ഊട്ടിയുറപ്പിക്കുകയാണെന്നും മുഖ്യമന്ത്രി എക്സില്‍ കുറിച്ചു.

Automobile284 days ago

ഉദയനിധി സ്റ്റാലിന്‍ തമിഴ്‌നാട് ഉപമുഖ്യമന്ത്രിയായേക്കും

മുഖ്യമന്ത്രി എം. കെ. സ്റ്റാലിന്റെ മകനും യുവജനക്ഷേമ, കായിക വകുപ്പ് മന്ത്രിയുമായ ഉദയനിധി സ്റ്റാലിന്‍ തമിഴ്‌നാട് ഉപമുഖ്യമന്ത്രി ആയേക്കും. ഇതു സംബന്ധിച്ച് സ്റ്റാലിന്റെ കുടുംബത്തില്‍ ധാരണയായി. പ്രഖ്യാപനം വൈകാതെയുണ്ടാകുമെന്നാണ് റിപ്പോര്‍ട്ട്. ഉദയനിധിയെ ഉപമുഖ്യമന്ത്രിയാക്കുമെന്ന് സൂചന അമേരിക്കയില്‍ നിന്ന് മടങ്ങിയെത്തിയപ്പോള്‍ സ്റ്റാലിന്‍ നല്‍കിയിരുന്നു.

National96 days ago

നിപ: അതിർത്തികളിൽ നിരീക്ഷണം ശക്തമാക്കി തമിഴ്നാട്

മലപ്പുറത്ത് നിപ ബാധിച്ച് യുവാവ് മരിച്ച സാഹചര്യത്തിൽ അതിര്‍ത്തികളില്‍ കര്‍ശന പരിശോധന നടത്താനൊരുങ്ങി തമിഴ്‌നാട് സര്‍ക്കാര്‍. 24 മണിക്കൂറും ആരോഗ്യപ്രവര്‍ത്തകര്‍ അതിര്‍ത്തികളില്‍ പരിശോധന നടത്തും. നീലഗിരി, കോയമ്പത്തൂര്‍, തിരുപ്പൂര്‍ , തേനി, തെങ്കാശി, കന്യാകുമാരി അതിര്‍ത്തികളിലാണ് പരിശോധന നടത്തുക. മലപ്പുറത്തിന്റെ അതിർത്തി ജില്ലകളായ കോഴിക്കോടും, പാലക്കാടും ജാഗ്രതാ നിർദേശം നൽകാൻ സംസ്ഥാന ആരോഗ്യവകുപ്പ് തീരുമാനിച്ചിട്ടുണ്ട്.

Health97 days ago

അമേരിക്കന്‍ കമ്പനികളുമായി 2,666 കോടി രൂപയുടെ കരാര്‍ ഒപ്പിട്ട് തമിഴ്‌നാട് സര്‍ക്കാര്‍

തമിഴ്‌നാട് മുഖ്യമന്ത്രി എം.കെ. സ്റ്റാലിന്റെ അമേരിക്കന്‍ സന്ദര്‍ശനത്തിനിടെയാണ് സംസ്ഥാനത്തിന്റെ വ്യാവസായിക-സാമ്പത്തിക മേഖലയുടെ ഉന്നമനം ലക്ഷ്യമിട്ടുള്ള കരാറുകള്‍ ഒപ്പുവെച്ചത്. ഇലക്ട്രോണിക്സ് നിര്‍മ്മാണ സേവനങ്ങളിലെ മുന്‍നിരക്കാരായ ജാബിലുമായും ലോകത്തിലെ തന്നെ ഏറ്റവും വലിയ വ്യാവസായിക ഓട്ടോമേഷന്‍ കമ്പനിയായ റോക്ക്വെല്‍ ഓട്ടോമേഷനുമായാണ് തമിഴ്‌നാട് ധാരണാപത്രങ്ങള്‍ ഒപ്പുവെച്ചത്. ഈ കരാറുകള്‍ സംസ്ഥാനത്ത് 2,666 കോടി രൂപയുടെ നിക്ഷേപം കൊണ്ടുവരുമെന്നും 5,365 തൊഴിലവസരങ്ങള്‍ സൃഷ്ടിക്കുമെന്നും തമിഴ്നാട് സര്‍ക്കാരിന്റെ പ്രസ്താവനയില്‍ പറയുന്നു.

National103 days ago

ഇലക്ട്രിക് മോഡലുകളുടെ വില കുറച്ച് ടാറ്റാ മോട്ടോഴ്‌സ്

ഉത്സവ സീസണോട് അനുബന്ധിച്ച് വന്‍ വിലക്കുറവാണ് EV മോഡലുകള്‍ക്ക് ടാറ്റാ മോട്ടോഴ്‌സ് പ്രഖ്യാപിച്ചിരിക്കുന്നത്. നെക്സോണ്‍ EVയുടെ വില മൂന്ന് ലക്ഷം രൂപ വരെയാണ് കുറച്ചിരിക്കുന്നത്. 12.49 ലക്ഷം രൂപയാണ് വാഹനത്തിന്റെ നിലവിലെ വില. പഞ്ച് EVയുടെ വിലയും കുറച്ചിട്ടുണ്ട്. 1.20 ലക്ഷം രൂപ വരെയാണ് കുറച്ചത്. 9.99 ലക്ഷം രൂപ മുതലാണ് പുതുക്കിയ വില ആരംഭിക്കുന്നത്.

Automobile104 days ago

തമിഴ്നാട്ടിലെ വനിതാ പോലീസുകാർക്ക് ഒരു വർഷത്തെ പ്രസവാവധി അനുവദിക്കും: മുഖ്യമന്ത്രി എം.കെ. സ്റ്റാലിൻ

തമിഴ്നാട്ടിലെ വനിതാ പോലീസുകാർക്ക് ഒരു വർഷത്തെ പ്രസവാവധി നൽകുമെന്നും അവധിക്ക് ശേഷം ജോലിയിൽ തിരികെ പ്രവേശിക്കുമ്പോൾ കുട്ടികളെ നോക്കുന്നതിനായി അവർ ആവശ്യപ്പെടുന്ന സ്ഥലത്ത് മൂന്നു വർഷത്തേക്ക് നിയമനം നൽകുമെന്നും തമിഴ്നാട് മുഖ്യമന്ത്രി എം.കെ. സ്റ്റാലിൻ. പോലീസ് സേനയിലെ ഉദ്യോഗസ്ഥരുടെ അഭ്യർത്ഥന മാനിച്ചാണ് ഇത് നടപ്പിലാക്കുന്നത് എന്ന് സ്റ്റാലിൻ പറഞ്ഞു. സ്ത്രീകൾക്കും കുട്ടികൾക്കും എതിരായ കുറ്റകൃത്യങ്ങൾ കൈകാര്യം ചെയ്യുന്നതിന് വനിതാ പോലീസിന്റെ വൈദഗ്ധ്യം വർദ്ധിപ്പിക്കും എന്നും അദ്ദേഹം വ്യക്തമാക്കി.

National121 days ago

വ്യാജ NCC ക്യാംപില്‍ 13 പെണ്‍കുട്ടികള്‍ ലൈംഗിക പീഡനത്തിനിരയായി; ഇടപെട്ട് വനിതാ കമ്മീഷന്‍

ഓഗസ്റ്റ് ആദ്യ വാരം തമിഴ്‌നാട്ടിലെ കൃഷ്ണഗിരിയിലെ സ്വകാര്യ സ്‌കൂള്‍ പരിസരത്ത് സംഘടിപ്പിച്ച NCC ക്യാംപില്‍ വച്ചാണ് അതിക്രമം നടന്നത്. ക്യാംപ് സംഘടിപ്പിച്ചവര്‍ അടക്കമുള്ള 11 പേരെ പോലീസ് അറസ്റ്റ് ചെയ്തിട്ടുണ്ട്. പോക്‌സോ അടക്കമുള്ള വകുപ്പുകള്‍ ചുമത്തിയാണ് അറസ്റ്റ്. സ്‌കൂള്‍ പ്രിന്‍സിപ്പലും അധ്യാപകരും അടക്കമുള്ളവരാണ് അറസ്റ്റിലായിട്ടുള്ളത്. 41 വിദ്യാര്‍ത്ഥികളാണ് ക്യാംപില്‍ പങ്കെടുത്തത്. ക്യാംപിലുണ്ടായ അതിക്രമത്തേക്കുറിച്ച് വീട്ടിലെത്തിയ ഒരു പെണ്‍കുട്ടി രക്ഷിതാക്കളോട് പറഞ്ഞതോടെയാണ് സംഭവം പുറത്ത് വരുന്നത്.

National124 days ago

വ്യാജ NCC ക്യാമ്പ് സംഘടിപ്പിച്ച് 13 പെണ്‍കുട്ടികളെ ലൈംഗികമായി പീഡിപ്പിച്ചു

തമിഴ്‌നാട് കൃഷ്ണഗിരിയിലാണ് വ്യാജ NCC ക്യാമ്പ് സംഘടിപ്പിച്ച് പെണ്‍കുട്ടികളെ ലൈംഗികമായി പീഡിപ്പിച്ചത്. ഒരു പെണ്‍കുട്ടിയെ ലൈംഗികമായി പീഡനത്തിനിരയാക്കുകയും 12 പേരെ ലൈംഗികമയി ദുരുപയോഗം ചെയ്തതായും പോലീസ് അറിയിച്ചു.സംഭവത്തില്‍ ക്യാമ്പ് സംഘാടകര്‍, സ്‌കൂള്‍ പ്രിന്‍സിപ്പല്‍, രണ്ട് അധ്യാപകര്‍ എന്നിവരുള്‍പ്പടെ 11 പേര്‍ അറസ്റ്റിലായിട്ടുണ്ട്. സ്വകാര്യ സ്‌കൂളിന് NCC യൂണിറ്റില്ലെന്ന് അന്വേഷണത്തില്‍ കണ്ടെത്തി. ഈ മാസം ആദ്യം നടന്ന ത്രിദിന ക്യാമ്പില്‍ 17 പെണ്‍കുട്ടികള്‍ ഉള്‍പ്പെടെ 41 വിദ്യാര്‍ത്ഥികള്‍ പങ്കെടുത്തു.

National126 days ago

ഉരുള്‍പൊട്ടല്‍: കേരളത്തിന് കൈത്താങ്ങായി തമിഴ്‌നാട് സര്‍ക്കാര്‍

അടിയന്തര സഹായമായി തമിഴ്‌നാട് മുഖ്യമന്ത്രി എം. കെ. സ്റ്റാലിന്‍ അഞ്ച് കോടി രൂപ അനുവദിച്ചു. തമിഴ്‌നാട് മുഖ്യമന്ത്രിയുടെ ദുരിതാശ്വാസ നിധിയില്‍ നിന്നും തുക നല്‍കും. പിണറായി വിജയനെ ഫോണില്‍ വിളിച്ച് ദുഖം രേഖപ്പെടുത്തുകയും അനുശോചനമറിയിക്കുകയും ചെയ്ത സ്റ്റാലിന്‍ തമിഴ്നാടിന്റെ എല്ലാ സഹായസഹകരണങ്ങളും വാഗ്ദാനം ചെയ്തു. രക്ഷാപ്രവര്‍ത്തനത്തിനായി അഗ്നിശമനസേനയിലെ ജോയിന്റ് ഡയറക്ടറുടെ നേതൃത്വത്തില്‍ 20 രക്ഷാപ്രവര്‍ത്തകരെയും ഒരു SPയുടെ നേതൃത്വത്തില്‍ 20 ദുരന്തനിവാരണ ടീമിനേയും 10 ഡോക്ടര്‍മാരും നഴ്സുമാരുമടങ്ങുന്ന മെഡിക്കല്‍ സംഘത്തേയും കേരളത്തിലേക്ക് അയക്കും.

National146 days ago

നിപ: കേരളാ അതിർത്തിയിൽ തമിഴ്നാട് ആരോഗ്യവകുപ്പ് പരിശോധന നടത്തുന്നു

താളൂരിലാണ് ആരോഗ്യവകുപ്പിൻ്റെ പരിശോധന. കേരളത്തിൽ നിന്ന് തമിഴ്‌നാട്ടിലേക്ക് യാത്ര ചെയ്യുന്നവരുടെ ശരീര താപനില പരിശോധിക്കുന്നുണ്ട്. യാത്രക്കാരോട് മാസ്ക് ധരിക്കാനും ഉദ്യോഗസ്ഥർ ആവശ്യപ്പെടുന്നുണ്ട്. തമിഴ്‌നാട്ടിൽ നിന്ന് കേരളത്തിലേക്ക് വരുന്നവരും മാസ്‌ക് ധരിക്കണമെന്നും ആരോഗ്യവകുപ്പ് നിർദേശിച്ചിട്ടുണ്ട്. അതേസമയം യാത്രാ നിയന്ത്രണങ്ങളൊന്നും ഏർപ്പെടുത്തിയിട്ടില്ല. അതേസമയം മലപ്പുറം പാണ്ടിക്കാട്ടിൽ നിപ വൈറസ് ബാധയെ തുടർന്നുള്ള ആശങ്ക ക്രമേണ ശമിക്കുന്നുണ്ട്. കുട്ടിയുടെ മാതാപിതാക്കളുടെ ഉൾപ്പെടെ ഇന്നലെ വരെ വന്ന എല്ലാ പരിശോധനാ ഫലങ്ങളും നെഗറ്റീവാണ്.

Kerala152 days ago

നിപ: കേരളത്തിൽ നിന്നുള്ളവർക്ക് തമിഴ്നാട് പരിശോധന ഏർപ്പെടുത്തി

സംസ്ഥാനത്ത് നിപ സ്ഥിരീകരിച്ചതിനെ തുടർന്ന് കേരളത്തിൽ നിന്നുള്ള യാത്രക്കാർക്ക് അതിർത്തികളിൽ തമിഴ്നാട് പരിശോധന ഏർപ്പെടുത്തി. പാലക്കാട്, വാളയാർ അതിർത്തികളിലാണ് പരിശോധന. കേരളത്തിൽ നിന്നെത്തുന്നവരുടെ ശരീര താപനില അടക്കം പരിശോധിച്ച ശേഷമാണ് കടത്തിവിടുന്നത്. നിപ സമ്പർക്ക പട്ടികയിൽ പാലക്കാട് നിന്നുള്ള ചിലരും ഉൾപ്പെട്ടിരുന്നു. ഇതുകൂടി കണക്കിലെടുത്താണ് തമിഴ്നാടിന്റെ നടപടി.

Kerala154 days ago