വ്യവസായി ആയ അനില്‍ അംബാനിയെയും മറ്റു 24 പേരെയും ഓഹരി വിപണിയുമായി ബന്ധപ്പെട്ട പ്രവര്‍ത്തനത്തില്‍ നിന്നും തടഞ്ഞ് വിപണി നിയന്ത്രണ സംവിധാനമായ സെക്യൂരിറ്റീസ് ആന്‍ഡ് എക്സ്ചേഞ്ച് ബോര്‍ഡ് ഓഫ് ഇന്ത്യ (സെബി). അനില്‍ അംബാനിക്ക് 25 കോടി രൂപ പിഴയും സെബി ചുമത്തിയിട്ടുണ്ട്. ഓഹരി വിപണിയുമായി ബന്ധപ്പെട്ട് ഒരു വിധത്തിലുമുള്ള പ്രവര്‍ത്തനവും നടത്തരുതെന്നും വിലക്കുള്ള അഞ്ചുവര്‍ഷ കാലയളവില്‍ ലിസ്റ്റഡ് കമ്പനിയിലോ സെബിയില്‍ രജിസ്റ്റര്‍ ചെയ്ത ഇടനിലക്കാരിലോ ഡയറക്ടര്‍ സ്ഥാനം അടക്കം ഒരു നിര്‍ണായക പദവിയും വഹിക്കരുതെന്നും സെബിയുടെ ഉത്തരവില്‍ പറയുന്നു.
