YSR കോൺഗ്രസിന് തിരിച്ചടി; രണ്ട് രാജ്യസഭ MP മാർ രാജിവെച്ചു

വൈ.എസ്. ജഗൻ മോഹൻ റെഡ്ഡിക്ക് തിരിച്ചടിയായി ആന്ധ്രപ്രദേശിലെ YSR കോൺഗ്രസിൽ നിന്നുള്ള രണ്ട് രാജ്യസഭാ MP മാർ രാജ്യസഭാംഗത്വം രാജിവെച്ചു. ഇരുവരും TDP യിൽ ചേർന്നേക്കുമെന്നാണ് സൂചന. മോപിദേവി വെങ്കടരാമണ്ണ, ബേഡ മസ്താൻ റാവു എന്നിവരാണ് രാജിവെച്ച MP മാർ. ഇതോടെ YSR കോൺഗ്രസിൻ്റെ രാജ്യസഭയിലെ അംഗബലം 9 MP മാരായി ചുരുങ്ങി. ലോക്സഭയിൽ 4 MP മാരാണ് YSR കോൺഗ്രസിനുള്ളത്.

National116 days ago

തിരുപ്പതി ലഡു വിവാദം; പ്രതികരണവുമായി ജഗന്‍ മോഹന്‍ റെഡ്ഡി

തിരുപ്പതി ക്ഷേത്രത്തില്‍ ഭക്തര്‍ക്ക് പ്രസാദമായി നല്‍കുന്ന ലഡുവില്‍ മൃഗക്കൊഴുപ്പും മത്സ്യ എണ്ണയും ഉണ്ടെന്ന ഭരണകക്ഷിയായ തെലുങ്കുദേശം പാര്‍ട്ടിയുടെ ആരോപണം തള്ളി ആന്ധ്രാപ്രദേശ് മുന്‍ മുഖ്യമന്ത്രി ജഗന്‍ മോഹന്‍ റെഡ്ഡി. TDP മതപരമായ കാര്യങ്ങള്‍ രാഷ്ട്രീയവല്‍ക്കരിക്കുകയാണ്. അവര്‍ പങ്കുവെച്ച ലബോറട്ടറി റിപ്പോര്‍ട്ട് എന്‍. ചന്ദ്രബാബു നായിഡു അധികാരമേറ്റ ജൂലൈ മുതലുള്ളതാണെന്നും ഗുണനിലവാരമില്ലാത്ത നെയ്യ് നല്‍കിയതിന് അന്നത്തെ വിതരണക്കാരായ എആര്‍ ഡയറിയാണ് ഉത്തരവാദികളെന്നും റെഡ്ഡി പറഞ്ഞു.

National95 days ago

ആന്ധ്രാപ്രദേശ് മുന്‍ മുഖ്യമന്ത്രി ജഗന്‍ മോഹന്‍ റെഡ്ഡിക്കെതിരെ വധശ്രമത്തിന് കേസ്

ആന്ധ്രാപ്രദേശ് മുന്‍ മുഖ്യമന്ത്രി ജഗന്‍ മോഹന്‍ റെഡ്ഡിയുള്‍പ്പെടെ അഞ്ച് പേര്‍ക്കെതിരെ വധശ്രമത്തിന് കേസെടുത്തു. TDP എംഎല്‍എ രഘുരാമ കൃഷ്ണ രാജു നല്‍കിയ പരാതിയുടെ അടിസ്ഥാനത്തില്‍ ഗുണ്ടൂര്‍ ജില്ലയിലെ നഗരംപാലം പോലീസാണ് FIR രജിസ്റ്റര്‍ ചെയ്തിരിക്കുന്നത്. CID മുന്‍ മേധാവി പി.വി. സുനില്‍ കുമാര്‍, ഇന്റലിജന്‍സ് മുന്‍ മേധാവി പി.എസ്.ആര്‍. ആഞ്ജനേയുലു എന്നിങ്ങനെ മുതിര്‍ന്ന IPS ഉദ്യോഗസ്ഥര്‍ ഉള്‍പ്പെടെയുളളവര്‍ക്കെതിരെയാണ് കേസ് രജിസ്റ്റര്‍ ചെയ്തിരിക്കുന്നത്.

National165 days ago

YSR കോണ്‍ഗ്രസ് പാര്‍ട്ടിയുടെ ഓഫീസ് ബുള്‍ഡോസര്‍ കൊണ്ട് പൊളിച്ച് ആന്ധ്രാ സര്‍ക്കാര്‍

സംസ്ഥാനത്ത് NDA സര്‍ക്കാര്‍ അധികാരമേറ്റതിന് പിന്നാലെയാണ് ഗുണ്ടൂര്‍ ജില്ലയിലെ തടെപ്പള്ളിയില്‍ നിര്‍മാണത്തിലിരിക്കുന്ന YSR കോണ്‍ഗ്രസ് പാര്‍ട്ടിയുടെ പ്രധാന ഓഫീസ് കെട്ടിടമാണ് ബുള്‍ഡോസര്‍ ഉപയോഗിച്ച് പൊളിച്ചുനീക്കിയത്. കൈയേറ്റ ഭൂമിയിലാണ് ഓഫീസ് നിര്‍മാണം എന്നാരോപിച്ചാണ് ആന്ധ്രാപ്രദേശ് തലസ്ഥാന മേഖല വികസന അതോറിറ്റിയുടെ നടപടി. സംഭവത്തിന് പിന്നില്‍ TDPയുടെ പ്രതികാര നടപടിയാണെന്ന് YSR കോണ്‍ഗ്രസ് ആരോപിച്ചു.

National185 days ago

ആന്ധ്രാ മുഖ്യമന്ത്രിയെ കല്ലെറിഞ്ഞവരെക്കുറിച്ച് വിവരം നല്‍കുന്നവര്‍ക്ക് രണ്ടു ലക്ഷം രൂപ പാരിതോഷികം

ആന്ധ്രാപ്രദേശ് മുഖ്യമന്ത്രി വൈ.എസ്. ജഗന്‍ മോഹന്‍ റെഡ്ഡിയെ കല്ലെറിഞ്ഞവരെക്കുറിച്ച് വിവരം നല്‍കുന്നവര്‍ക്ക് രണ്ട് ലക്ഷം രൂപ പാരിതോഷികം പ്രഖ്യാപിച്ച് NTR പോലീസ്. വിവരങ്ങള്‍ നല്‍കാന്‍ ആഗ്രഹിക്കുന്നവര്‍ക്ക് DCP കാഞ്ചി ശ്രീനിവാസ റാവു, ടാസ്‌ക് ഫോഴ്സ് ADCP ആര്‍. ശ്രീഹരിബാബു എന്നിവരുമായി 9490619342, 9440627089 എന്നീ നമ്പരുകളില്‍ യഥാക്രമം ബന്ധപ്പെടാമെന്നും വിവരം നല്‍കുന്നവരുടെ പേരുകള്‍ വെളിപ്പെടുത്തില്ലെന്നും പോലീസ് അറിയിച്ചു.Read More

National252 days ago

ജഗന്‍മോഹന്‍ റെഡ്ഡിയുടെ പാര്‍ട്ടി വിട്ട MLAമാരില്‍ ഒരാള്‍ കോണ്‍ഗ്രസിലും മറ്റൊരാള്‍ BJPയിലും ചേര്‍ന്നു

നിയമസഭാ തിരഞ്ഞെടുപ്പില്‍ സീറ്റ് നിഷേധിക്കപ്പെട്ടതിന് പിന്നാലെയാണ് ഇരുവരും പാര്‍ട്ടി വിട്ട് മറ്റ് പാര്‍ട്ടില്‍ ചേര്‍ന്നത്. വുന്നമാട്ല എലിസ കോണ്‍ഗ്രസിലും വി വരപ്രസാദറാവു BJPയിലും അംഗത്വമെടുത്തു. മുന്‍ സിവില്‍ സര്‍വീസ് ഉദ്യോഗസ്ഥനായ വി വരപ്രസാദറാവുവിനെ ഇത്തവണ BJP തിരുപ്പതിയില്‍ ലോക്സഭാ സ്ഥാനാര്‍ത്ഥിയാക്കുമെന്നാണ് സൂചന.

National274 days ago

പ്രധാനമന്ത്രിയുമായി കൂടിക്കാഴ്ച്ച നടത്തി ആന്ധ്രാ മുഖ്യമന്ത്രി ജഗന്‍ മോഹന്‍ റെഡ്ഡി

ആന്ധ്രാപ്രദേശിന് പ്രത്യേക പദവി നല്‍കണം എന്നതുള്‍പ്പെടെയുള്ള ആവശ്യങ്ങളും പദ്ധതികളും ഇരുവരും ചര്‍ച്ച ചെയ്‌തെന്ന് പാര്‍ട്ടി വൃത്തങ്ങള്‍ അറിയിച്ചു. ഈ വിഷയത്തില്‍ പ്രധാനമന്ത്രി മോദിയുമായും ആഭ്യന്തര മന്ത്രി അമിത് ഷായുമായും നേരത്തെയും ജഗന്‍ മോഹന്‍ റെഡ്ഡി നിരവധി ചര്‍ച്ച നടത്തിയിട്ടുണ്ട്. TDP അധ്യക്ഷന്‍ എന്‍. ചന്ദ്രബാബു നായിഡു അമിത് ഷായെയും BJP അധ്യക്ഷന്‍ ജെ.പി നദ്ദയെയും സന്ദര്‍ശിച്ച് ഒരു ദിവസത്തിന് ശേഷമാണ് ഈ കൂടിക്കാഴ്ച്ച നടന്നിരിക്കുന്നത്.

National319 days ago