ഇന്ത്യ-പാക് യുദ്ധകാലത്തെ 27 മോര്‍ട്ടാര്‍ ഷെല്ലുകള്‍ കണ്ടെത്തി
1971ലെ ഇന്ത്യ പാകിസ്ഥാന്‍ യുദ്ധകാലത്തുപയോഗിച്ച 27 മോര്‍ട്ടാര്‍ ഷെല്ലുകള്‍ കണ്ടെത്തിയതായി പോലീസ് അറിയിച്ചു. പടിഞ്ഞാറന്‍ ത്രിപുരയിലെ ഒരു വീട്ടില്‍ കുളം കുഴിക്കുന്നതിനിടെ തൊഴിലാളികളാണ് ഷെല്ലുകള്‍ കണ്ടെത്തിയത്. ഷെല്ലുകള്‍ക്ക് സാരമായ കേടുപാടുകള്‍ സംഭവിച്ചിട്ടുളളതിനാല്‍ അവയുടെ കൃത്യമായ ഉത്ഭവമോ നിര്‍മാണ വിശദാംശങ്ങളോ നിര്‍ണയിക്കാന്‍ പ്രയാസമാണെന്ന് അസിസ്റ്റന്റ് ഇന്‍സ്പെക്ടര്‍ ജനറല്‍ അനന്ത ദാസ് പറഞ്ഞു.
Related News
ത്രിപുരയില്‍ വിദ്യാര്‍ത്ഥികള്‍ക്കിടയില്‍ HIV വ്യാപനമെന്ന് റിപ്പോര്‍ട്ട്
ത്രിപുരയിലെ 828 പേരില്‍ HIV വൈറസ് ബാധിച്ചതായും ഇതിനകം 47 വിദ്യാര്‍ത്ഥികള്‍ മരിച്ചതായുമാണ് റിപ്പോര്‍ട്ട്. ത്രിപുര സ്റ്റേറ്റ് എയ്ഡ്സ് കണ്‍ട്രോള്‍ സൊസൈറ്റിയാണ് കണക്കുകള്‍ പുറത്തുവിട്ടത്. 220 സ്‌കൂളുകള്‍, 24 കോളേജുകള്‍, സര്‍വകലാശാലകള്‍ എന്നിവിടങ്ങളില്‍ നിന്നുള്ള വിദ്യാര്‍ത്ഥികളിലാണ് രോഗം സ്ഥിരീകരിച്ചത്. ലഹരിമരുന്ന് കുത്തിവെപ്പിലൂടെ വൈറസ് വ്യാപനമുണ്ടായെന്നാണ് അധികൃതരുടെ വിശദീകരണം.
ഉഷ്ണ തരംഗം: ത്രിപുര സർക്കാർ സ്‌കൂളുകൾക്ക് മെയ് 1 വരെ അവധി നീട്ടി
സംസ്ഥാനത്ത് ചൂട് തുടരുന്ന സാഹചര്യത്തിൽ ത്രിപുര സർക്കാർ സ്‌കൂൾക്ക് മെയ് 1 വരെ അവധി പ്രഖ്യാപിച്ചു. എല്ലാ സർക്കാർ, എയ്ഡഡ്, സ്വകാര്യ മാനേജ്‌മെൻ്റ് സ്‌കൂളുകൾക്കും അവധി ബാധകമായിക്കും. നേരത്തെ ഏപ്രിൽ 24 മുതൽ നാല് ദിവസത്തേക്ക് എല്ലാ സ്‌കൂളുകൾക്കും സർക്കാർ അവധി നൽകിയിരുന്നു. അടുത്ത 24 മണിക്കൂറിൽ സംസ്ഥാനത്ത് താപനില 38 ഡിഗ്രി സെൽഷ്യസ് വരെ ഉയരാൻ സാധ്യതയുണ്ടെന്നും കാലാവസ്ഥാ വകുപ്പ് നിർദേശം നൽകി.
