കുവൈത്ത് തീപിടിത്തം; ദുഃഖസൂചകമായി നാളത്തെ എല്ലാ പരിപാടികളും റദ്ദാക്കി കോണ്‍ഗ്രസ്

സംഭവത്തില്‍ KPCC പ്രസിഡന്റ് കെ. സുധാകരന്‍ MP അഗാധമായ ദുഃഖവും നടുക്കവും രേഖപ്പെടുത്തി. നിരവധി മലയാളികള്‍ കൊല്ലപ്പെട്ട സംഭവത്തില്‍ കേന്ദ്ര-സംസ്ഥാന സര്‍ക്കാരുകള്‍ പരമാവധി സഹായം എത്തിക്കണമെന്നും സുധാകരന്‍ അഭ്യര്‍ത്ഥിച്ചു. മരിച്ചവരുടെ കുടുംബങ്ങളും ബന്ധുമിത്രാദികളും വേദനയില്‍ കഴിയുകയാണെന്നും അവരുടെ ദുഃഖത്തില്‍ പങ്കുചേരുന്നുവെന്നും അദ്ദേഹം കൂട്ടിച്ചേര്‍ത്തു.

Kerala194 days ago

ബെംഗളൂരുവില്‍ മെഡിക്കല്‍ കോളേജില്‍ തീപിടിത്തം; ICUവില്‍ ചികിത്സയിലിരുന്ന മലയാളിക്ക് ദാരുണാന്ത്യം

ബെംഗളൂരുവിലെ മത്തിക്കരെയിലെ MS രാമയ്യ മെഡിക്കല്‍ കോളജില്‍ ഉച്ചയോടെയുണ്ടായ തീപിടിത്തത്തിലാണ് ന്യുമോണിയ ബാധിച്ച് ICUവില്‍ ചികിത്സയിലിരുന്ന യുവാവ് മരിച്ചത്. പുനലൂര്‍ സ്വദേശി സുജയ് സുജാതന്‍(36) ആണ് മരിച്ചത്. സുജയിനെ രക്ഷപ്പെടുത്തുന്നതില്‍ ആശുപത്രിയ്ക്ക് വീഴ്ച സംഭവിച്ചതായാണ് ബന്ധുക്കളുടെ ആരോപണം. കഴിഞ്ഞ രണ്ടാഴ്ചയായി സുജയ് ആശുപത്രിയില്‍ ചികിത്സയിലായിരുന്നു.

National96 days ago

മധുരയില്‍ വനിതാ ഹോസ്റ്റലില്‍ തീപിടിത്തം; രണ്ട് മരണം

മുധുരയിലെ കത്രപാളയത്ത് പ്രവര്‍ത്തിച്ചിരുന്ന ഹോസ്റ്റലില്‍ ഇന്ന് പുലര്‍ച്ചയോടെയാണ് തീപിടുത്തമുണ്ടായത്. അപകടത്തില്‍ അധ്യാപിക ഉള്‍പ്പടെ രണ്ട് പേര്‍ മരിച്ചു. ശരണ്യ, പരിമള എന്നിവരാണ് മരിച്ചത്. അഞ്ച് പേര്‍ പരിക്കേറ്റ് ആശുപത്രിയിലാണ്. ഷോര്‍ട്ട് സര്‍ക്യൂട്ട് ആകാം തീപിടിത്തത്തിനുള്ള കാരണം എന്നാണ് പോലീസിന്റെ പ്രാഥമിക വിലയിരുത്തല്‍. തീപിടിത്തത്തെ തുടര്‍ന്നുണ്ടായ പുക ശ്വസിച്ച് നിരവധി പെണ്‍കുട്ടികള്‍ക്ക് ശ്വാസതടസ്സം ഉണ്ടായതായാണ് റിപ്പോര്‍ട്ട്

National103 days ago

പിണറായി വിജയന്‍ ഭീകരജീവി; രൂക്ഷ വിമര്‍ശനവുമായി കെ. സുധാകരന്‍

യൂത്ത് കോണ്‍ഗ്രസ് പ്രവര്‍ത്തകരെ തല്ലിച്ചതച്ച പോലീസ് നടപടിയില്‍ മുഖ്യമന്ത്രിക്കെതിരെ രൂക്ഷ വിമര്‍ശനവുമായി KPCC അധ്യക്ഷന്‍ കെ. സുധാകരന്‍. പിണറായി വിജയന്‍ ഭീകരജീവിയാണെന്നും ഈ മുഖ്യമന്ത്രിയെ വെച്ച് ഒരു ദിവസം പോലും മുന്നോട്ട് പോകാനാകില്ലെന്നും അദ്ദേഹം പറഞ്ഞു. ഞാന്‍, എന്റെ കുടുംബം, എന്റെ സമ്പത്ത് എന്നത് മാത്രമാണ് മുഖ്യമന്ത്രി പിണറായി വിജയന്റെ ലക്ഷ്യം. രാജിവെച്ചില്ലെങ്കില്‍ പിണറായി വിജയനെ അടിച്ചുപുറത്താക്കാന്‍ കേരളത്തിലെ ജനത രംഗത്തവരുമെന്നും കെ സുധാകരന്‍ പറഞ്ഞു. മുഖ്യമന്ത്രിയുടെ രാജി ആവശ്യപ്പെട്ട് കോണ്‍ഗ്രസ് നടത്തിയ സെക്രട്ടേറിയറ്റ് മാര്‍ച്ചില്‍ സംസാരിക്കുകയായിരുന്നു അദ്ദേഹം.

Kerala109 days ago

മലപ്പുറത്ത് വീടിന് തീപിടിച്ചു; അഞ്ച് പേര്‍ക്ക് പൊള്ളലേറ്റു

മലപ്പുറം പെരുമ്പടപ്പില്‍ പുറങ്ങ് പള്ളിപ്പടി തൂക്ക് പാലത്തിന് സമീപത്തെ ഏറാട്ട് വീട്ടിലാണ് തീപിടിത്തമുണ്ടായത്. സരസ്വതി, മകന്‍ മണികണ്ഠന്‍, ഭാര്യ റീന, മക്കളായ അനിരുദ്ധന്‍, നന്ദന എന്നിവര്‍ക്കാണ് പൊള്ളലേറ്റത്. ഇതില്‍ മൂന്ന് പേരുടെ നില ഗുരുതരമാണ്. ഇന്ന് പുലര്‍ച്ചെ ഒരു മണിയോടെ വീടിന്റെ ഒരു മുറിയിലാണ് തീപിടിത്തമുണ്ടായത്. ബഹളം കേട്ട് ഓടിയെത്തിയ നാട്ടുകാര്‍ വാതില്‍ ചവിട്ടി പൊളിച്ചാണ് ഇവരെ പുറത്തെടുത്തത്. സാമ്പത്തിക ബാധ്യതയെ തുടര്‍ന്നുള്ള ആത്മഹത്യാ ശ്രമമാണ് നടന്നതെന്നാണ് ലഭിക്കുന്ന പ്രാഥമിക വിവരം.

Kerala111 days ago

പാപ്പനംകോട് ഇന്‍ഷുറന്‍സ് ഓഫിസില്‍ തീപിടിത്തം; രണ്ട് സ്ത്രീകള്‍ക്ക് ദാരുണാന്ത്യം

പാപ്പനംകോട് ന്യൂ ഇന്ത്യാ ഇന്‍ഷുറന്‍സ് ഓഫീസിലാണ് വന്‍ തീപിടിത്തം ഉണ്ടായത്. അപകടത്തില്‍ ഓഫീസിലെ ജീവനക്കാരി വൈഷ്ണവ(35), തിരിച്ചറിയാത്ത മറ്റൊരു സ്ത്രീ എന്നിവര്‍ മരിച്ചു. ഗുരുതരമായി പൊള്ളലേറ്റ രണ്ട് സ്ത്രീകളെ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചെങ്കിലും രക്ഷിക്കാനായില്ല. ഓഫീസ് പൂര്‍ണമായും കത്തി നശിച്ച നിലയിലാണ്. തീപിടിത്തത്തിനു കാരണം എന്താണെന്ന് ഇതുവരെ വ്യക്തമായിട്ടില്ല.

Kerala112 days ago

ആന്ധ്രാപ്രദേശിലെ മരുന്ന് കമ്പനിയില്‍ തീപിടിത്തം; ഏഴ് പേര്‍ വെന്തുമരിച്ചു

ആന്ധ്രാപ്രദേശിലെ അനകപ്പല്ലേയിലെ എസ്സിയന്‍ഷ്യ അഡ്വാന്‍സ്ഡ് സയന്‍സ് പ്രൈവറ്റ് ലിമറ്റഡിന്റെ ഫാക്ടറിയിലാണ് തീപിടിത്തമുണ്ടായത്. അപകടത്തില്‍ ഏഴുപേര്‍ മരിക്കുകയും 30 പേര്‍ക്ക് പരിക്കേല്‍ക്കുകയും ചെയ്തു. ഫാക്ടറിയിലെ റിയാക്ടര്‍ പൊട്ടിത്തെറിച്ചതാണ് അപകടത്തിന് കാരണമെന്നാണ് പ്രാഥമിക നിഗമനം. ഉച്ചഭക്ഷണ സമയത്താണ് അപകടം ഉണ്ടായത്. അതിനാല്‍ വന്‍ ദുരന്തം ഒഴിവായി.

National125 days ago

വിശാഖപട്ടണത്ത് ട്രെയിനില്‍ തീപിടിത്തം; മൂന്ന് എസി കോച്ചുകള്‍ കത്തിനശിച്ചു

വിശാഖപട്ടണം റെയില്‍വേ സ്റ്റേഷന്റെ നാലാം പ്ലാറ്റ്ഫോമില്‍ നിര്‍ത്തിയിട്ടിരുന്ന കോര്‍ബ-വിശാഖപട്ടണം എക്‌സ്പ്രസിലാണ് തീപിടിത്തമുണ്ടായത്. അപകടത്തില്‍ എക്‌സ്പ്രസിന്റെ മൂന്ന് എസി കോച്ചുകള്‍ കത്തിനശിച്ചു. സംഭവത്തില്‍ ആളപായമൊന്നും റിപ്പോര്‍ട്ട് ചെയ്തിട്ടില്ല. ബി 7 ബോഗിയുടെ ടോയ്ലറ്റിലെ ഷോര്‍ട്ട് സര്‍ക്യൂട്ടാണ് തീപിടുത്തത്തിന് കാരണമെന്നാണ് റെയില്‍വേ ഉദ്യോഗസ്ഥരുടെ പ്രാഥമിക നിഗമനം. മറ്റ് ബോഗികകളിലേക്കും തീ പടര്‍ന്നെങ്കിലും ഉടന്‍ തന്നെ റെയില്‍വേ ജീവനക്കാരെത്തി തീ നിയന്ത്രണവിധേയമാക്കി.

National142 days ago

AKG സെന്റര്‍ സ്‌ഫോടനം; കെ. സുധാകരനും വി.ഡി. സതീശനും സമന്‍സ്

AKG സെന്റര്‍ സ്‌ഫോടനവുമായി ബന്ധപ്പെട്ട കേസില്‍ KPCC പ്രസിഡന്റ് കെ. സുധാകരനും പ്രതിപക്ഷ നേതാവ് വി.ഡി. സതീശനും തിരുവനന്തപുരം ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതി സമന്‍സ് അയച്ചു. ഇരുവരും അടുത്ത മാസം 28ന് ഹാജരാകണമെന്നാണ് കോടതിയുടെ നിര്‍ദേശം. കേസിലെ സാക്ഷികളാണ് ഇരുവരും. അതേസമയം AKG സെന്റര്‍ ആക്രമണ കേസിലെ പ്രതിയായ യൂത്ത് കോണ്‍ഗ്രസ് നേതാവ് സുഹൈല്‍ ഷാജഹാന് ഹൈക്കോടതി കഴിഞ്ഞ ദിവസം ജാമ്യം അനുവദിച്ചിരുന്നു.

Kerala157 days ago

തിരുവനന്തപുരത്ത് പടക്ക നിര്‍മാണശാലയ്ക്ക് തീപിടിച്ചു; ഒരാള്‍ക്ക് ഗുരുതര പരിക്ക്

നന്ദിയോട് ശ്രീമുരുക പടക്ക നിര്‍മാണശാലയ്ക്കാണ് തീപിടിച്ചത്. പടക്കശാലയുടെ ഉടമ ഷിബുവിനാണ് ഗുരുതരമായി പരിക്കേറ്റത്. ഇദ്ദേഹത്തെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചിരിക്കുകയാണ്. രാവിലെ പത്തരയോടെ ഉഗ്രസ്ഫോടന ശബ്ദം കേട്ട് നാട്ടുകാര്‍ ഓടിയെത്തിയപ്പോഴാണ് വിവരം അറിഞ്ഞത്. സംഭവ സമയത്ത് ഉടമ മാത്രമെ കടയില്‍ ഉണ്ടായിരുന്നുള്ളു. പൊട്ടിത്തെറിയില്‍ കെട്ടിടം പൂര്‍ണമായി തകര്‍ന്നു. ഫയര്‍ഫോഴ്സും പൊലീസും ചേര്‍ന്നാണ് തീയണച്ചത്.

Kerala160 days ago

കൊച്ചിയില്‍ സ്‌കൂള്‍ ബസിനു തീപിടിച്ചു

തേവര എസ്എച്ച് സ്‌കൂളിന്റെ ബസിനാണ് തീപിടിച്ചത്. രാവിലെ എട്ടരയോടെ കുണ്ടന്നൂര്‍ പാലത്തിന് താഴെ എത്തിയപ്പോഴായിരുന്നു അപകടം. ബസില്‍ കുട്ടികളുണ്ടായിരുന്നുവെങ്കിലും പുക ഉയരുന്നത് കണ്ട ഡ്രൈവര്‍ കുട്ടികളെ സുരക്ഷിതമായി പുറത്തിറക്കുകയായിരുന്നു. ഇതിന് പിന്നാലെയാണ് ബസിന് തീപിടിച്ചത്. അഗ്‌നിശമന സേനയെത്തിയാണ് തീ നിയന്ത്രണവിധേയമാക്കിയത്. ബസ് മുഴുവനായും കത്തിനശിച്ചു.

Kerala167 days ago