തിരുവനന്തപുരത്തെ അമീബിക് മസ്തിഷ്‌ക ജ്വരം; നിരീക്ഷണം കര്‍ശനമാക്കി ആരോഗ്യവകുപ്പ്

രോഗം സ്ഥിരീകരിച്ച നാല് പേര്‍ തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. ഛര്‍ദി, തലവേദന, കഴുത്തിന്റെ പിന്‍ഭാഗത്ത് വേദന തുടങ്ങിയ രോഗലക്ഷണങ്ങള്‍ ഉണ്ടായാല്‍ ഉടന്‍ ചികിത്സ തേടണം എന്നാണ് ആരോഗ്യ വകുപ്പിന്റെ നിര്‍ദേശം. കഴിഞ്ഞ 23ന് മരിച്ച യുവാവ് ഉള്‍പ്പെടെ അഞ്ച് പേര്‍ക്കാണ് ജില്ലയില്‍ ഇതുവരെ രോഗം സ്ഥിരീകരിച്ചത്. ചികിത്സയിലുള്ള ഒരാളുടെ നിലയില്‍ പ്രശ്‌നങ്ങളുണ്ടെന്ന് അധികൃതര്‍ അറിയിച്ചു.

Kerala256 days ago

തിരുവനന്തപുരം നഗരത്തിൽ ഇന്ന് ജലവിതരണം തടസപ്പെടും

സ്മാർട്ട് സിറ്റി പദ്ധതിയുടെ പ്രവർത്തനങ്ങളുമായി ബന്ധപ്പെട്ട് തിരുവനന്തപുരം നഗരത്തിലെ വിവിധയിടങ്ങളിൽ ഇന്ന് ജലവിതരണം മുടങ്ങും. ആൽത്തറ- മേട്ടുക്കട റോഡിൽ സ്ഥാപിച്ചിട്ടുള്ള പുതിയ ലൈനുകൾ ചാർജ് ചെയ്യുകയും പഴയ ബ്രാഞ്ച് ലൈനുകൾ പുതിയ പൈപ്പ് ലൈനുമായി കണക്ട് ചെയ്യുകയും ചെയ്യുന്ന ജോലികൾ നടക്കുന്നതിനെ തുടർന്നാണ് ജലവിതരണം തടസപ്പെടുന്നത്. വഴുതക്കാട്, ഉദാരശിരോമണി റോഡ്, പാലോട്ടുകോണം, CSM നഗർ, ശിശുവിഹാർ ലൈൻ, കോട്ടൺഹിൽ, ഇടപ്പഴിഞ്ഞി, കെ. അനിരുദ്ധൻ റോഡ്, ഇറക്കം റോഡ്, മേട്ടുക്കട, വലിയശാല, തൈക്കാട് എന്നീ പ്രദേശങ്ങളിൽ രാവിലെ 10 മണിമുതൽ രാത്രി 12 വരെ ജലവിതരണം ഉണ്ടാകില്ല. അതിനാൽ ഉപഭോക്താക്കൾ വേണ്ട മുൻകരുതൽ സ്വീകരിക്കണമെന്ന് വാട്ടർ അതോറിറ്റി അറിയിച്ചു.

Kerala207 days ago

തിരുവനന്തപുരത്ത് വിവിധയിടങ്ങളിൽ വീണ്ടും ജലവിതരണം തടസപ്പെടും

സ്മാർട്ട് സിറ്റി പദ്ധതിയുടെ പ്രവർത്തനങ്ങളെ തുടർന്ന് തിരുവനന്തപുരത്ത് ചൊവ്വാഴ്ച (24-09-2024) ജലവിതരണം തടസപ്പെടും. രാവിലെ 10 മണി മുതൽ രാത്രി 12 മണി വരെയാകും ജലവിതരണം തടസപ്പെടുക. വഴുതക്കാട്, കോട്ടൺഹിൽ, പാലോട്ടുകോണം, തൈക്കാട്, CSM നഗർ, ഉദാരശിരോമണി റോഡ്, ഇടപ്പഴിഞ്ഞി, ശിശുവിഹാർ ലൈൻ, കെ. അനിരുദ്ധൻ റോഡ്, മേട്ടുക്കട, ഇറക്കം റോഡ്, വലിയശാല എന്നീ പ്രദേശങ്ങളിലാകും ജലവിതരണം തടസപ്പെടുകയെന്നും ഉപഭോക്താക്കൾ വേണ്ട മുൻകരുതൽ സ്വീകരിക്കണമെന്നും വാട്ടർ അതോറിറ്റി അറിയിച്ചു.

Kerala211 days ago

നിപ: തിരുവാലിയില്‍ ഇന്നും ആരോഗ്യ സര്‍വേ തുടരും

നിപ സ്ഥിരീകരിച്ച മലപ്പുറം തിരുവാലിയില്‍ ഇന്നലെ നടത്തിയ സര്‍വേയില്‍ സമ്പര്‍ക്ക പട്ടികയിലുള്ള ഒരാളടക്കം 49 പനി ബാധിതരെ കണ്ടെത്തി. മലപ്പുറം ജില്ലയിലും തിരുവാലി, മമ്പാട് പഞ്ചായത്തുകളിലെ കണ്ടെയ്മെന്റ് സോണുകളായ വാര്‍ഡുകളിലും കര്‍ശന നിയന്ത്രണങ്ങള്‍ തുടരും. ജില്ലയില്‍ 175 പേരാണ് സമ്പര്‍ക്കപ്പട്ടികയില്‍ ഉള്‍പ്പെട്ടിട്ടുള്ളത്. ഇതില്‍ 74 പേര്‍ ആരോഗ്യ പ്രവര്‍ത്തകരാണ്. 126 പേരാണ് പ്രാഥമിക സമ്പര്‍ക്കപ്പട്ടികയിലുള്ളത്. മരിച്ച വിദ്യാര്‍ത്ഥിയുടെ റൂട്ട് മാപ്പ് ഇന്നലെ ആരോഗ്യവകുപ്പ് പുറത്തുവിട്ടിരുന്നു.

Kerala214 days ago

നിപ ബാധിച്ച് മരിച്ചെന്ന് സംശയിക്കുന്ന യുവാവിന്റെ സമ്പര്‍ക്കപ്പട്ടിക പുറത്തുവിട്ടു

നിപ ബാധിച്ച് മരിച്ചെന്ന് സംശയിക്കുന്ന മലപ്പുറം വണ്ടൂര്‍ നടുവത്ത് സ്വദേശിയായ യുവാവുമായി 26 പേരാണ് നേരിട്ട് സമ്പര്‍ക്കം പുലര്‍ത്തിയത്. ആരോഗ്യ വകുപ്പാണ് സമ്പര്‍ക്കപ്പട്ടിക പുറത്തുവിട്ടത്. നിപ ഔദ്യോഗികമായി സ്ഥിരീകരിച്ചാല്‍ തുടര്‍ നടപടികളിലേക്ക് കടക്കും. തിരുവാലി പഞ്ചായത്ത് അംഗങ്ങളും ആരോഗ്യവകുപ്പ് ഉദ്യോഗസ്ഥരും യോഗം ചേര്‍ന്നു.

Kerala216 days ago

തിരുവനന്തപുരത്ത് വാഹനാപകടത്തില്‍പ്പെട്ടയാളെ റോഡരികിലെ മുറിയില്‍ പൂട്ടിയിട്ട് കടന്നു; പരിക്കേറ്റയാള്‍ മരിച്ചു

തിരുവനന്തപുരം വെള്ളറടയില്‍ ബൈക്കിടിച്ച് പരിക്കേറ്റയാളെ റോഡരികിലെ മുറിയില്‍ പൂട്ടിയിട്ടു യാത്രികര്‍ കടന്നു. പരിക്കേറ്റ കലിങ്ക്നട സ്വദേശി സുരേഷ് (52) മുറിക്കുള്ളില്‍ കിടന്ന് മരിച്ചു. കഴിഞ്ഞ ശനിയാഴ്ചയാണ് അപകടമുണ്ടായത്. ഇന്നലെ ഉച്ചയോടെ ദുര്‍ഗന്ധം അനുഭവപ്പെട്ടതിനെ തുടര്‍ന്ന് നാട്ടുകാര്‍ മുറിയുടെ ജനാല തുറന്നു നോക്കിയപ്പോഴാണ് മൃതദേഹം കണ്ടത്. സുരേഷ് വാടകയ്ക്ക് താമസിച്ചുകൊണ്ടിരുന്ന മുറിയില്‍ തന്നെയാണ് മൃതദേഹം കണ്ടെത്തിയത്. റോഡില്‍ സുരേഷ് ബൈക്ക് ഇടിച്ച് വീഴുന്നതിന്റെയും രണ്ട് പേര്‍ സുരേഷിനെ മുറിയിലാക്കുന്നതിന്റെയും CCTV ദൃശ്യം പോലീസിന് ലഭിച്ചിട്ടുണ്ട്. സംഭവത്തില്‍ പോലീസ് വിശദമായ അന്വേഷണം നടത്തിവരികയാണ്.

Kerala220 days ago

തിരുവനന്തപുരത്ത് വീണ്ടും കുടിവെള്ളം മുടങ്ങും

തിരുവനന്തപുരം നഗരത്തിലെ വഴുതക്കാട്, ഉദാരശിരോമണി റോഡ്, പാലോട്ടുകോണം, CSM നഗർ, ശിശുവിഹാർ ലൈൻ, കോട്ടൺഹിൽ, ഇടപ്പഴിഞ്ഞി, കെ. അനിരുദ്ധൻ റോഡ്, ഇറക്കം റോഡ്, മേട്ടുക്കട, വലിയശാല, തൈക്കാട് എന്നീ പ്രദേശങ്ങളിൽ നാളെ കുടിവെള്ളം മുടങ്ങും. രാവിലെ 10 മണിമുതൽ രാത്രി 12 വരെ ജലവിതരണം ഉണ്ടാകില്ല. സ്മാർട്ട് സിറ്റി പ്രവർത്തനങ്ങളെ തുടർന്നാണ് ജലവിതരണം തടസപ്പെടുന്നത്. നഗരത്തിൽ 4 ദിവസമായി മുടങ്ങിയ ജലവിതരണം ഇപ്പോഴും പല സ്ഥലങ്ങളിലും പുനഃസഥാപിച്ചിട്ടില്ല.

Kerala220 days ago

കുടിവെള്ള പ്രതിസന്ധി; വാട്ടര്‍ അതോറിറ്റിയെ കുറ്റപ്പെടുത്തി വി.കെ. പ്രശാന്ത്

തിരുവനന്തപുരത്തെ കുടിവെളള പ്രതിസന്ധിയില്‍ വാട്ടര്‍ അതോറിറ്റിക്കെതിരെ രൂക്ഷ വിമര്‍ശനവുമായി വി.കെ. പ്രശാന്ത് MLA. സംഭവത്തില്‍ വാട്ടര്‍ അതോറിറ്റിക്ക് വീഴ്ചയുണ്ടായി. ജല അതോറിറ്റി നഗരസഭയ്ക്ക് കൃത്യമായ അറിയിപ്പ് നല്‍കിയില്ലെന്നും ഇക്കാര്യത്തില്‍ മന്ത്രിയ്ക്ക് പരാതി നല്‍കുമെന്നും MLA പറഞ്ഞു. 48 മണിക്കൂര്‍ സമയപരിധി പറഞ്ഞായിരുന്നു വാട്ടര്‍ അതോറിറ്റി നവീകരണ പ്രവര്‍ത്തനങ്ങള്‍ ആരംഭിച്ചത്. എന്നാല്‍ പണി നാലുദിവസം നീണ്ടുപോയതോടെ തലസ്ഥാനനഗരം ദുരിതത്തില്‍ ആകുകയായിരുന്നു.

Kerala222 days ago

കുടിവെള്ള പ്രതിസന്ധി: തിരുവനന്തപുരം നഗരത്തിലെ വിദ്യാഭ്യാസ സ്ഥാപനങ്ങൾക്ക് നാളെ അവധി

തിരുവനന്തപുരത്ത് കുടിവെള്ള പ്രശ്നം രൂക്ഷമായി തുടരുന്നതിനാൽ തിരുവനന്തപുരം കോർപ്പറേഷൻ പരിധിയിലെ പ്രൊഫഷണൽ കോളേജുകൾ ഉൾപ്പെടയുള്ള വിദ്യാഭ്യാസ സ്ഥാപനങ്ങൾക്ക് ജില്ലാ കളക്ടർ അവധി പ്രഖ്യാപിച്ചു. നാളെ നടക്കാനിരിക്കുന്ന പരീക്ഷകൾ മറ്റൊരു ദിവസം നടത്തുമെന്നും കളക്ടർ അറിയിച്ചു. അതേസമയം സാങ്കേതിക വകുപ്പിന് കീഴിലുള്ള കോളേജുകളിൽ നാളെ നടക്കുന്ന പ്രവേശന നടപടികൾക്ക് മാറ്റമുണ്ടാകില്ല. കോർപ്പറേഷൻ പരിധിയിലെ വിദ്യഭ്യാസ സ്ഥാപനങ്ങളുടെ കാര്യത്തിൽ ഉചിതമായ തീരുമാനമെടുക്കാൻ കളക്ടർക്ക് നിർദേശം നൽകിയതായി മന്ത്രി വി. ശിവൻകുട്ടി അറിയിച്ചിരുന്നു. തുടർന്നാണ് കളക്ടർ അവധി പ്രഖ്യാപിച്ചത്.

Kerala222 days ago

ജാഗ്രത; സംസ്ഥാനത്തെ വിവിധ ഭാഗങ്ങളില്‍ ഇന്‍ഫ്‌ളുവന്‍സ പനി പടരുന്നു

കാസര്‍ഗോഡ് ജില്ലയിലെ പടന്നക്കാട് കാര്‍ഷിക കോളേജില്‍ 30തോളം പേര്‍ക്ക് പനി ബാധിച്ചതിനെ തുടര്‍ന്ന് ആരോഗ്യ വകുപ്പ് നടത്തിയ സാമ്പിള്‍ ശേഖരണത്തില്‍ 9 പേര്‍ക്ക് ഇന്‍ഫ്‌ളുവന്‍സാ A വിഭാഗത്തില്‍പ്പെട്ട പനി ബാധിച്ചതായി സ്ഥിരീകരിച്ചു. H1N1, H3N2 എന്നീ വിഭാഗത്തില്‍പ്പെട്ട വൈറസുകളാണ് പനിക്ക് കാരണമായത്. സ്വകാര്യ ലാബില്‍ നടത്തിയ പരിശോധനയില്‍ ഒരു കുട്ടിക്ക് കൂടി H1N1 ഉണ്ടെന്ന് തിരിച്ചറിഞ്ഞു. നാട്ടില്‍ പനി പടരാന്‍ സാധ്യത നിലനില്‍ക്കുന്നതിനാല്‍ ഗര്‍ഭിണികള്‍, കിടപ്പുരോഗികള്‍, മറ്റ് ഗുരുതര രോഗമുള്ളവര്‍ പ്രത്യേകം ശ്രദ്ധിക്കണമെന്ന് ആരോഗ്യ വകുപ്പ് അറിയിച്ചു.

Kerala223 days ago

നേമം, കൊച്ചുവേളി റെയിൽവേ സ്റ്റേഷനുകളുടെ പേരുമാറ്റി: വിജ്ഞാപനം ഇറങ്ങി

നേമം റെയില്‍വേ സ്റ്റേഷന്റെ പേര് തിരുവനന്തപുരം സൗത്ത് എന്നും കൊച്ചുവേളി തിരുവനന്തപുരം നോര്‍ത്ത് എന്നും മാറ്റി സർക്കാർ വിജ്ഞാപനം ഇറങ്ങി. റെയില്‍വേ ബോര്‍ഡിന്റെ ഉത്തരവ് വരുന്നതോടെ ഔദ്യോഗികമായി പേരുമാറ്റം നിലവില്‍ വരും. ഇതോടെ ഈ രണ്ടു സ്റ്റേഷനുകളെയും തിരുവനന്തപുരം സെന്‍ട്രല്‍ റെയില്‍വേ സ്റ്റേഷന്റെ സാറ്റ്‌ലൈറ്റ് ടെര്‍മിനലുകളാക്കാനുള്ള നടപടികള്‍ സജീവമാകും.

Kerala224 days ago