കേരള ക്രിക്കറ്റ് ലീഗ്; കൊച്ചിയെ തകര്‍ത്ത് കാലിക്കറ്റിന് ആദ്യ വിജയം
കേരള ക്രിക്കറ്റ് ലീഗില്‍ കൊച്ചി ബ്ലൂ ടൈഗേഴ്‌സിനെതിരെ 39 റണ്‍സിനാണ് കാലിക്കറ്റ് ഗ്ലോബ്സ്റ്റാര്‍സിന്റെ വിജയം. 20 ഓവറില്‍ ഏഴു വിക്കറ്റ് നഷ്ടത്തില്‍ 196 റണ്‍സാണ് കാലിക്കറ്റ് നേടിയത്. ഈ വിജയലക്ഷ്യം പിന്തുടര്‍ന്ന കൊച്ചിയ്ക്ക് 20 ഓവറില്‍ എട്ടു വിക്കറ്റ് നഷ്ടത്തില്‍ 157 റണ്‍സ് നേടാനെ ആയുളളൂ. ജയത്തോടെ കാലിക്കറ്റ് രണ്ടു പോയിന്റുമായി നാലാം സ്ഥാനത്തേക്കു കയറി. അതേസമയം സീസണില്‍ കൊച്ചി ബ്ലൂ ടൈഗേഴ്‌സിന്റെ തുടര്‍ച്ചയായ രണ്ടാം തോല്‍വിയാണിത്.
Related News
കേരള ക്രിക്കറ്റ് ലീഗ്; കന്നി വിജയം നേടി ആലപ്പി റിപ്പിള്‍സ്
കേരള ക്രിക്കറ്റ് ലീഗിന്റെ ആദ്യ മത്സരത്തില്‍ ആദ്യ വിജയം നേടി ആലപ്പി റിപ്പിള്‍സ്. തൃശൂര്‍ ടൈറ്റന്‍സിനെ അഞ്ച് വിക്കറ്റിനാണ് ആലപ്പി പരാജയപ്പെടുത്തിയത്. തൃശൂര്‍ ഉയര്‍ത്തിയ 162 റണ്‍സ് വിജയലക്ഷ്യം 18.3 ഓവറില്‍ ആലപ്പി മറികടന്നു. 47 പന്തില്‍ 92 റണ്‍സുമായി തകര്‍പ്പന്‍ പ്രകടനം നടത്തിയ നായകന്‍ അസ്ഹറുദ്ദീനാണ് ആലപ്പിയുടെ വിജയശില്‍പി. ആലപ്പിക്കായി ആനന്ദ് ജോസഫ് മൂന്ന് വിക്കറ്റ് വീഴ്ത്തി. ടോസ് നേടിയ ആലപ്പി ബൗളിംഗ് തിരഞ്ഞെടുക്കുകയായിരുന്നു.
കേരള ക്രിക്കറ്റ് ലീഗ് താരലേലം ഇന്ന്
കേരള ക്രിക്കറ്റ് അസോസിയേഷന്റെ (KCA) കേരള ക്രിക്കറ്റ് ലീഗിനായി 168 കളിക്കാരാണ് ലേലത്തിനായി രജിസ്റ്റര്‍ ചെയ്തിട്ടുള്ളത്. സംവിധായകന്‍ പ്രിയദര്‍ശനും ജോസ് തോമസ് പട്ടാറയും ചേര്‍ന്നുള്ള ട്രിവാന്‍ഡ്രം റോയല്‍സ്, ചലച്ചിത്ര നിര്‍മാതാവും സംവിധായകനുമായ സോഹന്‍ റോയിയുടെ ഏരീസ് ഗ്രൂപ്പിന്റെ കൊല്ലം സെയ്‌ലേഴ്സ്, കണ്‍സോള്‍ ഷിപ്പിംഗ് സര്‍വിസസ് ഇന്ത്യ പ്രൈവറ്റ് ലിമിറ്റഡിന്റെ ആലപ്പി റിപ്പിള്‍സ്, എനിഗ്മാറ്റിക് സ്മൈല്‍ റിവാര്‍ഡ്സിന്റെ കൊച്ചി ബ്ലൂ ടൈഗേഴ്സ്, ഫൈനസ് മാര്‍ക്കറ്റ് ലിങ്ക് പ്രൈവറ്റ് ലിമിറ്റഡിന്റെ തൃശൂര്‍ ടൈറ്റന്‍സ്, ഇ.കെ.കെ ഇന്‍ഫ്രാസ്ട്രെക്ചര്‍ ലിമിറ്റഡിന്റെ കാലിക്കട്ട് ഗ്ലോബ്സ്റ്റേഴ്സ് ടീം എന്നിവയുടെ ഫ്രാഞ്ചൈസികളാണ് ലേലത്തില്‍ പങ്കെടുക്കുന്നത്.
